إن كيدهن عظيم

[dr.zomba]

السلام عليكم ورحمة الله وبركاته

ازيكو يا جماعه الموضوع دا انا فكرت فيه وانا داخل انام

في مقوله بتقول : وراء كل رجل عظيم امرآه او امرأه عظيمه

وفي مثل تاني بيقول : معرفة الامرآه( هي بتتقال بطريقه تانيه بس دي ألطف ) تجيب لورا

الغريبه انك فعلا لو دققت في المواقف التاريخيه وتاريخ المرآه هتلاقيها فعلا رمز للنجاح وللفشل

هنتكلم عن المقوله الاولي الاول :

سيدنا عيسي امه هي السيده مريم العذراء البتول التي اصطفاها الله عن نساء العالم وولدت سيدنا عيسي المسيح وهي في حد ذاتها ست عظيمه وطبعا مش محتاج اتكلم اكتر من كدا

وقبله سيدنا ابراهيم لما ربنا امره انه يترك السيده هاجر ولما سالته الله امرك بكدا قالها نعم قالتله فالله لن يضيعنا وهي الي ربت سيدنا اسماعيل ابو العرب

ونيجي لسيدنا محمد عليه افضل الصلاة والسلام ودور السيده خديجه وطريقة تفكيرها وازاي كانت بتساعده في بداية رحلته وهي الي كانت بتخفف عنه وكانت قريش عارفه كدا ولما توفت (عليها رضوان الله ورحمته) استغلت كدا قريش واشتدت علي الرسول وبعدها السيده فاطمه (رضي الله عنها) هي الي كانت بتساعد الرسول وتخفف عنه
وكتيييييييييييييييييييييييييييييييير جدا من العظماء كانت وارهم سيدات عظيمات فعلا

نيجي بقي للمقوله التانيه:

كتييييييييييير جدا من الستات كانوا السبب في دمار رجاله

سيدنا يوسف وامرآة العزيز وبيتهيالي كلنا عارفين القصه

وفي كتير برضو في القديم بس لو هنتكلم في الحديث لكتر هنلاقي

الملك فاروق امه هي الي دمرته

وقبلهم شجرة الدر كانت اينعم ملكه عظيمه بس دمرت ملوك رجاله كتييييييييييير

واكيد احنا عارفين كلنتون وهيلري ومونيكا

وغيرهم كتيييييييييييييييييييييير برضو
انا الموضوع دا مش قصدي امدح او اذم في الستات

بس الي عايز اوصله ان الست او البنت ليها دور ومش دور سهل

الست دي ممكن تطلعك سابع سما وهي برضو الي مممكن تنزلك سابع ارض

الست دي دورها عظيم جدا وخطير جدا وفعلا هي بتقدر تتحكم وتأثر في مستقبل اسره ويمكن عيله لا ويمكن يكون شعب ومجتمع بحاله

وربنا يهدي ستات وبنات اليومين دول ويقدروا يعرفوا حجم مسؤليتهم

سلامو عليكو