ردا على من يدعى ان ثورة 25 يناير حرام !!!!!

[Denzel-Washington2010]

مش قادر اقول غير حسبى الله ونعم الوكيل فى اللى بيطلع الكلام الغريب ده ! وكمان بيلوى عنق الحقيقه !
وبسم الله ماشاء الله ! كل الاسماء من علماء السعوديه (الوهابيين) اللى ما يقدرش واحد فيهم يقول فتوى واحده عن وجود الامريكان على ارض الحجاز (تحت رجليه وعينيه) ! اما بالنسبه للثوره فى مصر فالفتاوى جاهزه وبالايات حتى ولو معناها مش متفق ! مش مهم ! المهم اسم صاحب الفتوى !!
كفايه بقى حرام عليكم ! ثورتنا اطهر ثوره ! راح فيها شباب فى عمر الزهور علشان احنا نعيش من بعدهم احرار! ما اعتقدش ان هو ده الجزاء اللى يستاهلوه ! نقول على الثوره حرام ! حرام عليكم انتوا ! وريحونا والنبى من فتواكم الغريبه دى ! او اسكتوا ! انتوا مش كنتوا فى البيوت ونايمين على سرايركم والشباب ده بيضرب بالنار ؟! كملوا نوم ! ولما نخلص على بقية العصابه ابقوا اصحوا !