مربوط ع الدرجة التانية

[بيت العيلة]

أنا معلم ابتدائى حصلت على دبلوم المعلمين ( 5 سنوات ) سنة 1985 واتعينت فى نفس العام على الدرجة الرابعة الفنية طبعا
واستمريت فى هذه الدرجة حوالى 13 سنة !!!!!!!!!!! ياه كتير ...........مش كده ؟؟؟؟؟؟؟؟؟
المهم اترقيت للدرجة التالتة الفنية بعد طلوع الروح احنا والدفعة السابقة دفعة (84 )
والفرق بين الدرجة التالتة الفنية والتالتة التخصصية زى الفرق بين قطار الصعيد القشاش وقطار الاسكندرية المكيف
حظوظ بقى ووووووو .......... بلد شهادات صحيح !!!!!!!!!
ولحظنا المنيل بستين نيلة ( لامؤاخذة ) جه الدكتور الجنزورى وعدل الترقيات فيما يسمونه السقوط الوظيفى
وسقطنا كتيييييييييييييير قوى لأنه جعل الترقى من الدرجة التانية الى الدرجة التالتة ( 8 ) سنوات وشوفوا بقى كام دفعة اترقت معانا واتساوت بينا
ونقول ان كل قانون له ضحايا!!!!!!!!!!........ طيب يمكن تكون مرة وتعدى
هوجة الكليات اشتغلت يا اخوانا ومعلمين كلية التربية اللى كنا بندرس لهم فى المرحلة الابتدائية بقوا يقوموا بالتدريس للصفوف العليا اما دبلومات المعلمين بقوا فى السبنسة ورا
طيب يا أخى ما تروح تدرس فى الكلية ويبقى معاك انت راخر شهادة عليا يمكن تحافظ على مكانتك وينوبك من الحب جانب
درست فى الكلية واتخرجت سنة ( 2000 ) واتحولت من الدرجة الفنية للدرجة التخصصية ........ يا تساهيل ربنا
شمينا ريحة التخصصية يارجالة وهنوصل عن زمايلنا اللى ما خدوش كلية ولا سهروا ولاتعبوا ولا صرفوا دم قلبهم
ويافرحة ما تمت جت حكاية اسمها ( كادر المعلمين ) ساوت بين كل الناس( كل لية) أو كل أى حاجة تانية
وأصبح الجميع أمام الكادر سواء واتسكنت على وظيفة معلم أول لأنى على الدرجة التانية منذ سنة 2005
وقلت ماشى يمكن الحظ المنيل ملازم الدفعتين دول (84 - 85 ) كمان مرة بس هتحلو المرة اللى جاية وكله ست سنوات ونترقى للدرجة الأولى زى القانون ما بيقول ( آى والله )
يعنى مع بداية سنة 2011 العملية هتحلو والحياة تبقى بمبى ........ ما شى صبرنا كتير وما فيش ضرر نصبر كمان شوية
تقريبا الجماعة بتوع الوزارة عرفوا اننا أخدنا على الصبر ونشأنا عليه يعنى ما فيش حاجة لما ييجوا علينا كمان شوية.
مافيش ضرر؟؟!! هوفيه أكتر من كده ضرر
فقالوا ما فيش ترقية فى السنوات الفردية الزوجى يكسب
يعنى جت من سنة ما احنا خللنا قبل كده عموما خليك ورا ال............. لحد باب الوزارة
وشوفوا بقى الوزارة تفتأت أخيرا عن إيه !!!!!!!!!!!؟؟؟؟؟؟؟؟؟
الترقى للوظائف الأعلى لمن قضى فى وظيفته السابقة أو الكادر ( 8 سنوات )
يا سنة سناج ( يعنى : هباب ) لسة كمان ظلم
يعنى ما شبعناش ظلم من القرارات السابقة لما تيجى قرارات جديدة وتجدد ظلمنا
مش بقولكوا حظ منيل بنيلة
مش كده .......ز ولا إيه !!!!!!!!!!!!!!!!!!؟؟؟؟؟؟؟؟؟؟؟؟؟؟؟؟