الجمعه 19 / 8 ثورة الطلاب المستجدين فى الجامعات وخريجى الثانوية العامة بجد مش هزار

[Mohamed Sosa]

بسم الله الرحمن الرحيم

اولا لازم ناخد موقف ياجماعه مينفعش كده خالص

يعنى ايه يبقى نفسى ادخل كليه هندسة مثلا وجالى حاسبات وانا عاوز ادخلهندسة

اى نعم انا معترف انى غلطان فى حكاية كتابة الرغبات بس برضه ياجماعه المفروض زينا زى باقى الناس اللى قبلنا الدفعات اللى قبلنا يعنى

انا اخويا من سنتين جاتله كليه سياحة وفنادق وحول تربيه رياضية بعدها ب3 اسابيع ب 50 جنيه بس وكان تحويل ورقى

لكن دلوقتى فى حاجة اسمها تحويل الكترونى يعنى المفروض مجانى ومتاح للجميع وكان حقنا اننا نحول وطلبتنا تتقبل مدام شروط الكليات دى ومجامعيها متوافرة معانا

بجد حاجة مستفزة جدا من الحكومة يعنى اللى يجيب 96 فى الميه مثلا ودخل حاسبات وعاوز يحول ويروح هندسة يقولوله مينفعش
فى حكم مين ده بقى انشاء الله

وعشان احول ورقى ادفع 150 جنيه مظروف وكمان فلوس من 1000 ل 3000

طب افرضوا واحد معهوش المبلغ ده مستقبلوا يضيع عشان خاطر الروتين الفاشل ده والنظام العقيم بتاع الوزارة

طب ازاى بتطلبوا من بلدنا دى انها تهدى ومتعملش ثورة وكل واحد يخليه فى حاله وانتم نفسكم ياوزارة كجهة حكومية عاملين ازمات مستفزة بتثير الشعب

بجد ربنا ينتقملنا منكم

وربنا يوفق كل واحد عاوز يجول لكليه او دخل كليه انه يكون ماشى فى الطريق الصحيح
وربنا يهدى يااااااااااااارب

[birana]

يارب يا محمد ربنا يوفقنا كلنا يارب ويسهلنا حالنا لان بجد تعبنا فمن حقنا نحقق احلامنا وندخل الكليه اللى نقدر ننجح فيها مش اللى يجيبها مجموعنا
كلامك صح بس النظام الفاشل ده عمره ما يتصلح ف يوم وليله يعنى احنا لو عملنا حاجه اظن ممكن احنا منستفادش بس الاجيال اللى جايه تستفيد
وربنا يوفقنا جميعا يااااااااااااااااااااااااااااااااااااااااارب

[highlight]

الحــــــــــــــــــــــــــــــــــــــل الوحيــــــــــــــــــــــــــــــــــــــــــــد لمشكلة الجامعات فى مصر و النظام المتخلف ده

ان يكون فى كل محافظة جامعة لكل الكليات

[eng--zako]

علي فكرة مبلغ ال 1000 ل 3000 مبيطلبش ف كل الكليات
و كمان ممكن تطلب تقسيط المبلغ
انا اعرف ناس حولت ورفي دفعو ال 3 الاف علي 3 مرات

[الشارد الشديد]

تعليم وسخ ولازم البلد دي هتنار اكيد في يوم من الايام

[fekma4]

انا زيك كتبت السن في الرغبات بس بعد كليات صيدله اللي جنبي ومجموعي مجبش واحده فيهم،وكنت كاتب حلوان بعد السن فروحت السن ودلوقت مش عارف احول لحلوان،ومحتار ومكتئب وع اخري من الصدمات اللي عمال اخودها من ساعة ما دخلت ثانويه عاميه......ربنا يسامحهم ع اللي بيعملوه فينا واحنا لسه في السن ده.....

[حنان ماهر]

قام حوالي 1000 طالب وطالبة بالثانوية العامة بقطع طريق الكورنيش بالاسكندرية والتعدي علي مبني إدارة الجامعة وكسر الباب الزجاجي وتحطيم سيارات العاملين والأساتذة ومنع مرور السيارات وذلك في أزمة مرورية بسبب عدم قبول تحويلهم عن طريق الإنترنت بسبب مجاميعهم الصغيرة في جامعة الاسكندرية والكليات المناظرة بها.
وأكد المسئولون بجامعة الاسكندرية أنهم لا يملكون التدخل لأن هذا قرار مكتب التنسيق ووزير التعليم العالي.

[fekma4]

ايه ده هو الكلام اللي حصل في اسكندريه ده بجد،انا مش مع التخريب اللي بيحصل ده بس هو فعلا المفروض يحسوا بالليي بيحصلنا شويه،،احنا دفعه منكوبه،وشوفنا كتير وبرده لسه بنشوف،ربنا قادر يجيبلنا حقنا بس بالزوق من غير تخريب لأن ده بيضيع حقوق ناس تانيه كتيييير ملهومش اي ذنب...==

[حنان ماهر]

الى كل اللى فى المنتدى لازم كلنا نتصل بمكتب اليو م السابع عشان يحسوا بالموضوع و يعملو دى الارقام ياريت الكل يتصل تانى -37603628 02-0237603627 / 37603626 02