احزروا معلمى البحيرة

[عصام شلبي]

انا من البحيرة وكنت النهاردة امام المنطقة اول مانزلت من التاكسى لقيت عدد كبير خارج المنطقة فكرت ان دول هما اللى عاملين المظاهرات ولما قربت لقيت ان الناس الكتير دى هم موظفى المنطقة و زملائنا المتعاقدين هم اللى جوة لكن كان عددهم قليل حوالى 30:40 الناس دىبجد رجالة وربنا يقويهم على اللى بيعملوه لان انا صدقت وكنت رايحة فرحنة لما قالوا التنظيم والادارة بعتت الاسماء واستغربت الجماعة دول عاملين دوشة ليه ومظاهرات ليه مادمناا اتثبتنا واسمائنا ا تعلقت ولقيت وانا واقفة ا/ عباس وا/جمال الناس اللى من البحيرة يعرفوا ان الناس دى هى المسئولة عن تجديد العقود بتاعتنا سالتهم قالوا ان شاء الله فى تثبيت لكن قدامه حوالى شهر او شهر ونصف اوكيه لكن فى تجديدبعد العيد سالته وانا متغاظه مننه ليه قال ياجماعة بقولكم شهر شهر ونصف انتم لو مجددتوش لحد ماتتثبتوا هتمضوا فين ياسلام هبل احنا ياجماعة لو فى جدية كانو بدل ميلموا ورق التجديد ويعملوا دوشة كل سنة كانو ثبتونا واهو الورق عندهمبالمناسبة انا حاسة ان احنا فاتحين بيوت ناس يامة المكتبات اهى بتسترزق من تصوير الورق وكمان الدوسيهات طبعا باضعاف التمن داغير الفيش والتشبيه اللى ان شاء الله (ده لو اتثبتنا)هنعوز نعمل غيره لانه صالح لمدة3 اشهر وبعا خلصوا بنبقوا بنعملوا الكلام ده كله واحنا فرحانين لاننا بنكون سامعين ان احنا هنتثبت لكن بعدها بفكر هو مفيش مسئول عنده دم عنده ضمير عنده ولاد يحس باللى بيحصل لنا المهماللى انا سمعته النهاردة من احد الموظفين بيقول لشيخ معهد رايح يلص مصلحة لمعهده شوفوا ياعم مين اللى غايب من المتعاقدين وشطبوا عليهم اتم مش شايفين مصالح المنطقة متعطلة ازاى لقيت شيخ المعهد مطلع موبايله وبيكلم المعهد وبيعطيهم تعليماته بكده على فكرة فى وسط ده كله ضحكت اصلى سمعت موظف تانى بيقول بركة ياجامع على الله يتنوا كده اهو الوحد يريح فى البيت وتنوا مروح هو وزمايلة والله العظيم لقيت واحد تانى بيقول انا اصلا مكنتش عايز اجى مصلحة اهو اروح افتح المحل انا ماشية بضحك على موظفى المنطقة حبة وعلى اللى بيحصل لنا حبة ربنا يفوق شيخنا ويشوف مصصلحة عياله بقى بدل مهو كل يوم نقرا ده استقبل فلان ووفدى مش عارفة منين المفروض الى ميقدرش يجيب حق رعيته يترك المكان لمن عنده القدرة والكفاءة لذلك وفى النهاية بشكر زمايلنا المتعاقدين المعتصمين وبقول لهم للاسف احنا كبنات مش مسموح لنا نعمل زيكم مع اننا مقتنعين بيكم واسفة قوى انى طولت عليكم لكنى حاس انى بفضفض معاكم عشان ارتاح