ما بين بترول السويس و هندسة القاهرة !!!

[radwanco]

السلام عليكم
تحياتى...
أنا طالب ثالثة علمى رياضة .. أملى إن شاء الله أدخل هندسة .. لكن عندى استفسارات ياريت تجاوبونى عليها قبل التنسيق خاصة أول سؤال ..
1- ما رأيك فى بترول السويس؟وخاصة أنها تتربع على عرش كليات القمة فى السنوات الأخيرة.. أسمع عنها أنها لصفوة طلبة مصر وانها تحفة,على قد ما أسمع ان فى ناس دخلوها ومستحملوش وحولوا من أول شهر.. ده ليه؟..هل هى فى الصحراء ومتعبة؟وهل قسم البترول بس فيها هو اللى تحفة وباقى الأقسام تعبانة؟وهل كل اللى يخشها بيتعين ع طول ؟ ولا شغل وسايط كالعادة؟؟وطبعا أنا كطالب ثانوى معنديش معلومات كافية تخلينى أميل لهندسة القاهرة عن لبترول السويس أو العكس ؟؟؟وياريت تجاوبوا السؤال ده بسرعة لأن تنسيقى اسبوعين بالكتير ويبدأ وانا محتار

2- أنا قرأت عن أقسام الميكاترونيكس والاتصالات والمدنى والنووى والكهرباء والميكانيكا والكيمياء والمعمارى .. ولما أفكر دلوقتى وانا معلوماتى عن الأقسام دى مفيش .. مش عارف أقرر .. هل إعدادى هندسة هتساعدنى على اتخاذ القرار ده؟

3- مفيش كتب تعرفها تكون تمهيدية تقفل الفجوة بين التعليم الثانوى والجامعى نقدر نقراها فى الأجازة دى ..بحيث تساعدنا فى إعدادى ان شاء الله .. بحيث تكون قريبة لمنهج تالتة ثانوى وتمهد للجامعة إن شاء الله

4- بالإضافة للكتب .. هل يوجد مواقع إلكترونية تعرفها توسع المدارك أو تحتوى على فيديوهات تطبيق عملى عشان نفهم النظرى اللى هندرسه فى الجامعة؟؟

وآسف للإطالة