لو سمحتو بسرعة

[fatma.]

السلام عليكم


لو سمحتو كنت عايزة اسأل ع كذا حاجة


صحبتى جايبة 251 ادبى يعنى 61.2 هى اما قدمت رغباتها ف المرحلة التالتة جالها معهد سنتين فعملت تحويل الكترونى لتجارة مفتوح كفر الشيخ والنتيجة ظهرت النهاردة وتحويلها مش اتقبل راحت عشان تعمل تحويل ورقى قالولها لازم يكون عندها اقامة ف كفر الشيخ

كنت عايزة اعرف هى اداب مفتوح من كام وكمان هى بمجموعها مينفعش تدخل اى كليه مفتوح ولا ايه وكمان عايزة اعرف هى الجامعة العماليه دى ايه نظامها ومصاريفها كام وبالنسبة لاختبار القدرات فى كلية تربية قسم تربية موسيقية انا عارفة انة اتعمل خلاص بس هى تقريبا مجموعها يجيبها فينفع تقدم فيها وتعمل الاختبار يعنى ولا ايه؟؟؟؟؟؟؟

ياريت والنبى حد يجاوب بسرعة عشان تلحق تقدم ف اى حااااجة

[highlight]

والله انا معنديش معلومات خالص عن الحكاية دى..........اسفة

[fatma.]

شكرا ياقمر
ياااريت ياجماعة اى حد يعرف يرد عليا

[222ahmed222]

بصي يا انسه فاطمه بالنسبه لسؤال حضرتك إذا كان ليهاا الحق ف دخول اي كليه مفتوحه فالاجابه هي لا
دا ليه تنسيق عادي جدا زيه زي اي تنسيق وانا كنت هجيبلك لينك للسايت اللي تشوفيه منه بس للأسف قالي لازم اكمل 25 مشاركه الاول فانا هقول لحضرتك تدخليه ازاي وتشوفي التنسيق كله ع بعضه من اول كليه ف المرحله الاولى لآخر كليه ف المرحله التالته
ادخلي ع جوجل وابحثي عن
بيان بالحد الأدني للقبول بكليات ومعاهد المجموعة الأدبية لعام 2011
وادخلي ع اي لينك منهم ومن ناحية اداب مفتوح من كام ففي مثلا كلية الآداب تعليم مفتوح ج الزقازيق واخده من 245.5 وفي اداب مفتوح واخد اقل منها بس هم كتار اوي فياريت حضرتك تدخلي زي ما قولتلك وتشوفي بنفسك لأني مش هعرف انقلهم كلهم هنا ومش ينفع احط رابط سوري

[222ahmed222]

انا دلوقتي ع ما اظن ينفع احط رابط لحظه واحده اجيبلك الرابط

[222ahmed222]

دا رابط نتائج التنسيق لكليات علمي من اول المرحله الاولى لاخر المرحله التالته
للدخول
http://tansik.egypt.gov.eg/application/LimitE2011.htmهو دا للعلمي
اما للادبي فهذا هو الرابط
http://tansik.egypt.gov.eg/application/LimitA2011.htm
واتمنى اكون قد افدت حضرتك بأي معلومه وشكرا وتقبلي مروري