خبر هام جدا جدا للى هيروحوا يحولوا(لو روحت هتروح ع الفاضى

[hamadaricardokaka]

انا روحت النهارده جامعة بنها علشان احول من تجاره الفيوم لحقوق بنها ....فقالولى التحويل الورقى للتعليم المفتوح من محافظه لمحافظه اتلغى خلاص ومفيش حاجه اسمها انا هقعد سنه واحده واحول للجامعه اللى جنبى ....المهم نرجع لموضعنا تانى فقلتلهم ازاى اتلغى قلولى الوزير هو اللى قال كده وبعدين روحت شاتم الوزير فى سرى شتيمه جامده من المشوار اللى انا هروحوا (جامعة الفيوم ) .......المهم مردوش يحولولى من الفيوم لبنها مع انى مجموعى جايب الجامعه اللى انا عايزها ....وبعدين وانا ماشى قالولى روح مكتب التنسيق الرئيسى اللى هو فى جامعة القاهره ...ورجعت تانى من جامعة بنها لجامعة القاهره ....وروحت مكتب التنسيق قالولى روح جامعة بنها ...قولتلهم لسه جاى من جامعة بنها وقالولى روح جامعة القاهره....المهم لفيت الجامعه (جامعة القاهره ) علشان اشوف حوار التحويل فقابلنى واحد قلى التحويل من محافظه لمحافظه اتلغى تماما .....وبعدين روحت مكتب التحويل علشان اتأكد ان التحويل اتلغى....فبسأل واحد قلى روح جامعة بنها قلتلوا انا لسه جاى من بنها . وبعدين قلى انا مسئول عن التحويل لجامعة القاهره بس روحت شتمت الموظفين كلهم اعمل ايه اتخنقت اوى..... انا من الساعه 6 ل الساعه 2 علشان التحويل ....فى الاخر مش هقول غير حسبى الله ونعم الوكيل ....بلد بنت كلب وتعليم فاشل فاشل فاشل....