مرتب فراش المدرسة اعلى من مرتبك

[منتصر الشماع]

دلوقتي هيكون مرتب اي عامل في المدرسة او حارس الامن زي مرتبك وممكن يكون اكتر منه والموظفين اللي مبيعملوش حاجة في المدرسة او المديرية هيخدوا اكتر من مرتبك واحنا اللي طلعان عنينا في التدريس والنصاب وملفات الانجاز والتحضير ودفاتر المكتب و الطابور والامتحانات محدش هيسأل فينا

[wahsh2008]

مليونية المعلم 10 سبتمبر

[خالدابوخبازى]

بلاش منه التدريس ياحبيبى ونحول ادارايين والوزير يدرس

[heshamarabe]

بلاش النغمة دي المفروض ان احنا فريق واحد بلاش حكاية الفراش والاداري اللي ظهرت بس من يوم الكادر الاداري الوزارة بتساوية بالعامل بدون مؤهل ومع ذلك عمره ما قال ازاي اتساوي بالعامل والفرق 12 سنه تعليم بعض واقول بعض المدرسين ينظرون للاداري علي انه مواطن درجة عاشرة والفرق بينهم في التعليم 4 سنوات فقط علما بان احسن مدرسين واجدع ناس بتدرس بضمير هما خريجي المعلمين اما اصحاب المؤهلات العليا من الخيبة جابوا مجاميع قليله في الثانوية ودخلوا تربية مجبرين بسبب المجموع يعني غصب عنهم علشان كده بيعوضوا النقص في التعالي علي باقي العاملين ثم ان الفراش عمره ما مرتبة حيساوي المعلم بلاش افترا الفراش ممكن مرتبة بقي اقل من مرتب المعلمين المعينين حديثاً علما بان الفراش كان يعمل بالحكومة عندما كان المعينين حديثاً لم يتعلموا المشي بعد شفتوا العدل في البلد دي وصل فين عمرنا ما حنتقدم ولا خطوة طول ما فيه نظرات النرجسية وحب الذات التي تتمتع بها سيادتك وامثالك

[محمود القناوى]

المشاركة الأصلية كتبت بواسطة منتصر الشماع

دلوقتي هيكون مرتب اي عامل في المدرسة او حارس الامن زي مرتبك وممكن يكون اكتر منه والموظفين اللي مبيعملوش حاجة في المدرسة او المديرية هيخدوا اكتر من مرتبك واحنا اللي طلعان عنينا في التدريس والنصاب وملفات الانجاز والتحضير ودفاتر المكتب و الطابور والامتحانات محدش هيسأل فينا

مليونية المعلم 10 سبتمبر
عام دراسى بلا معلم

[منتصر الشماع]

الاستاذ هشام هي مش نظرة نرجسية ولا حاجة انا عن نفسي هحول اي وظيفة ادارية واريح دماغي واكون زيى زي غيري

[محمد حسين الشربينى]

قال وزير التربية والتعليم الياباني مقولته المشهوره لما سأله أحد الصحفيين العرب
عن السر في تقدم اليابان فأجاب الوزير : السر في نهضة اليابان بعد الحرب وإلقاء
القنابل النووية علينا هو في التعليم والنهوض بالواقع المنهجي الدراسي لطلبتنا ،
ولكي أكون دقيقا معك في الإجابه المعلم سر كل نجاح
وسر نجاح المعلم الياباني ثلاثة أمور
...1- أعطيناه راتب الوزير
2- وأعطيناه سلطة العسكري
3- وأعطيناه هيبة القاضي

[عبدالنبي الحداد]

ما عند الله خير للصابرين