استفساااااااااااار لو سمحتو ضرورى

[ad messi]

لو سمحت يا استاذ
انا جايب 366.5
علمى رياضه
وجاتلى تربيه ابتدائى الفيوم

وانا من الفيوم يعنى

بس مجموعى جايب علوم رياضه المنيا واسيوط
وعلوم رياضه الفيوم واخد 368.5

هل ممكن احول لعلوم رياضه الفيوم

بما انى لو كنت كاتب رغباتى فى الاول كليات العلوم
وجلتى كليه علوم رياضه المنيا مثلا

فحسب قانون الاغتراب هقدر احول لعلوم رياضه الفيوم
؟؟؟؟؟؟؟؟؟؟؟

وياريت حضرتك تقولى كل الاحتمالات والحلول المتاحه
يعنى فيه امل انى اصل لعلوم الفيوم علطوول السنه دى
ولا هحول علوم المنيا مثلا وابقى ارجع الفيوم السنه الجايه

شكرا

[فارسة صغيرة]

هى تقريبا نفس مشكلتى
بص افضل شىء تتصل برقم ده 19468 وتخليك وراه لحد ما يرد واستفسر منه وسيبك من كلام الناس بس ده الى حصل معايه اما اخيرا ردوا عليا
سالتهم انا من المنصورة وجالى خاص فى المنصورة وعايزة احول لزراعة فى السويس او زراعة الفيوم شعبة ادارة اعمال (بس مش عارفه فيه الشعبة دى فى المنصورة ولا لا )
قالوا لى مينفعش لان التحويل لتقليل الاغتراب وانتى كده بتعملى اغتراب

بس حضرتك موقفك غيرى لان فى علوم / رياضة فى مدينتك ومش عرفه هما قصدهم بالكليه يعنى الحد الادنى للكلية على مستوى الجمهورية ام الحد الادنى للكليه يعنى الحد الادنى لكلية العلوم الفيوم

على كل حال افضل حاجة تسال وتطمننا ان شاء الله ,,, ربنا يوفقك

[mohamed abo taha]

أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
الكلام ده من موقع التنسيق ومعناه انه مينفعش تحول.
بس فى طريقه وهى انك تعمل اقامة فى البلد الى انت عاوز تروحها وبكده هتبقى مجموعة (أ) بالنسبة لك وتقدر تحول.

[فارسة صغيرة]

بص انا سالت مكتب التنسيق تانى وقالوا لى معنى ((((بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها))))))
الحد الادنى للكلية على مستوى الجمهورية
(((هما قالوا ليا كدا )))
ده معناه انك مجموعك جايب الحد الادنى للكلية على مستوى الجمهورية وتقدر كده تحول للفيوم
((هما الى قالوا كده بقولها تانى ))
فانت اول ما تقليل الاغتراب يبدا افتح وجرب و لاتنسى قول الله تعالى (وعسى ان تكرهوا شيئا وهو خير لكم )
(ان الله لا يضيع اجر من احسن عملا )
الى فيه الخير يعمله ربنا
واتصل انت بمكتب التنسيق واستفسر منهم بنفسك

[صبح على]

[لو سمحتم انا جايبه 83% وكتبت فى الرغبات علوم وتجاره وجالى اننا ما تقبلش فى الاتنين اى الحل دلوقتىb][/b]

[فارسة صغيرة]

المشاركة الأصلية كتبت بواسطة صبح على

[لو سمحتم انا جايبه 83% وكتبت فى الرغبات علوم وتجاره وجالى اننا ما تقبلش فى الاتنين اى الحل دلوقتىb][/b]

يعنى جلك لقد نفذت رغباتك ومجاش ليك اى كليه لو كده سجل من تانى واعرف مجموعك يجيب ايه واكتبه
الان محدش عارف التنسيق ده هيقفل امته
http://www.tansik.egypt.gov.eg/application/
شوفى انتى علمى علوم ولا رياضة وينفع تدخلى خاص ولا لا واعملى ابحاث بسررررررررررررعة جدا معرفش لتنسيق ده هيقفل امته


يا ترى انا فهمت قصد حضرتك صح ولا غلط ,, لو غلط اتمنى ان تعرضى مشكلتك بشكل واضح عشان لو نقدر نساعد نساعد ان شاء الله
اتمنى لك كل التوفيق