استحملونى شويه وردو بلييييييييييييز

[beso_elmery]

معلش استحملونى شويه انا واحده نسقت عادى زى كل الناس وجاتلى بطاقة الترشيح ( تربية سوهاج/رياضة ) مكنتش عارفه ساعتها اعمل ايه ناس كتير قالولى حولى علوم وسمعت كلامهم لانى زى اى حد دخل رياضة2 وكان حلمه يدخل هندسة من وهو صغير وملوش حلم تانى غيرها ولا فكر انو ممكن ميدخلهاش لدرجة انى فكرت انى اعيد ثانويه عامه من جديد خصوصا انى من سوهاج وصعب عليا انى اقعد فى القاهرة او اى بلد تانى لو دخلت هندسه خاص فى وسط المظاهرات خصوصا طبعا انى بنت دا حتى الواحد بيبقى فى بلده و اهله بيبقو خايفين عليه بس لاقيت انو مش فارقه اوى اى كلية خصوصا انو البنت مش مهم شغلها اوى ولا دراستها زى الولد وزى مابيقولو البنت اخرها هتتجوز وتقعد فى البيت

اللى حصل بقى انى حولت (علوم سوهاج/رياضة) بس برضو بعد ما حولت حاسة انى قلقانه وخايفه من القرار ده خصوصا ان علوم بيقولو صعبه وكل حاجه بالانجليزى وكمان معظم اللى اعرفهم وكانو فى علوم طلعو بمواد كتير وحولو لتربيه واداب

وكمان بيقولولى علشان انا بحب الرياضه اوى قدامى فرصه فى تربيه انى ابقى معيده واطلع الاولى على الدفعه خصوصا ان الكليه اعدادها قليله حوالى 65 طالب بس اللى مخاوفنى انى مجبش تقدير كويس وابقى مدرسه وطبعا انتو عارفين نظره الناس للمدرسين مع احترامى طبعا ليهم انا كل المدرسين اللى اعرفهم بحترمهم واقدرهم اوى بس مش كل الناس كده فى ناس كتير بتقول طلامه الواحد مدخلش كلية قمه يبقى فاشل

بصراحه انا محتاجه رايكم اوى (ادخل تربيه رياضه ولا ادخل علوم ) وياريت تردو ارجوكم بلييييييييييييييييييييييييييييز

انا كمان سمعت ان ممكن حد يحول مثلا من علوم لتربيه فى اول اسبوعين فى الجامعه ياترى الكلام ده صح ولا غلط؟

انا اسفه انى طولت عليكم بس ارجوكم ردو بسرعه