محافظ الغربيه مش فاهم حاجه ويقوم بمخالفات ماليه

[dalia_saloooh]

كيف يقوم محافظ الغربيه بعمل عقود مميزه للعاملين بالحصه بنفس المرتب الاساسي للمعلم ويعطيهم حافز 2007 /2008/2009 وهم لم يكونوا علي راس العمل لان عقودهم كانت تنتهي 30/6 وعند اضافه لهم الكادر وحافز 200% يكون المعلم المساعد اعلي من المعلم ب 25% وذه مخالفات ماليه جسيمه ونحن المعلمون يجب الا نسكت علي هذه الجريمه

[rasha_ahmed]

سكت دهرا ونطق --------------------------------

طب يشوف حقوق اللي اتعينوا والله دا حصل معايا فالاداره لما روحت اسال على وضعنا بعد التعيين فى شرق المحلة لا حوافز ولا 50% بتوع الكادر لا وايه لما استغنيت عن الفلوس وقولت لهم انى فى حاجه ضروريه اعمل اجازة مرافقة زرج كان الرد كالاتى اجازة ايه هو انتوا اتعينتوا مالكوش درجه ولا اى اجازه لا والنكته اللى السيده وكيلة الاداره قالتها ان حتى المثبتين مش بياخدوا اجازه بدون مرتب قبل 3 سنين قولوا لى اعمل ايه وهى ملخبطه من كل جانب مش عايزه فلوس وبرده تعقيد والله العظيم اتخنقتتتتتتتتتتتتتتتتتتتتتتت

[mohamaha33]

وانتى اية غايظك يا ام غل مش دول كما اتبهدلوا بالحصة سنين وسنين وشكلك كنتى واخدة المميز بالواسطة

[biba200577]

سيبينا نفرح شوية ده فيه ناس خدت المميز بعد سنة واحدة بس شغل حبى لأخيكى ماتحبى لنفسك

[mohamaha33]

المشاركة الأصلية كتبت بواسطة biba200577

سيبينا نفرح شوية ده فيه ناس خدت المميز بعد سنة واحدة بس شغل حبى لأخيكى ماتحبى لنفسك

عندك حق والله احنا خدنا المميز بعد ذل سنين طويلة دة ربنا بيعوض علينا

ومن شر حــــــــــــــــــــاســـــــــــــــــد اذا حســـــــــــــــــــــــــد

[mohamaha33]

المحافظ المحترم وش السعد اللى اول محافظ يجى يدينا المميز من سنين وبينصف المظلوم بقى مش فاهم حاجة

ربنا يرحمنا من الناس الحقودة

[rasha_ahmed]

المشاركة الأصلية كتبت بواسطة mohamaha33

وانتى اية غايظك يا ام غل مش دول كما اتبهدلوا بالحصة سنين وسنين وشكلك كنتى واخدة المميز بالواسطة

اولا الله يسامحك فى الاهانه دى

ثانيا انا اقسم بالله لا اتعينت بالواسطه ولا اخدت المميز بالواسطه انا اشتغلت فى الارياف بالحصه 3 سنين على 80 جنيه كنت بحط فوقهم مواصلات انا كل اللى اقصده ياستاذ يافاضل عمرى ما هغلط زيك التدرج الوظيفي زينا مش اكتر وانا قولتن انى استغنيت عن الفلوس لظروف خاصه ومره تانيه الله يسامحك على الاهانه والغلط ده

[mohamaha33]

المشاركة الأصلية كتبت بواسطة rasha_ahmed

اولا الله يسامحك فى الاهانه دى

ثانيا انا اقسم بالله لا اتعينت بالواسطه ولا اخدت المميز بالواسطه انا اشتغلت فى الارياف بالحصه 3 سنين على 80 جنيه كنت بحط فوقهم مواصلات انا كل اللى اقصده ياستاذ يافاضل عمرى ما هغلط زيك التدرج الوظيفي زينا مش اكتر وانا قولتن انى استغنيت عن الفلوس لظروف خاصه ومره تانيه الله يسامحك على الاهانه والغلط ده

مش المقصود انتى المقصود الاخت صاحبة الموضوع

المفروض انك عانيتى اهوة يبقى تحبولنا الخير

وكل سنة وانتى طيبة

[elkingmsm]

المشاركة الأصلية كتبت بواسطة dalia_saloooh

كيف يقوم محافظ الغربيه بعمل عقود مميزه للعاملين بالحصه بنفس المرتب الاساسي للمعلم ويعطيهم حافز 2007 /2008/2009 وهم لم يكونوا علي راس العمل لان عقودهم كانت تنتهي 30/6 وعند اضافه لهم الكادر وحافز 200% يكون المعلم المساعد اعلي من المعلم ب 25% وذه مخالفات ماليه جسيمه ونحن المعلمون يجب الا نسكت علي هذه الجريمه

ايه الغل دة احنا اتبهدلنا علشان ناخذ عقد مميز يا جماعة كل واحد يقرآ سورة الفلق احسن نتحسد وميكملش العقود المميزة طيب استنى حتة لما نمضى العقود ونقبض وبعد كدة تبقى اكلمى مش الحقد على الكلى يامو غل
من شر حــــــــــــــــــــاســـــــــــــــــد اذا حســـــــــــــــــــــــــد

[yearner for paradise]

دى ارزاق ربنا مقسمها وكمان بصراحه مدرسين الحصه يستاهلوا لانهم تعبوا كتير

وعلى فكرة انا مش بشتغل بالحصه انا عقد مميز وتعيين بقرار 244

وعلى العموم مميز ولا عادى ولا حصه ولا تعيين مرتبنا كام يعنى

كلنا فى مركب واحده افتكر كده..

وربنا يبارك لكم فيه ..لكم خالص تقديرى

[Mr:Mohammad Zyan]

وحضرتك اللي مزعلك قوي كده يعني مش مكفيكي إننا شغالين بقالنا سنتين ب 105 وفاتحين بيوت إتقي الله علي أقل تقدير انت مش عاوزانا ناخد حد الكرامة كيف يعقل أن تكوني مدرسة أو وسط التربية والتعليم ولم تحسي بمعاناتنا راجعي نفسك وأنا والله أشك في كونك منسوبة للتربية والتعليم لأنك لو وسطنا كنتي حسيتي بينا

وتحية للمحافظ محمد عبد القادر وللشباب اللي ساهموا لغاية القرار ده ما طلع منهم : عبد الفتاح عوكل وأسامة درويش وناس تانية كتير ساهموا لغاية القرار ده ماطلع

[دونامون]

اتقي الله وارحمينا من الحسد لازم ياجماعه نقرا سوره الفلق عشان الموضوع يكمل عشان عين الناس الحسوده دي وانصحك تجري في موضوع الاجازه عشان ترتاحي وترحمينا من النفسنه دي بدل ماتقولي الحمدلله ربنا انصف اخواتي اللي بيقبضوا 105تتمني الشر والتدرج الوظيفي

[دونامون]

وتحية للمحافظ محمد عبد القادر وللشباب اللي ساهموا لغاية القرار ده ما طلع

[Mr:Mohammad Zyan]

وتحية لكل معلمي الغربية وخاصة المكافأة الشاملة ولا عزاء للممييزين ههههههه

[s.skr79]

يا اخوانا طولوا بالكو شوية احنا صايمين عادي أية ومميز اية ومعين حديث اية دول كلهم متنيلين بنيلة زي بعضهم الصح والعدل هوه انه كل واحد يأخذ حقة بالمضبوط والحق والعدل ان لازم يكون الفرق بين العادي والمميز وحديث التعين هو من خلال سنوات الخدمة لكل واحد وليس اي شئ اخر يعني اللي خدم 3سنين يأخذ مرتب ما واللي خد4سنين يأخد مرتب أعلى بقدر معين واللي خدم 5 سنين يكون أعلى بقد اخر وهكذا000000000يكون الفرق بسنوات الخدمة وبس وأعتقد ان دا العدل والمفروض محدش يزعل من العدل لان الله هو العدل وهو الحق
يعني كل واحد ميبقاش اناني وكل واحد يحط نفسة في موقف مكان الاخر ويشوف هل الوضع اللي هوة حط نفسة فية هيرضية ولا لاء
مثال:- المتعاقد العادي اللي بقالة 3 سنوات عادي وجالة دلوقت مميز بمرتب ما هل يقبل ان واحد هيتعين السنة دي عادي ب105ويخش بعد3سنين مميز بنفس المرتب اللي اللي انت ياللي جالك مميز هتأخدة يعني انت هتاخد النهاردة500جنية والعادي105 جنية وبعد مرور3سنين انت تاخد600جنية واللي لسة محول من عادي لمميز بردة600جنية برغم انك خدمت6سنوات منهم3عادىو3مميز وهوه خدم3سنوات عادي فقط

ورمضان كريم00 وكل عام انتم بخير وأهلا بالعيد000