هذا الدعاء خطأ...!!!

[zozza love]

السلام عليكم


بتكلم عن الدعاء ده
(اللهم أبرم لهذه الأمة أمر رشد يُعَزّ فيه أهل طاعتك ويُذّل فيه أهل معصيتك)


انا من اول لما سمعته وانا مش قادره اتقبله خالص
وبحثت عنه عشان اعرف هل هو فعلا
منقول عن النبى (عليه افضل الصلاه والسلام) او حد الصحابه
ملقتش الا انه يقال انه منسوب إلى العز بن عبد السلام


لقيت بس دعاء قريب منه
محمد بن يزيد بن خنيس قال:
كان سفيان الثوري يقول كثيرا:
(اللهم أبرم لهذه الأمة أمرا رشيدا يعز فيه وليك، ويذل فيه عدوك،
ويعمل فيه بطاعتك ورضاك)

مفهوش (يذل أهل معصيتك) بدلها (يذل فيه عدوك)
وأعداء الله : الذين كذبوا رسله وخالفوا أمره


ولقيت رأيين:
الرأى المعارض للفظ ... لان مفيش حد معندوش معاصى
الرأى المؤيد ... شايف ان كلمه أهل مش مقصود بيها العصاه
ولكن من غلبت عليه المعاصى


---------------------------------------------


اللى خلانى اكتب الموضوع ده انى كنت بقرا كتاب (كيف تختار رئيس الجمهوريه)
للدكتور راغب السرجانى ولقيته كاتب فى نهايه الكتاب
(اللهم أبرم لهذه الأمة أمر رشد يُعَزّ فيه أهل طاعتك ويُهدى فيه أهل معصيتك)
وعجبنى اوى الدعاء بالصيغه دى


وللأمانه برضه انا بحثت عن شكل الدعاء بعد الاستبدال
لقيت فيه علماء معترضين برضه

ف انا من وجهه نظرى المتواضعه شايفه الأسلم اننا لا نقوله كده لا كده ... والله أعلم

{ منقول }