ان شاء الله نبدا الحشد العظيم

[احمد ابو رية]

عاوز اعرف كام معلم في هذا المنتدى
ممكن يكونون 10 الف معلم
دول لو نزلوا امام وزارة التربية والتعليم يعملوا حاجات كثيرة
نبدأ من اليوم كل معلم يكتب اسمة في هذه الصفحة
ونحدد يوم ننزل فيه امام الوزارة
والكل يتعرف على بعضه ونعرف مين صادق ومين بتاع كلام
انا اول واحد موافق

[احمد ابو رية]

المدرسين بتوع كلام فقط فعل مفيش
17 مدرس شاهد الموضوع و لم يكتب اسمة علشان ما يقفش امام الوزارة

[محمد أحمد كمال بسيوني]

الإسماعيلية ممكن أوفر أكثر 30 مدرس على الأقل حاليا

[علي النخلة]

بالنسبة لنا فى أسوان ان شاء الله اضراب أول يوم فى الدراسة

[shabakah]

اسكندريه كلها معاكم وانا اولهم

[قرشم]

الاضراب يا حماعة فى المدراس اول يوم الدراسة

احنا لو روحنا مليون معلم عند الوزارة الاعلام الوسخ هيقول دول 20 واحد بلطجى

احنا هنعمل اضراب ان شاء الله واحنا فى مدراسنا بمنتهى الاحترام والعزة

انت اكتب مين هيعمل اضراب اول يوم الدراسة

والدراسة لسة شهر ونص يعنى مش بعيد اوى

[alfa_ahmed]

عاوز اعرف كام معلم في هذا المنتدى
ممكن يكونون 10 الف معلم
دول لو نزلوا امام وزارة التربية والتعليم يعملوا حاجات كثيرة
نبدأ من اليوم كل معلم يكتب اسمة في هذه الصفحة
ونحدد يوم ننزل فيه امام الوزارة
والكل يتعرف على بعضه ونعرف مين صادق ومين بتاع كلام
انا اول واحد موافق

[احمد ابو رية]

لو استنينا الى اول يوم في الدراسة العملية تبرد
مفيش حد هيعمل اضراب

[elmahla22]

مطالب المعلمين التى يجب أن نتوحد لتحقيقها لرفعة وعلو شأن المعلم:
1 – اقالة وزير التربية والتعليم والقيادات الفاسدة بالوزارة وتعيين وزير تربوى.
2 – حل مجلس النقابة المهنية للمعلمين.
3 – إلغاء مسمى الكادر الوهمى ومساواة رواتبنا بالهيئات الأخرى مثل الكهرباء والبترول والشرطة والضرائب وغيرها على النحو التالى:
أ - وضع حد أدنى للرواتب بما لا يقل عن 1200 جنيه + حوافز 200 % مع زيادةالمكافأة السنوية إلى 500 يوم أسوة بالجامعات .
ب – أن تكون مكافأة نهاية الخدمة 100 شهر ورفع قيمة المعاش التأمينى والنقابى ليكون على آخر مرتب وقت الإحالة للمعاش أسوة بالعاملين في الوزارات الأخرى .
4 – تغيير المسمى الوظيفى للمعلمين.
5 - القيام بالاصلاح الوظيفى للمعلم.
6 - الاهتمام بالتامين الصحى وانشاء المستشفيات الخاصه لهم ولاسرهم ولجميع العاملين بالتربيه والتعليم.
7 - ان يساهم المعلم فى وضع المناهج ووضع مقترحاته بخصوص العملية التعليمية بما إنه اكثر دراية بالعملية التعليمية.
8 - أتخاذ الاجراءات القانونية ضد أى تعدى يقع على المعلم.
9 - إلغاء امتحانات الكادر التى هى بمثابة إمتهان لكرامة المعلم المصرى وعودة الدرجات والترقيات الى ما كانت عليه قديماً.
10 - إكساب المعلم الخبرات الجديدة فى العملية التعليمية وتدريبه على المناهج الجديدة قبل البدء فيها.
11 - تحسين أحوال الإداريين والعمال بالمساواه بالمعلمين.
12 - إعادة تكليف خريجى كليات التربية.
13 - معاملة معلمى المدارس الخاصة بنفس معاملة المعلمين فى المدارس الحكوميه ووضع راتب عادل إسوة بباقى المعلمين فى الحكومة.
14 - تثبيت جميع العاملين بالتربية والتعليم ( بالتعاقد أو بالأجر أو بالحصة) بدون قيد أوشرط وإلغاء مسميات مدرس الحصة والأجر والمؤقت والمميز من سجلات الوزارة ولا يبقى غير كلمة معلم فقط فى بداية التعيين.
15 - إعتماد مبادىء العدل والمساواه للتعامل بين العاملين ووضع القوانين واللوائح للعمل بها وتنظيم العلاقه بين العاملين والادارات والمديريات وحتى الوزارة.
16 - عوده نادى المعلمين للمعلمين ومحاسبة المسئولين عن اهدار اموال المعلمين فيما يسمونه تجهيزات للنادى.
17 - تطهير الوزارة من كل الهيئات التى تستحوذ على ميزانية التعليم من مستشارين وأكاديمية وهمية ونظام الجودة ومساواة موظفى الوزارة مع المعلمين فى الرواتب ووضع حد أعلى للأجور ( وتوفير هذا الجزء الكبير من الميزانيةيساهم فى رفع رواتب المعلمين) .
17 - اختيار القيادات داخل الوزارة ومديرى الإدارات ومديرى المدارس من الحاصلين على مؤهل تربوى وتكون الأولوية للحاصلين على دراسات عليا.
18 - تحقيق رغبات المعلمين عند المشاركة فى الامتحانات العامة وذلك بجعل الأولوية لمن يرغب أولاً حيث عملية الاختيار العشوائى تحرم عددا كبيرا ممن يرغبون فى العمل بالملاحظة والتصحيح مع مراعاة أن تكون داخل نفس المحافظة.

[wahsh2008]

تفائل فالخير قادم ان شاء الله

[خرزة زرقاء]

كلام حضرتك مضبوط مينفعش نستنى لأول أيام الدراسة

يجب الضرب على الحديد و هو ساخن

شهر و نصف كتير جدا

لازم نعمل وقفة احتجاجية امام وزارة التربية و التعليم و نعتصم هناك

و ممكن حضرتك تنسق مع هذا الموضوع

http://www.thanwya.com/vb/showthread.php?t=348462



و بإذن الله انا معاكم

بس يا ريت نحدد جميع مطالبنا و نوحد كلمتنا

[شريف منير]

http://www.thanwya.com/vb/showthread.php?t=350347

[thany2000]

اموووووووووووووووووووات اموووووووووووووووووات معلمين اموووووووووووووووووات

[سعيد عابد]

أنا والله معاك

[waelfarouk]

فعلا الدراسة بعيدة لازم دلوقتي