هذا ما حدث امس فى مدرية القاهرة

[marsho]

السلام عليكم وارجوا ان تسمحونى على التاخير بس السبب مهم برضوا وهو انى كنت بشترى لبس المهم

انا عارف ان انتوا مستنيين المهم بس قبل ما ابداء احب اقول ليكوا ان انا ضحكت كتيييييييييييييييييييييييييير اوى امبارح عارفيين لية لان لو مضحكتش محدش فى المدرية هيردا على الاسئلة اللى بسئلها يا اما هيقولى نص المعلومة ودة مينفعش (يا اما كلها يا بلاش)

وعلى شان اجيب المعلومة كلها عملت الاتى

ذهبت امس الى المدرية ورحت الى تنسيق الابتدائى ( لية انا رحت هناك لان الناس دى عندهم نصف المعلومة ) المهم قابلت استاذة فاضلة وسالتها
1- الناس اللى شغاليين فى رياض الاطفال وبقالهم 3 و 4 و 5 سنيين شغاليين ومجالهمش عقد مميز (ازاى مجلهمش لان هما مش فى تخصصهم زى مثلا قسم اجتماع ويعمل فى رياض الاطفال) قالت معنديش فكرة (ههههههههههههههههههههه قال وانا رايح اخد نصف المعلومة ) المهم خرجت ودخلت الغرفة اللى امامهم (تنسيق الاعدادى والثانوى ) وسالت اول سؤال( السؤال دى على شانى انا واللى زيى)
1- الناس اللى شغاليين حاسب الى وبقالهم 5 سنيين عقد عادى هيحصل اية معاهم (كل دة وانا مبتسم ) قالت انتوا اللى عليكوا الدور الكشوف جهزت ومستنيين موفقة الوزارة انا قولتلها امال القرارات اللى طلعت دى متنفذتش لية قالت قرارات اية قولتلها قرارات تثبيت معلمى الحصه والمكافاة قالتلى سيبك من الكلام دة مفيش حاجة من دى دة كلة كلام طب حضرتك الجيزة عملت عقود مميزة على طول قالت اه عندهم ميزانية واحنا لا طب حضرتك احنا موقفنا اية قعدة تحلف ان احنا المرحلة اللى جاية ( اية دة يعنى على كدة فى اكتر من وحدة ) وفى ناس تانى المرحلة اللى بعديكم

2- طب الناس اللى امتحنت الكادر متعينوش لية قالت القرار لسة مجاش (يعنى كانوا بيضحكوا علينا )ازاى حضرتك دة فى ناس شافت اسميهم قالت طب ماهى الاسامى موجودة من زمان ( يعنى نسخة من الاسامى بتروح المحافظة للموفقة ونسخة بتفضل موجودة فى المدرية على شان قاعدة بيانات ) طب المهم القرار هيجى امتى قالت اسأل ا/حسن ( انا كدة خت نصف المعلومة )

3- الناس اللى عقد مميز ومدخلوش كادر قالت ايوة هيدخلوا بس لما الاكاديمية تفتح ( يعنى حضرتك امتى ) واسأل فى الاكاديمية

4- طب الناس اللى هما عقد مميز ومخدوش ولا تربوى ولا اى سى دى ال هيحصل معاهم اية قالت يعنى اية مخدوش لا دول مش هيتثبتوا ( احتمال يتفسخ العقد علشان دة شرط من شروط التعيين التربوى )

5- اخر سؤال طب قرار 75 المفروض يتطبق على مين قالت قرار اية انا مش عارفاه قولت اللى عدى علية 3 سنوات يتثبت قالت سيبك من الكلام دة محدش هيتثبت الا بعد الكادر

6- هو الكادر اتلغى قالت لا متلغاش بس اتعدل يعنى اللى قبل التعيين لازم امتحان لكن بعد كدة دورات

(وهذا كان نصف الكلام )

ذهب الى الاستاذ حسن ملقيتو ش (ليه هنعرف دلوقتى)

دخلت لقيت وحدة تانى المهم سالتها عن اللى امتحنوا الكادر فى 1/4 قالت الاسماء بتتمضى دلوقتى واستاذ حسن هيجبهم( يعنى بتضمضى من مدير المدرية وشئون العاملين عرفتوا هو فين) والاسماء هتروح الادارات يوم الاحد ( اكيد يا حجة ) اخر كلام طب استاذ حسن قال كمان 10 او 7 ايام قالت لا خلاص اكيد الاحد

سألت هو مفيش عقود جديدة قالت مفيش ميزانية طب والعقود العادى مصيرهم اية
قالت بعتنا نجيبهم وهما المرحلة اللى جاية

طب هو حضرتك الناس لما جت شافت الاسامى كانت مش وخدة موافقة قالت الاسامى دى بيبقى فى اكتر من نسخة واحدة فى التعيينات ووحدة فى المحافظة ووحده فى الوزارة ولما بيجوا على شان يشوفوا الاسامى بتبقى هى اساسا موجودة عندنا حتى لو مخديتش موفقة لان دة قاعدة بيانات ( كلامها صح والاثبات انى روحت من 4 شهور شفت اسمى فى كشف اللى هيتعملهم عقد مميز وكان بردة عندهم مع انه لسة مجاليش )

ومشيت لو حد عندة اى سؤال انا مستعد لانى سالت فى كل حاجة وممكن اكون نسيها حاليا وعلى فكرة انا فضلت مبتسم لحد ما خرجت من المدرية وفى حاجة تانى انا جبت ليكوا نمرة التعيينات

29218404 دخلى 274

[marsho]

اسف للاطاله

[misdodo]

احب اكون اولا حد يرد عليك ويشكرك بجد على المجهود وربنا يكرمك انشاءالله
بس بجد انت متاكد ان الناس اللى امتحنوا 1/4 قرار التعين هيروح الادارات يوم الاحد
وبما انك حاسب الى اذا عرفت توزيع المنهج للمرحله الابتدائيه 6و5 ياريت تنزله

[وليد الاخصائى]

انشاء الله يوم الاحد

[حياتى نورتها بتلاوة وحفظ القرأن]

السلام عليكم ورحمة الله وبركاته
الاول شكرا على مجهودك فى الرد على أسئلة الزملائى ربنا يبارك فيك
وياريت حضرتك
ترد على سؤالى علشان انا مضايقه ومش فاهمه

انا بسأل هى ايه حكاية التثبيت فى محافظة قنا وقرار 75 ليه ما تمش تفعيلو احنا قالو لينا انا وزملائى فى الاداره مبروك تم تثبيتكم وبعدين جهزنا الورق بعد عناء شديد وكان فى رمضاان ورحنا نقدم محدش اخد منينا الورق وقالو لينا انو الامر التنفيذى لسه ما وصلش من التنظيم والاداره والمدارس بعد بكره ولسه ولا حس ولاخبر
مع العلم انى ليه 4 سنوات بالاجر واخده دبلومه تربويه و icdil
وقالو لينا نرجع المدارس عاملين بالاجر الشخص يكون من حظه 3 حصص او 5 حصص او 12 حصه لو كان حظه احسن وقالو لينا ارجعو بلاجر ولغاية 10 ايام حيجى قرار التنفيذ وكلام حضرتك بيقول غير كده خالص

حد عنده فكره بيعملو كده ليه
اكيد ضحكو علينا صح ولا لا

[سندس وشهد]

!!!!!!!!!!!!!!!!!!!!!!!!!!!