الى كل المعينين الجدد دعوة للاعتراف بالجميل

[مريم عبد العال]

الى من سيتم تعينة قريبا في قرار 1/7 في حياة كل واحد منا شخص ساعده فى هذا المشوار الصعب الذى اخيرا كلل بالتعين انا مثلا هذا الشخص هو زوجى اغلى الناس الى قلبي لقد استحمل 6 سنوات من زواجنا فى هذا الغلب بل وكان يصرف على الدبلومة والكتب وicdl والله وكان يذاكرلى ايضا حتى فى الكادر ولم يمل قط وكان دائما يقول لى عشان لو حصلى حاجة اسيبك وانتى تعملى مهنة يفتخر بها ابناؤك وحث عليها رسول الله والان لااخفيكم سرا اشعر ان التعين هذا هدية له هو فبالله عليكم كل واحد الان يتذكر من وقف بجانبة ولو بكلمة ويحاول ان يرد جميلة ولو بهدية صغيرة اعترافا بالجميل

[a3memooo]

الشكر كل الشكر للثوره المصريه ثوره 25 يناير التي لولها ما كنا تركنا اماكما كمعلمين مساعدين

الشكر كل الشكر لأهلي وزوجتي

[maths city]

ان شاء الله اولا مبروك ليكى ولما باذن الله نتعين رسمى حنقول والله

[سعاد اقتصاد منزلى]

والله معاك حق فى وسط انشغالنا بالحد الادنى و المرتبات و التثبيت نسينا فضل الناس اللى لولاهم ما كناش كملنا اصلا فى ظل الظروف الصعبة اللى كنا فيها بالنسبة لى كان اولا اهلى اللى اتحملوا ولادى وانا اوديهم عندهم يوميا وكانت بنتى صغيرة جدا عندها شهور واسافر للمدرسة اللى بتبعد عن بلدى كتير واركب لها 3مواصلات وايام الجودة ربنا ما يعودها و اولادى طبعا اللى كنت بسيبهم فترة طويلة لوحدهم وطبعا جوزى اللى ياما اتغدى فول و طعمية ايام تدريب الicdl واللى كنت باروحه بعد المدرسة و
سهرى لحد الصبح قدام الكمبيوتر ليلة الامتحان يااااااااااااااااااه والله فكرتينى دى كانت ايام والله يا جماعة احنا فلوسنا حلال 100%
دا احنا شفنا الذل .

[راجحه]

اولا اشكر ربنا لان الشغل ده ارزاق وطبعا كل بيد الله
الف حمد وشكر
وطبعا لم انسي فضل زوجي ومساعدته ليا ربنا يخليه ليا يارب

[مصري 13]

فعلا استاذة حنان

كل الشكر للناس اللي تعبت معانا وويانا

وبحب اشكر شهداء يناير كمان

[مريم عبد العال]

طبعا الله يرحمهم ويجزيهم عنا خير الجزاء

[marwaya]

طبعا الفضل لامى لان فى اول سنه جاللى حصص بالاجر وانا كنت رافضة تماما هذه الحصص لانى كنت اعتبرها ذل ومهانه وضغطت عليه وفعلا اشتغلت وبعد سنتين جت العقود والحمد لله انا تبع تثبيت 1 / 7 وطبعا اشكر زوجى الحبيب لانه تعب معايا ايام امتحان الكادر وكان بيشيل بنتى على طول وطبعا هو السبب فى انى اخد الـ icdl لان هو اللى كان بيشجعنى انى اخلصها
الحمد لله

[ابن الأكرمين]

والله موضوع جميل

وكلمة شكر لمن ساهم أو يساهم في التعاون

أنا عكس الدنيا كلها

فالزوجة كانت معلمة مساعدة وتم تعينها في 1/3/2011 م

وهيه بنت حلال وتستاهل كل خير


ربنا يبارك فيكم

وما قل وكفى خير مما كثر وألهى

شكرا لصاحبة الموضوع ومبروووووك على التعيين

[Mr/Ali Aswan]

انا لسه متعينتش بس انا مستوفي الشروط اح الاو اباركلكم علي التعيين واحب كمان اقول الفضل الاول هوه ربنا سبحانه وتعالي ثم ابن عمتي وقف جمبي وكمان واحد صديقه في الاداره وكمان واحد قريبنا من نفس بلدنا وكمان اخويه طبعا لانه كان بيشجعني اني اخش امتحن ومخفش لاني كنت خايف اني اسقط سواء في icdl او في امتحان الكادر وكمان استاذ عبدالفتاح لانو شجعني اني اخش امتحن الicdl لانه دخل وامتحن يارب مكون نسيت حد اه نسيت اهم واحد ساعدني في التعيين منتدي بوابة الثانويه العامه ياجماعه المنتدي ده انا استفدت منه كتير ياريت كلنا نعمل نرد الجميل للمنتدي ده لانه منتدي مميز وجميل

[مريم عبد العال]

ربنا يخليهالك ويبارك فيكما اشعر الان اننا عدنا للوفاء والحب والعرفان بالجميل داخل بيوتنا بعدما تسارعت علينا الدنيا واخذتنا من اعظم الخصال التى حث عليها رسول الله وتذكرو من لم يشكر الناس لم يشكر الله

[Mr/Ali Aswan]

بس انا متفاءل اني هتعين حتي لو مش السنه ديه يبقه السنه الجايه انا عملت اللي عليه وذاكرت وتعبت من ايام الكليه حتي اللحظه اللي انا فيها وفي كل ورقه كنت بخلصها والحمدلله انا مش زعلان لاني رضيت ضميري وعملت اقصي مجهود ليه والحمدلله الصبر جميل واحلي حاجه لما تتعب في حاجه وتخدها بمجهووووووووووووووووووووودك بيبقه ليها لذه غريبه

[مريم عبد العال]

انا مش فاهمة حضرتك امتحنت الكادر ولسة ماتعينتش ليه

[Mr/Ali Aswan]

ايوه امتحنت كادر ونجحت فيه بتاع واحد اربعه وكمان معايه اي سي دي ال وتربوي

[Mr/Ali Aswan]

والله السؤال ده تقوليه لاداره اسوان انا روحت وقالولي لسه مجتش حاجه او نشره علشن ينفذوها معني المحافظ وافق وكمان الوزير يمكن متسنين لما احنا نوافق اصلي ملاحظ المجموعه اللي امتحنت مطنشه مش عارف ليه وكل مكلمهم وله همه هنا