موضوع مهم جدا لكل طلاب علمى وبرضو ادبى

[نؤنؤة...]

ياجماعة التوقعات اللى بتسمعوها دى متتأثروش بيها ولا الكلام اللى بيتقال ف الجرايد ومتأثرش ع رغباتكم اللى بتكتبوها انا اعرف ناس كتير جايبة 96 علمى علوم ورايحة تكتبلى اول رغبة سياسة واقتصاد ولا علاج طبيعى ونيجى نسالهم ليه ؟؟؟؟ يقولوا

انتى مش شايفة الكلام اللى بيتقال والمجاميع العالية يابنتى دى طب من 99 ولا 98ونص وصيدلة من 97 ونص لالالالالالالالالالالالالالالالالالالالالالا انا بقولهالكم محدش يسمع الكلام ده ويخليه ياثر عليه وع رغباته وف الاخر ينزل التنسيق ويلاقوا نفسهم دخلوا سياسة واقتصاد مثلا ويلاقوا صيدلة كانت واخدة من 96 يرجعوا يندموا ويعملوا تحويلات

عشان كده برجوكم اللى متمسك برغبة يفضل عليها مهما كانت التوقعات ومهما كان الكلام اللى بيسمعه ولا كانه سمع حاجة واللى جايب 96 ونفسه ف طب ولا صيدلة يكتبها اول حاجة ويسيب الباقى ع ربنا وده نصيب ف الاخر

ع فكرة انا ماليش اى مصلحة ف الكلام ده بالعكس انا اختكم وعايزة اخد ثواب مش اكتر انا مجموعى 97.2 علمى علوم ونفسى ف صيدلة ان شاء الله وبدعى ربنا يرزقنى بيها وانتوا اخواتى ومصلحتى زى مصلحتكم وخايفة عليكم

ده بالعكس انا من مصلحتى انكم كلكم تكتبوا سياسة واقتصاد واعلام عشان الضغط ع صيدلة وطب يقل والاعداد تقل وابقى انا مضمونة ف صيدلة بس انا حطيت نفسى مكانكم واكيد دمى هايتحرق لو حصل كده فارجوكم فكروا كويس قبل كتابة الرغبات