عايز الوزير الهمام يحل هذه المعادلة ومش عايز فلوس ؟؟؟؟؟؟؟؟؟؟؟؟؟؟؟؟؟

[mohmedmhros]

انا معلم أول بالمرحلة الابتدائية منذ 13 عام وحاصل على ليسانس آداب وتربية المرتب بالكادر 815 جنية وزيادة الوزير هاتكون 75 جنيه اخرى يعنى اجمالى المرتب 890 جنيها بعد 13 عام مدرس
وبحسبة بسيطة انا متزوج ولى طفلين بمراحل التعليم يعنى الاسرة مكونة من 4 افراد رغيف الفول ثمنة 2 جنية يعنى انا و الطفلين والزوجة ناكل 4 ارغفة فى الوجبة الواحدة يعنى 8 جنية فى الوجبة ولو بناكل 3 وجبات فى اليوم يعنى 24 جنية عيش وفول فى 30 يوم يعنى 720 جنية عيش وفول فى الشهر يعنى الباقى من المرتب 170 جنية مسكن وكهرباء ومياه وعلاج ومواصلات وتعليم للاولاد
يا ريت الوزير يحل هذه الحسبة البسيطة ومش عايزين زيادة فى الاجور

[amorpoet]

هيقول لك اشترى الفول من المدرسة المنتجة

!
؟

[yasser2h]

المشاركة الأصلية كتبت بواسطة amorpoet

هيقول لك اشترى الفول من المدرسة المنتجة

!
؟

هههههههههههههههههههههههههههههههههههههه

[اشرف البرنس]

ايه التبذير ده 3 وجبات فى اليوم

[أ. محمود جبره]

والله هم يبكى ، ده حالنا كلنا ، ربنا يعزنا بعزه

[wahsh2008]

بلا تعليم بلا زفت الطين ............... ضيعتنا ياجمال الدين

[محمود ناجى جلال]

الناس دى متعرفش اسعار الحاجات دى رغيف الفول وقرص الطعمية ولا تشغيل بالها بتفاصيل غلاء المعيشة هما متاكدين ان المدرس هيكيف نفسه تحت اى ظروف
حسبى الله ونعم الوكيل فى الببلاوى واحمد جمال وكل واحد ظالم تولى امر التعليم فى مصر

[abbas elzakan]

ياأخي بيقولوا ان الوزير ده اصله اخواني علشان كده حيقولك جوعوا تصحوا

[e_thestar]

مفيش حد بيحس بحد اصل الاحساس ممنوع عند بعض الناس بسبب عدم النظر الى الحد الاقصى وان تستمر الامور على ما هى عليه وكأننا فى غابة نعيش بلا انسانية والعياذ بالله

[ابوحكورة]

انا معلم أول بالمرحلة الابتدائية منذ 13 عام وحاصل على ليسانس آداب وتربية المرتب بالكادر 815 جنية وزيادة الوزير هاتكون 75 جنيه اخرى يعنى اجمالى المرتب 890 جنيها بعد 13 عام مدرس
وبحسبة بسيطة انا متزوج ولى طفلين بمراحل التعليم يعنى الاسرة مكونة من 4 افراد رغيف الفول ثمنة 2 جنية يعنى انا و الطفلين والزوجة ناكل 4 ارغفة فى الوجبة الواحدة يعنى 8 جنية فى الوجبة ولو بناكل 3 وجبات فى اليوم يعنى 24 جنية عيش وفول فى 30 يوم يعنى 720 جنية عيش وفول فى الشهر يعنى الباقى من المرتب 170 جنية مسكن وكهرباء ومياه وعلاج ومواصلات وتعليم للاولاد
يا ريت الوزير يحل هذه الحسبة البسيطة ومش عايزين زيادة فى الاجورياعم الحاج الناس دي لاتفهم هذا الكلام يفهموا كيف تتعلم السرقة وخلاص مثل اللة يرحمة

[teacher_2]

الأسعار بتجرى فى نفاثة والأجور والمرتبات بتمشى وراها بتعرج زى الحمار الجربان لا الزيادات فى الأسعار بتقف
ولا المرتبات عاوزه تتعالج
وسلمولنا على الوزراء اللى مالهمش لازمة ولا لهم كلمة يقدروا يقولوها

[خالد مصطفى الرافعى]

لا حول و لا قوة إلا بالله .....................

[mmar1]

بس هل سنعيد حقوقنا المهدرة............ان الله لا يغير ما بقوم حتى يغيروا ما بأنفسهم


بسم الله الرحمن الرحيم




زاد الاحتقان بين المعلمين علي مستوي جمهورية مصر المحروسة بعد أن تجاهلهم الوزير تماما و غيبهم عن المشهد ، ولم يستمع إلي صراخهم سوي ببعض المكتسبات الهزيلة لا تعجب أنه وزير ما بعد الثورة الذي قرر إهدار كرامة المعلم نعم و سحقه أيضا ، مني ينتهي حوار الطرشان يا معالي الوزير ، و مع من تتحدث في حل لمشاكل المعلمين بالطبع مع مستشاريك ممن تجاوزت مرتباتهم آلاف الجنيهات ، لدي أسئلة حائرة تحتاج لردود بالطيع ليس منك يا معالي الوزير بل من وزير تعليم كوكب زحل بخصوص المستشارين :
هل ذكروا لك مشاكل المعلم الحقيقية؟ بالطبع لا !

هل عرضوا علي سيادتك حلول واقعية لمشاكل المعلم تعيد كرامته السليبة ؟ بالطبع لا !
هل ساورت لهم أنفسهم وهم يحصون مرتباتهم الضخمة مع أبنائهم و خدمهم أن يعطوك سببا لتضخم مرتباتهم رغم أنهم سببا في انهيار التعليم علي مدار عقود؟ بالطبع لا !
هل وضعت سادتك سببا لانهيار التعليم في مصر رغم صرفكم الملايين علي تنابلة الوزارة من عرق المعلم و ماله ؟ بالطبع لا ، لان حضرتك لا تفكر في مشاكل المعلم أساسا !
هل تخيلت عاما دراسي بلا معلم يا معالي الوزير ؟ نعم هذا ما يخطط له كل معلم شريف علي أرض مصر سنلقي بالطباشير الذي أصابنا بالأمراض في وجوهكم و نعود لبيوتنا معززين مكرمين لان الحديث معك و مع حضرت المستشارين أصبح بلا طائل ، فاض الكيل و طفح العلقم من حلوقنا و أنتم يا قاطنو جنة الوزير منعمين مرفهين بأموالنا ، إذن انزلوا للمدارس و امسكوا الطباشير و طبقوا استراتيجياتكم الفاشلة في تطوير التعليم بأنفسكم !

[انجل اسماعيل]

حيقولك الجا للقضاء

[elkahateeb]

هيقولك يبقى الحال على ما هو عليه وعلى المتضرر اللجوء إلى القضاء