اخر الاخبار ـ شروط استحقاق الحافز الجديد ( 25 % - 50 % - 75 % )

[الهواهوا]

ما حدث بيني وبين سكرتير المدرسة ـ وانا من بني سويف بالمناسبة ـ يوم الخميس 25 / 8 / 2011 اثناء قبض المرتب هو كالاتي :
ـ لقيت المرتب ذي ما هو 479 جنيه وانا تعيين 1 / 3 على فكرة فقلت له هي الزيادات منزلتش ولا ايه
فقال لي بالحرف الواحد
- " اصل هما سلمولنا ورقة بها شروط لمن يقبض هذا الحافز "
- فقلت له " نعم " ... حضرتك بتهرج ولا ايه ... هما مادوناش ال 200 % كلها وبيشرطو كمان على الفتات اللي هيسيبوه
- فقال لي " لا مش بهرج والله " والشروط كالاتي
1 ـ لابد أن يكون تقرير المعلم في اخر عام بتقدير كفء
2 ـ يخصم هذا الحافز في حالة توقيع اي جزاءات على المعلم خلال الشهر
3 ـ لابد أن يوقع المعلم 18 توقيع على الاقل في دفتر الحضور لكي يستحق هذا الحافز

طبعاً لا تتخيلوا حضراتكم حرقة الدم اللي انا فيها دلوقتي
بس الظاهر انهم فعلاً ـ وعلى عيني والله ـ هيخلوا السنة دي " عام دراسي بلا معلمين "

[yearner for paradise]

حسبنا الله ونعم الوكيل

فعلا مفيش زيادات الشهر ده

خلينا معاهم للشهر الجاى ونشوف هيحصل ايه ان شاء الله

[منار على]

بصراحه منتهى السخافه كمان الحافزدا كام يعنى لتعينات شهر 3

[مستر علي احمد]

الزيادة لتعيين 1/3 تساوي 50%

[طه حسين رأفت]

يا حماعة عندنا في القاهرة الزيادة 50% للملم و75% للمعلم المساغد والقبض بعد العيد في كشوف منفصلة


والقبض شهرين ازيادة شهرين 7/8

وان شاء اله من شهر 9 سوف تضاف الزيادة علي المرتب

بس هذا طوحنا نحن نريد المساواة مع كل القطاعات

[طه حسين رأفت]

اقصد هذا ليس طموحنا

[ايهاب العراقى]

امل الكلام جه منزلشى اى ادارة من ادارات كفرالشيخ ليه ؟؟

[amrmohamad]

ارجو التأكد من صحة هذا الكلام

[وسام مجاهد]

الكلام ده صحيح والزيادة هتكون تبع الدرجات الثالثة 75% والتانية 50% والاولى 25% والكلام دة فى الدقهلية وهيتم فى شهر 9 وليس الان

[وسام مجاهد]

وعلى فكرة النشرة دى موجودة فى الادارات وفى بعض المدارس

[العدوى1]

هههههههههههههههههههههههههههههههههههههههههههه والله معتش قادر ارد على اى تعليقات لان بصراحة الظلم علينا كتير اوى حسبنا الله ونعم الوكيل

[أيمن البدري]

المشاركة الأصلية كتبت بواسطة وسام مجاهد

الكلام ده صحيح والزيادة هتكون تبع الدرجات الثالثة 75% والتانية 50% والاولى 25% والكلام دة فى الدقهلية وهيتم فى شهر 9 وليس الان

متأكد حضرتك أن الزيادة حسب الدرجة لأن المعروف أن الزيادة طبقا للوظيفة ( المعلم المساعد 75% و المعلم 50% و الباقى 25% )

[حسين الأمير]

كل شهر نقول نصبر للشهر للجاي لحد أمتي هنصبر

[Mr M.Elwan]

من مدير الميزانية فى منطقة الشرقية لى شخصيا ان الزيادة للمعلمين المساعدين اللى ما متحنوش كادر 75 % من اساسى المرتب وقال انه سيتم الصرف من شهر تسعة وشهرى 7/8 هيكونوا فى استمارة منفصلة عدى على الكلام ده كام يوم وجه منشور بكده المعهد وجارى عمل الشهرين المنفصلين والكلام ده اكيد والتربية والتعليم صرفت بالفعل فى استمارة منفصلة شهرى 7/8 والله الموفق وكل سنة وانتم طيبين
اللهم اعنا على ذكرك وشكرك وحسن عبادتك

[منار على]

المشاركة الأصلية كتبت بواسطة علي احمد 99

الزيادة لتعيين 1/3 تساوي 50%

يعنى كام جنيه فى الاخر بعد الخصومات