|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
20-02-2008, 04:38 PM
|
||||
|
||||
ليه ياشباب بنعمل كده ليه ؟؟؟؟
السلام عليكم
انا كنت بقرأ في منتدي من المنتديات كده لقيت حاجه بعنوان اسف دخلت وقرأت الموضوع زعلت جدا اقرأو الموضوع الاول ده موضوع لواحد اسمه محمود وكان مسجل في منتدي علي اساس انه سلوي وطبعا دخل اتعرف علي بنات وكده المهم نقرأ الموضوع الاول السـلام عليكــم ورحمـة الله اخـواتى مشـرفين واعضــاء اخبـارك انا اسف ..ايوة اسف من غير تاء مربـوطة انا اسمـى محمـود 22 سنـة مش عارف اقولها اذاى لأنى متأكد انى لو قلت ان انا مش بنت الناس كلها هتبقى واثقة فى العكس عارف ان لو حلفت 100 مرة انى مش بنت كتير مش هيقدروا يصدقوا .. وخصوصا اللى عرفونى من يوم ما دخلت المنتدى .. هلاقى منهم ثقة فيا حطوها فى غير مكانها .. ثقة انا مستحقهاش مش سلوى ... كل اللى حصل او اتقال منى ليكم كان كذب الا حاجة واحدة انى حبيتكم كلكم بجد وانى اهلاوى اوى وبعشق الاهلى غير كدا سامحونى عليه لأنه بجد كان غصب عنى ... مش بحاول الاقى اعذار بس انا زيى زى اى شاب فى سنى بنجرى ورا التسلية يعنى اى لما دخلت المنتدى هنا اتعرفت على كام بنت ؟؟ وضحكت مع كام بنت ؟؟ واخدت ايميلات وموبايلات كام بنت ؟؟ كتير بطريقة مغرية لأى حد انه يجربها بس انا حاولت اكتر من مرة انى الاقى اسباب تخلينى ابعد عن المنتدى واخليكم تنسونى بس فى كل مرة كنت بلاقى الناس بترجعنى بحب بيخلينى عاجز انى اتكلم وبيخلينى احتقر نفسى اكتر فعلا انا كنت داخل المنتدى بغرض التسلية واهى كذبة اسبوع اسبوعين وتعدى بس لقيتنى بتشد ليكم وشخصياتكم جذبتنى وحبيتها وفات اكتر من سنة وانا وسطكم ولا قادر اتكلم ولا قادر ابعد مكنتش ناوى اقول الحقيقة فى الاول لأنى مكنش فى دماغى غير انهم يومين ويعدوا بس كدا انا بقالى اكتر من سنة عايش فى كذب مش عارف ممكن يتغفرلى ولا لا.. دلوقتى انا قررت اقول الحقيقة يمكن حد يقدر يسامحنى ... وعايز بس الناس تعرف ان اللى غيرنى هو انتو كلكم اثرتوا فيا وحبيتكم اوى وحسيت بجد انكم اخواتى وكنت كل بسمع من حد فيكم كلمة اختى بتقتلنى بس بجد كان غصب عنى انا اسف بتبة للبنات اللى اخدت ايميلاتهم وارقامهم تأكدوا انى عمرى ماهضرهم لأنى حاسس انكم زى اخواتى وبخاف عليكم وعمرى ما هأذى واحدة فيكم .. ارقامكم همسحها ايميلاتكم هنساها والرسايل بتاعتك يا سالى انتى ونهلة مسحتهم ..بس عايزكم بعد كدا تخلوا بالكم من نفسكم اكتر مش اى حد يطلب رقمكم ياخدوا ولا اى حد يجيب بنت من الشارع ترد عليكم فى التليفون يبقى بنت .. على وهبة انت كنت دايما بتنادى بالتسامح حتى مع اللى بيغلطوا غلطات كبيرة ياريت تسامحنى لأنى فعلا اعتبرتك اخ ... واسامة واشرف وكل الباقيين بجد حاسس انى كاره نفسى وانا بقول اسماءكم وبفتكر معاملتكم الجميلة ليا اخر حاجة هقولها انى كلنا ممكن نغلط عارف انى غلطتى كبيرة شوية بس ياريت الاقى حد يسامحنى .. وبترجى الادارة لو لازم يكون فى ايقاف يبقى بس بعد يومين مش اكتر انا اسف انا نفسي مش عارف اتعامل مع الموقف ده ازاي الحوار كبير جدا والاراء اكثر ليه ياجماعه نعمل كده مع بعض ليه الولد يدخل بأسم بنت وليه البنت تدخل بأسم ولد انا مش عارف اقول ايه بس مش عارف والله مش عارف هو ده مرض اصبح موجود فعلا في الشباب ؟؟؟؟؟؟
__________________
كما تدين تدااان
وعجبي  آخر تعديل بواسطة كركركوكو ، 20-02-2008 الساعة 04:56 PM |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 03:32 PM.
