هل فعلا مصر اتغيرت او حتى فيه امل للتغيير؟

[mr mahmoud]

هل فعلا مصر فيها امل انها تتغير بعد الثورة ؟؟؟؟؟؟؟؟؟؟؟؟؟؟؟
هل وانت واقف في الفصل وبتقول للطلاب ذاكرو ما بتسألش نفسك هم ليه يذاكروا ؟
الرد الطبيعي ممكن يكون عشان يبقو احسن في المستقبل ........عشان يلاقو فرصة عمل كويسة
(مانتش شايف انك بتضحك على نفسك)
بس هل اللي شايفه حواليك في مصر بعد الثورة بيقول فعلا ان اللي تعب هيلاقي هل الوسايط اتلغت بعد الثورة؟
هيئة ايه في مصر ما فيهاش فساد قبل او بعد الثورة ؟
القضاة اللي بيحاكموا النظام السابق مش كانو متعينين بالواسطة؟ القضاء دول نفسهم ما عينوش ابناءهم واقاربهم في النيابة وغيره من غير تقديرات واللي تعب وذاكر في كلية الحقوق وابوه فلاح او موظف عادي قاعد يلف في الشوارع
انا حبيت افضفض شوية لان فيه حاجات كتير بعد الثورة بتقول ان العيب فينا احنا مش في اللي بيحكمونا .
لما خلال الشهرين اللي فاتو مجرد قاضي المفترض فيه انه بيحاكم الفاسدين يعين اتنين من اقاريه في النيابة "جايب جيد بالعافية) والتاني في المحكمة"معاه دبلوم محو امية" هل دول فعلا اللي هيحاكمو الفساد؟
هل هم كده مش فاسدين؟
هل اللي اتوسطلهم دا مش هيتحاسب على افساده وسرقة حق غيره؟
هل اللي اتعينو كده مش واخدين حق غيرهم؟
هل مرتباتهم هتكون حلال؟
واوعي حد يقول انهم استعملو الواسطة عشان يجيبو حقهم لان مستحيل اللي جايب جيد يكون ليه حق واللي جايب جيد جدا مع مرتبة الشرف ومتخرج من حقوق او شريعة وقانون وابوه او اهله غلابة يكون مالهوش حق
لو انا غلطان قولولى انا غلطان في ايه ولو مش غلطان ادعو على كل ظالم لسه موجود في البلد دي وهو مفكر نفسه شريف والناس بيقولو انهم هم حصن العدالة
(ربنا أخرجنا من هذه القرية الظالم أهلها)

[rezkmossa]

لو راح مبارك مصر فيه زيه ملايين مبارك حته من طينك يا مصر يعني دا عينه عشوائيه من الشعب دا يعني ان كان هو فاسد فييه غيره ملايين فاسدين يعني هو منتفعين الوطني علس سبيل المثال ةمثل شوبير و محي القطان هيتغيروا لالالالا دول بس هيغيروا جلدهم و هيترشحوا و ينجحوا و تفضل مصر عشان كده بس يا ولاد هبرة الهبرات لو ان الشعب كان تقيا ملتزما لما فسد مبارك و لتظاهر بالتقي و الصلاح لارضاء الشعب
طاب بس اعلن ان فيه توزيع شاي مجاني عند الهرم و شوف هتلاقي اللي محتاج الشاي و اللي مش محتاجه و اقف و مستني ياخد
دا شعب تاصل فيه الفساد حتي اصبح طبع فيه و من شب علي شئ شاب عليه

[ayman3body]

مبارك علينا رمضان
ربنا يستر

[mr mahmoud]

المشاركة الأصلية كتبت بواسطة rezkmossa

لو راح مبارك مصر فيه زيه ملايين مبارك حته من طينك يا مصر يعني دا عينه عشوائيه من الشعب دا يعني ان كان هو فاسد فييه غيره ملايين فاسدين يعني هو منتفعين الوطني علس سبيل المثال ةمثل شوبير و محي القطان هيتغيروا لالالالا دول بس هيغيروا جلدهم و هيترشحوا و ينجحوا و تفضل مصر عشان كده بس يا ولاد هبرة الهبرات لو ان الشعب كان تقيا ملتزما لما فسد مبارك و لتظاهر بالتقي و الصلاح لارضاء الشعب
طاب بس اعلن ان فيه توزيع شاي مجاني عند الهرم و شوف هتلاقي اللي محتاج الشاي و اللي مش محتاجه و اقف و مستني ياخد
دا شعب تاصل فيه الفساد حتي اصبح طبع فيه و من شب علي شئ شاب عليه

اللي مزهق الواحد ان الراي العام والاعلام ما بيمسهمش باي سئ ويقول ان دول هم اللي حاميين مصر لما اللي حامي مصر حرامي ومفسد وظالم يبقي ازاي هيحكم بالعدل
والمشكلة الاكبر انه شايف انه كده صح