|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
02-08-2011, 10:40 PM
|
|||
|
|||
المتحولووووووون
السلام عليكم ورحمة الله
كل عام وانتم بخير وربنا يتقبل منا صالح الاعمال عود احمد للكتابة فى قسم النقاش الهادف واريد ان نستفيد ويكون هادف فعلا موضوعنا اليوم (ايام التحول الرسمية) زى الاجازة الرسمية والعطلات الرسمية واى حاجة رسمية هيه زيهم بالظبط  عندنا ايام التحول الرسمية وكلنا نعلمها جيدا  لكن لانعلم حلول لها واضحة اواسبابها وهى .... اول يوم رمضان اخر يوم رمضان ليلة اول يوم رمضان(المتمم لشعبان) ممكن يرتكب الفرض منا بعض المعاصى التى يتداركها ويبتعد عنها تانى يوم مباشرة (اول يوم رمضان) هذا التحول نريد مناقشته من جميع الجوانب وليس الجانب الدينى فقط من الجانب النفسى والعقلى والبيئى ..... الخ (يعنى اللى عنده حاجة تخص الموضوع يقولها )مع اخر اذان مغرب فى رمضان تجد نفس الشخص بعدما كان يصلى ويصوم وهكذا من العبادات والفرائض يقع فى نفس المعصية التى تداركها و ابتعد عنها اول يوم من نفس الشهر وكان العبادة فرضت على رمضان فقط وكان رب رمضان ليس رب شوال او رب الشهور الاخرى (من كان يعبد رمضان فانه سينقضى ومن كان يعبد الله فانه باق لايموت) بعد رمضان ... تنقسم الناس منهم من اراد التوبة فيه وعمل على ذلك ومازال بنفس همة رمضان فى اداء العبادات ومنهم من على طاعة قبل رمضان وعندما جاء زادوا فى طاعتهم وخيرهم وبعده بنفس الهمة والعمل على الخير ولو ضعفت بعض الشىء فى الاثنين لكن العمل لاينقطع ومنهم من يقطع العبادات قبل رمضان وبعده ويلتزم بها فى رمضان فقط (هذا محور الحديث) الغريب فى الامر انه من الممكن ان يكون بعيد كل البعد عن اداء العبادة لكن فى رمضان قريب كل القرب فى اداءها بالطبع رمضان مختلف غير اى شهر .. فيه.. فهو شهر القران قال تعالى (شَهْرُ رَمَضَانَ الَّذِي أُنْـزِلَ فِيهِ الْقُرْآنُ)البقرة 185 فيه عبادة خصها الله لنفسه وهى الصوم (كما في الصَّحيحين قال -صلّى الله عليه وسلّم-: «كلّ عمل ابن آدم يضاعف الحسنة عشرة أمثالها إلى سبعمائة ضعف، قال الله -عزَّ وجلَّ-: إلا الصَّوم فإنَّه لي وأنا أجزي به، يدع شهوته وطعامه من أجلي، للصَّائم فرحتان: فرحةٌ عند فطره، وفرحةٌ عند لقاء ربِّه، ولخلوف فيه أطيب عند الله من ريح المسك» [رواه مسلم 1151]. الصوم عبادة الصابرين قال تعالى (إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ) الزمر10 الله وملائكته يصلون على المتسحرين صحَّ عن ابن حبان وغيره.. أنَّه -صلّى الله عليه وسلّم- قال: «إن الله وملائكته يصلُّون على المتسحرين» [رواه الألباني 1066 في صحيح التَّرغيب وقال: حسن صحيح الصوم نجاة من النار كما صحَّ عن النِّسائي أنَّه -صلّى الله عليه وسلّم- قال: «من صام يومًا في سبيل الله -عزَّ وجلَّ-؛ باعد الله منه جهنَّم مسيرة مائة عامٍ» [رواه النِّسائي 2253 وحسَّنه الألباني].. وصحَّ عند التِّرمذي أنَّه -صلّى الله عليه وسلّم- قال: «من صام يومًا في سبيل الله جعل الله بينه وبين النَّار خندقًا كما بين السَّماء والأرض» [رواه التِّرمذي 1624 وقال الألباني: حسن صحيح وغيرها الكثير التى لن ننتهى من كتابتها لكثرت الخير والاعمال الصالحة فى هذا الشهر الكريم فهوغير اى شهر فهوبه ليلة القدر ايضا خير من الف شهر خلاصة هذا الكلام ان هذا الشهر مختلف ويستحق ان يتقرب الناس اليه اكثر من اى شهر لما به من خيرات ومنح من الله لكن الغريب ان يتقرب نوع من الناس فيه ويتركوه بعده هناك كثيرين ممن يتقربون فى رمضان اكثر من اى شهر لكنهم فى باقى الشهور لايبتعدوا عن الطاعة بنفس القدرة على التقرب فيه لكن من يبتعد نهائيا قبل وبعد (المتحول ) هذا موضوع نقاشنا الذى سيتناول جميع الاطراف والاسباب لذلك لنستفيد منه ونحاول ان نعمل على تطبيقه بعد رمضان ان شاء الله وياريت اى حد يدخل يقول رايه او يحكنا عن قصص احد المتحولين بس بلاش بتوع مصاص الدماااااء  المهم قولنا رايك ممكن نوصل لحل يفيدنااااااا وشكرااااااااااااااااااااااا by:taher ahmed 
|
|
#2
02-08-2011, 10:53 PM
|
||||
|
||||
بص يا طاهر الموضوع كبير يعنى بس دى ثقافة عامة عندنا
نهتم برمضان اوى والعيد ورمضان الناس تصلى التراويح وتلتزم وكل شئ وبقيت السنة مفيش بص زى كده واحد طول الاسبوع مش بيصلى وبيصلى الجمعة بس طيب شمعنا الجوامع بتتملئ ايام الجمعة بس وطول الاسبوع مش بيكملو صفين بالعافية بس دى مشكلة دين احنا مش متمكسن بدينا اوى ولا بنفذ تعاليم الله والرسول واكيد بتشوف بنفسك فى الشارع يعنى بس على فكرة فى متحولين بيتحولوا بين الدققية والتانية ربنا يرجمنا منهم شكررا على الموضوع المهم
__________________
|
|
#3
02-08-2011, 11:04 PM
|
||||
|
||||
|
تصدق يا طـآهر أنا مش حكلمك بس علشـــــآن أحنــــآ فى رمضــــــــــآن
كريم كريم يا طاهر بس انا كنت حعمل موضوع بنفس الفكره تقريبـــــآ   يلا بقى انت زى اخويا برضه مش مشكله خيرهـــآ فى غيرهــــآ  المتحولون والله يا طاهر تشوف عم فلان طول اليوم بيقرأ قرآن ويصلى وصايم وكل ما حد يكلمه يقوله " اللهم انى صائم" تعالى هنا بقى بعد الفطار خد يا كذا وكذا وكذا شتيمه وغنى ورقص واخر مسخره ويرجع عم فلان الفجر راجل محترم ويفضل على كده طووووووول الشهر مش عارفه ليه الناس كلها متخيله ان رمضان قبل المغرب بس يعنى وقت الصيام هو ده رمضان غير كده نفعل ما نريد اصل التحول اللى انت بتقول عليه يا طاهر ممكن ميكنش بنفس الطريقه اللى انت فاكرها يعنى انا مثلا اتعودت فى الفتره الاخيره انى مش اتفرج على مسلسلات فاكيد مش بتفرج على المسلسلات فى رمضان فاانا كده مش اتحولت انا اصلا كده كده مش بتفرج على مسلسلات يمكن انا وغيرى فى الايام العاديه بنقرأ قرآن اه بس فى رمضان نقرأ أكتر يمكن نكون بنصلى فى الايام العاديه الفجر بس فى رمضان بنحاول ان احنا نصلى على طول بانتظام ونصلى الفرض حاضر مش كل الناس بتتحول او بمعنى اصح ممكن مش نسميه تحول ممكن نسميه زياده عباده مش اكتر ميرسى يا طـــــــــآهر على الموضوع وحسبنــآ بعد رمضان
__________________
|
|
#4
03-08-2011, 02:27 PM
|
|||
|
|||
|
اقتباس:
التحولات بقت بنسب ده حاجة خلتنى اخدبالى منها ومن الاسباب الرئيسية لكده اكيد بعدنا عن الدين وسبب اكيدكلنا بنقوله بس انا عايزاعرف هل فيه اسباب اخرى لهذا المتهم سبب نفسى ,,خلل فى امر ما اى حاجة اخرى يعنى غير الابتعاد عن الدين وربنا يرحمنا منهم ويبعدنا عنهم اللهم امين نورتنى ياحودة
|
|
#5
03-08-2011, 02:41 PM
|
|||
|
|||
|
اقتباس:
معلش بقى انا الكبير  وبيقولوا اللى سبق اكل النبا  كلامك عن نوع من التحول وهو بعد الفطار واحنا اتفقنا ان التحول بنسب متفاوتة  وانا لما اتكلمت قولت الكلام ده هناك كثيرين ممن يتقربون فى رمضان اكثر من اى شهر لكنهم فى باقى الشهور لايبتعدوا عن الطاعة بنفس القدرة على التقرب فيه لكن من يبتعد نهائيا قبل وبعد (المتحول ) هذا موضوع نقاشنا _______ ومنهم من على طاعة قبل رمضان وعندما جاء زادوا فى طاعتهم وخيرهم وبعده بنفس الهمة والعمل على الخير ولو ضعفت بعض الشىء فى الاثنين لكن العمل لاينقطع تمام .... انا مش اقصد اللى انتى بتتكلمى عليه لان اكيدفيه ناس ملتزمة قبل رمضان الى حد ما وفى رمضان بتزيد طاعتها وبعده ممكن تقل اومش بنفس همة رمضان لكنها مستمر ولا تنقطع انا بتكلم على اللى بتقرب من رمضان اوى وقبل رمضان وبعده بعيد اوى اوى وبيتغير بين يوم وليلة وممكن بين ساعة واخرى ايه مبداه ايه السبب لكده ايه العوامل السبب الدينى رئيسى وهو الاول لكنى اعتقد انه من الممكن ان يكون هناك اسباب اخرى هل رياء هل اختلال عقلى هل سبب نفسى يعنى الموضوع هيودى بنا لدراسته دراسة منطقية علمية نطبقها فى ارض الواقع شكرا للمرور يا زوزا
|
|
#6
03-08-2011, 11:16 PM
|
|||
|
|||
|
الفكرة فاننا اصبح عندنا اعتقاد ان رمضان شهر العبادة فالسنة بصلي فروضي تراويح وبصوم وباقي الشهور براحتي يعني زي برمجة كدا والجو العام بيساعد ويعين والناس بتشجع بعضها ودا مش موجود فباقي الشهور فنلاقي الناس عندها حماس وهمة لكن لما يخلص رمضان نبدأ نرجع للوضع العادي وتفتر الهمة وتقل وترجع ريمة لعادتها القديمة وقلة هي ال بتقدر تحتفظ بهمتها بعد رمضان والمصيبة اننا كمان بوظنا الشهر الكريم كفاية المسلسلات والتلفزيون ، غير التجهيزات بتاعت العيد فآخر الايام مع ان اخر ايام هي الاهم وناس كتير بتضيع ثواب اخر يوم بسبب التجهيزات دي وربنا يتقبل منا ومن الجميع
ويثبتنا على طاعته دايماً جزاك الله خيرا عالموضوع ، آخر تعديل بواسطة نقاء الروح ، 03-08-2011 الساعة 11:21 PM
|
|
#7
03-08-2011, 11:35 PM
|
||||
|
||||
|
اقتباس:
ماشى يا اخويا بص يا طاهر الناس دول اللى احنا ساعات بنكون منهم بيتحولوا لخلل فى بعض الافكار يعنى مثلا انا واحده صغيره وحاسه انى لسه قدام المستقبل طويل برسم حياتى واخطط لها كويس اوى وبعمل لحياتى بقى من غير ما افكر فى الاخره من غير دخوله فى النحايه الدينه الناس بتتحول علشان بتشوف مناظر كتير سيئه زى الغرب بيعشوا حياتهم عادى خلاص وفى اخر عمرهم بيموتوا وهما مسلمين مؤمنين اينعم نسبه قليله بس بتحصل احنا بتحول علشان بقنا نبص للسنين الجايه مش لبكره وبعده وده طبعآ عيب فينا احنا لما نبص لبعيد حنفعل اشياء غير مرغوب فيها يعنى مثلا انا دلوقتى بلبس حجاب شرعى لو بصيت لبكره وبعده الموضوع حيمشى عادى لكن لو بصيت لقدامى حقول الغرب بيعموا كذا وكذا والسنه الجايه الموضه حتكون كذا وانا حروح الكليه بعد 3 سنين يبقى لازم اشيل الحجاب ده واارجع البس جيب قصيره وشعرى بقى مكياج امثال كتير واسباب اكتر نكتفى بهذا القدر فى هذه الجلسة رفعت المحكمه
__________________
|
|
#8
04-08-2011, 11:46 PM
|
|||
|
|||
|
اقتباس:
وده جزء فعلا صحيح جدا كمان ان الواحد ممكن يخرج امكانياته او طاقته كلها فى رمضان وبعده بيبقى حاسس انه خلص المشوار كده ويقعد ينهج من التعب المفروض انى عشان اقدر استمر فعلا احاول انى اتدارك اغلب العبادات والفرائض فى رمضان وبعده لومش هقدر افضل بنفس الهمة احاول اقلل عن نفسى بعض الاشياء بحيث انى اكون قدرت اعطى لنفسى جزءمن الراحة بس مش اسيب الصلاة مثلا اوحاجة مهمة او فرض يعنى مثلا لو بقرا فى رمضان جزء قران فى اليوم بعده لومافضلتش بنفس القدرة على الاقل اقرا سورة لحد ما احاول واحدة واحدة مع نفسى وارجع وهكذا ويارب نكون من القلة ده اما حكاية المسلسلات ده هلخصها فى جملتين اعتقد ان لوفيه شهر خصصناه للمعاصى مش هنستعد بنفس كمية الاستهبال اللى موجود فى رمضان لدرجة اننا من كتر ما كل الممثلين والكومبارس بيشتغلوا بنجيب من برا من سوريا وغيره وحاجات هبلة و قصص تعبانة ممكن يحكوا عن واحدة متجوزة وطلقت طول 35 حلقة استفدت ايه انا حتى الرامج التوك شو الكوميدى اللى كنت بتفرج عليها بطلتها من كتر مابقت بتحزنى مش بتضحكنى وفيه برنامج معين بيتعرض دلوقتى الجزء التانى خلانى كرهت الدنيا وكرهت نفسى من كتر مااتفقعت مرارتى منه و الغريب انه اتعمله جزء تانى السنة ده (كن عبيطا ترى الوجود جميلا ) ينطبق عليهم تماما شكرا للمرور  اللهم امين
|
|
#10
05-08-2011, 12:04 AM
|
|||
|
|||
|
اقتباس:
لو نستيها ممكن تتخطفى فى الدنيا تلاقى نفسك فى الاخرة لاقدر الله يعنى بس ماحدش ضامن عمره المشكلة يازوزا اننا بنبص للغرب فبقينا عاوزين نقلد وخلاص اى حاجة بيعمولها نعملها عشان نبقى لارج ومتفتحين على الدنيا وكان الغرب هم فقط من يرون العالم وهم فقط من لديهم عقول والاسوا اننا بناخذ الشىء السىء فقط يعنى رتم اغنية موضة جديدة قصة شعر مش بندرس علم حتى لما بنيجى نعمل شىء مفيد بنجيب هيئات علمية من برا مش بنحاول نجرب حتى انا اعرف ناس فى جامعات ودكاترة ومتفوقين بلبسوا نقاب من غير مايبصوا لغيرهم لازم يبقى ليكى اسلوبك وشخصيتك مش مهم بقى اللى يقول يقول لوفضلتى تمشى وتبصى ع الناس عمرك .... ما هتثبتى ع شىء كل يوم هتشوفى شىء جديد تعمليه وهكذا شكرا للمرور التانى
|
|
#11
05-08-2011, 11:32 PM
|
||||
|
||||
|
التحول يحدث بسبب الصحبه السيئه
بينما لو الشاب او الشابه منضم لجماعه اسلاميه مثل الاخوان او انصار السنه على سبيل المثال سيجد من يعينه على الطاعه والاستمرار فيها
__________________
قال الدكتور محمد عمارة، المفكر الإسلامي، عضو مجمع البحوث الإسلامية بالأزهر الشريف: إن بيان القوات المسلحة في 3 يوليو هو انقلاب عسكري على التحول الديمقراطي، الذي فتحت أبوابه ثورة 25 يناير، مؤكدًا أن عزل الدكتور محمد مرسي، باطل شرعًا وقانونًا،
|
|
#12
06-08-2011, 02:16 AM
|
||||
|
||||
|
اللهم إنا نسألك العفو والعافية
__________________
 استودعكم من لا تضيع ودائعه
|
|
#13
06-08-2011, 01:47 PM
|
||||
|
||||
|
اقتباس:
اعتقد حضرتك مش شرط
حاليآ انا مش منتميه لاى جماعه اسلاميه ولكن انا واصحاب كويسين جدآ وبنعبن بعض على الطاعه مع اننا عادين جدآ وعايشين حياتنا جدآ
__________________
|
|
#14
07-08-2011, 12:45 AM
|
|||
|
|||
|
اقتباس:
الصاحب بيعين برضه وعامل مهم بس فيه ناس كتير ملتزمةمن غير انضمام لاى هيئات اسلامية لازم يبقى فيه التزام من داخل النفس ارادة ذاتية وبعد كده الحاجات ده بتعين الفرد لكن ممكن اكون منضم لجماعة ما وانا مش ملتزم بمبادئها يبقى هسىء للجماعة وطبعا الناس هتفتكر الجماعة كذلك زى المثل (الحسنة تخص والسيئة تعم ) وزى ما بنحكم على قوانين وتشاريع من خلا ل مطبقيها احنا بشر لازم نخطىء انظر للقانون ولاتنظر لمطبقه وبناء عليه اصدر الاحكام شكرا للمرور الرائع جزاك الله خيرا
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:48 PM.
