السبب الرئيسى لعدم اعطاء المعلمين حافز أثابه

[فارس القمه]

ارى ان السبب الرئيسى هو سياسى حتى يثور المعلمون وهم لسوا قله وينظمون لاضرابات واعتصامات فينشغل الجميع بذلك ويقل تفكيرهم فى مبارك ومحمكمته وومصيره وغير ذلك وتنصب مطال البلد فى قالب مادى وكل عام وانتم بخير

[عبدالله1983]

وجه نظر ولكن السبب الحقيقيهو
1-هل يوجد من المعلمين رجل يدفع الظلم عنهم
2-هل المدرسين علي قلب رجل واحد
3-هل يستطيع المعلمين الاتفاق علي عدم المراقبه في الشهاده الثانويه

رأي اذا ارادت الحكومه حساب الكادر كجزء من حافز الاثابه فلماذا لا يتم اذلال العاملين في الدوله اولا" قبل الحصول علي الحافذ

ولا هما المعلمين الحطه الوطيه للحكومه

[مريم اليكس2011]

السبب الرئيسي ان الناس دي مش هبل وعارفين ان المدرس مش محتاج المرتب وانه من اغني طبقات المجتمع بسبب الدروس الخصوصيه وطبعا في اقليه متاخده في الرجلين زي بتوع الانشطه والمجالات مثلا بس الاغلبيه بيتكلمو بمئات الالوف وانا وانتم عارفين الكلام ده ان الله لا يغير ما بقوم حتي يغيرو ما بانفسهم

[aladdin027]

الأخت الفاضلة / مريم
مش كل المعلمين بيدوا دروس خصوصية ، و مش كل المحافظات الدروس الخصوصية بمئات الألوف زي القاهرة و الاسكندرية
بالعكس دا أغلب المعلمين و المعلمات بيشتغلوا في الأرياف حيث لا وجود للدروس الخصوصية من أساسه
ياريت نتقي الله في الكلام اللي بنقوله
و كل عام و انتم بخير

[رضا عبد الحميد عبد الرازق]

يا أخت مريم انا فى الأرياف واتمنى من الله ان أصل الى الرقم الذى تذكرينه ولا حتى ربعه بس انت تقصدى الدخل الشهرى ولا السنوى ...

[فارس القمه]

الدرس فى الاقايم فى الماده للثانويه العامه 30 جنيه ودخل المدرس من الدروس متوسطه الف جنيه بس كمان فيه مدرسين بيدوا واحد واتنين كمان هى حرمت على المدرس وبقت مباحه للدنيا كلها ما هو الدكتور بيشتغل فى اكتر من مستشفى وفاتح عياده ده غير التامين وبيشتغل تلاته ايام بس واحنا بنشتغل 6 فى الحكومه وبياخد بدلات ومروق مش عايزين بقه نفتح علب ومن الاخر مش عايزين كلام فى الدروس دى سبوبتنا وما حدش يكلمنا عليها

[ayman3body]

السبب الرئيسي ان الناس دي مش هبل وعارفين ان المدرس مش محتاج المرتب وانه من اغني طبقات المجتمع بسبب الدروس الخصوصيه وطبعا في اقليه متاخده في الرجلين زي بتوع الانشطه والمجالات مثلا بس الاغلبيه بيتكلمو بمئات الالوف وانا وانتم عارفين الكلام ده ان الله لا يغير ما بقوم حتي يغيرو ما بانفسهم

حرام عليكي
المدرس بيتعب والله أعرف مدرسيين مبيشفوش أولادهم طول اليوم من أجل ألف جنيه ده مش ظلم

[صلاح العربي]

المشاركة الأصلية كتبت بواسطة ayman3body

حرام عليكي
المدرس بيتعب والله أعرف مدرسيين مبيشفوش أولادهم طول اليوم من أجل ألف جنيه ده مش ظلم

يعني ايه المدرس من الطبقات اللي مش محتاجه ؟؟!!!!! وكمان بسبب الدروس الخصوصيه !!!!!!!...... اللي اداكي يدينا

[صلاح العربي]

المشاركة الأصلية كتبت بواسطة صلاح العربي

يعني ايه المدرس من الطبقات اللي مش محتاجه ؟؟!!!!! وكمان بسبب الدروس الخصوصيه !!!!!!!...... اللي اداكي يدينا

قولهااا حاجه يااخي الفاضل

[مريم اليكس2011]

ياريت متزعلوش مني والهي انا بتكلم من واقع الي بشوفه والهي عربيات وشقق تمليك ولبس ماركات ومدارس خاصه لاولادهم ودول اصحابي ستات ورجاله مبيدخلوش البيت قبل 11 و12 باليل احسبوها انتو بقي جايز في الارياف الوضع مختلف خلاص بقي انقلو عندنا واخلصو

[رضا عبد الحميد عبد الرازق]

المشاركة الأصلية كتبت بواسطة مريم اليكس2011

ياريت متزعلوش مني والهي انا بتكلم من واقع الي بشوفه والهي عربيات وشقق تمليك ولبس ماركات ومدارس خاصه لاولادهم ودول اصحابي ستات ورجاله مبيدخلوش البيت قبل 11 و12 باليل احسبوها انتو بقي جايز في الارياف الوضع مختلف خلاص بقي انقلو عندنا واخلصو

خلاص شوفى لنا شقة ونجى فى المدينة أقل شيئ هنعيش عيشة كويسة لما نحب نخرج نلاقى مكان كويس والكهربة لا تقطع

والله يا أستاذة مريم لو عرفتى عدد الطلاب عندى عدد الطلب الذين لا يدفعون فلوس تتعجبى كل العجب ولكن يكفى حب الناس وتقديرهم وقناعتهم اننى لا اعطى دروس لمجرد الفلوس
وعلى فكرة الطالب ابتدائى عندنا بياخد 12 حصة فى لأسبوع بـــ 10 جنيه والأعدادى 15 او 20 والثانوى 20 و25 و30
انا واحد من الناس اتمنى من الله اخد مرتب محترم وابطل دروس لأن مش هتفرق كتير