حاجه مستفزة جدا

[Mohamed_MA]

السلام عليكم

ازيكوا يا احلى اعضاء في هذا منتدى

كل عام وانتم بخير بمناسبه حلول شهر رمضان المبارك

نخش في الموضوع على طووول

امبارح كنت رايح المتحف المصري وعشان اروح هناك لازم اركب المترو

ودى ول مرة ليا اركبوا

طبعا اتفجأت جدا من المنظر واستفزنى جدا

بنات استغفر الله العظيم اللى لابسه حجاب مطلع منه نص شعرها واللى حاططه 8 كيلوا بودرة واللى مش عارف لابسه ايه

وعديت من جنب واحده وكانت المسافه بينى وبينها حوالى 4 متر وكانى عديت جنب محل عطور

دا اللى لابسه جيبه تبقى محترمه جدا في الاماكن دى (حاجه غريبه جدا)

كمان في كتير متبرجات

فانا مستغرب جدا من الاهالى اللى يخلوا بنتهم تخرج بالشكل دى رايحه الجامعه يعنى مكان للعلم

وبعدين مفيش احسن من الحشمه على الاقل تحس ان هى مش بتعمل حاجه تغضب الله

ولو سالتى واحده انتى عامله في نفسك كدا ليه اتوقع انها تقول عشان اعجب فلان

للدرجادى انعدم الحياء للبنت

وبعدين فين النخوة للراجل اللى قاعد في البيت زى كيس الجوافه شايف بنته بتخرج بالشكل دا وهو ولا هنا

وفى النهايه احب ان اسال الاولاد اللى فى المنتدى

هل انت تحب ان زوجتك تكون بالشكل دا ؟؟؟؟

او لما تكونوا مخطوبين تخرج للجامعه او اى مكان باللبس دا؟؟؟


وعايز بردوا اخد راى البات فى الحكايه دى ؟؟؟

وليه البنت بتعمل كدا اصلا؟؟؟

لو عشان تعجب فلان فانا متاكد ان معظم الشباب لو عجبتوا البنت دى هيمشي معاها شويه وعمره ما هيتجوزها لان اكيد معظم الشباب عايزين ازواج تحافظ عليهم يكونوا محترمين

اسف على الاطاله


قال الله تعالى: {يَا أَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أَدْنَى أَن يُعْرَفْنَ فَلا يُؤْذَيْنَ} [سورة الأحزاب: آية 59‏]