هل يتم تكريم أوائل المدارس ومنحهم كمبيوترات او لابتوبات

[ابو عمرzizo]

بنتى إسراء نجحت فى الشهادة الابتدائية وحصلت على المركز الأول بالمدرسة بنسبة98% فى ادارة شرق بالأسكندرية ولم يتم عمل أى تكريم لها سواء من المدرسة او الأدارة التعليمية حتى الان فهل يتم تكريم أوائل المدارس ومنحهم جوائز ام لا ارجو الافادة من ذوى الخبرة بهذا المنتدى الرائع ولكم وافر الاحترام وخالص الشكر.

[hananabdelwahab]

سيدى الفاضل انا ابنى حاليا فى الصف الثانى الاعدادى وكان الاول على مدرسته فى الصف السادس ولم يتم تكريمه الا من نقابة المعلمين بالسويس من حوالى الشهرين ولا شفنا كومبيوتر ولا غيره هى فقط شهادة استثمار فئة العشرون جنيه والحمد لله

[eveay]

انا دلوقتى فى اولى ثانوى لكن لما كنت فى ابتدائى طلعت الاولى على المدرسة وخدت لاب توب وفلاشة فودافون بس مش عارفة هل التكريم استمر بعد كده ولا لأ
بس حضرتك لازم تروح تستفسر لأنى خدت الهدية دى وانا فى نهاية اولى اعدادى

[ابو عمرzizo]

شكرا لكم جميعا على ردودكم وافادتكم فى هذا الموضوع

[mahmod1964]

انا دلوقتي في اولي ثانوي واخذت لاب توب في سنة سادسة لما طلعت الاولي وعلي حد علمي اخدت الدفعة اللي بعدينا وبطلوا بعد كده قالوا كانت معونة وانتهت وبعدين سيبك منهم اجهزتهم تعبانه لانها صيني ردئ جدا كرم بنتك بمعرفتك هي البلد في ايه ولا في ايه

[princess of dark]

انا السنة دى فى اولى اعدادى والسنة اللى فاتت طلعت الاولى على مدرستى(مدرسة شباب المستقبل) الصباحية بمجموع98.9فى المائة فى ادارة العامرية بلاسكندرية وما اتكرمتش ولا حاجة ولا اخدت اى جوايز. يا ريت تسالولى وتسالوا لكل الاوائل علشان بجد النجاح ما جالناش على طبق من فضة!!!!!

[عادل مروان]

الموضوع انتهي من عام دراسي 2008/2009 وكان بقرار من رئيس مجلس الوزراء احمد نظيف سابقا

[ArabianPDA]

المشاركة الأصلية كتبت بواسطة ابو عمرzizo

بنتى إسراء نجحت فى الشهادة الابتدائية وحصلت على المركز الأول بالمدرسة بنسبة98% فى ادارة شرق بالأسكندرية ولم يتم عمل أى تكريم لها سواء من المدرسة او الأدارة التعليمية حتى الان فهل يتم تكريم أوائل المدارس ومنحهم جوائز ام لا ارجو الافادة من ذوى الخبرة بهذا المنتدى الرائع ولكم وافر الاحترام وخالص الشكر.

انا ليا اختي الصغيره في6 ابتدائي جابت 100%
ومخدتش قلم فرنساوي حتي

هما قالوا ان هيدوهم لاب بس مشفناش حاجه خالص

[game boy]

ان شاء الله يرجع النظام تانى وكمان حرام اوى ان الاوائل ما يخدوش جوايز عشان يشجعوهم حتى

[مصطفى سيد تميم]

انا كنت ضمن اخر دفعة اخدت اللابتوبات وبعدين هى فعلا من نوع ردىء

بس اخدته بعد عناء شديد من الشكاوى والفاكسات

[اميرة 71]

انا بنتى طلعت الاولى السنة الى فاتت على المرحلة الابتدائيه وكمان خدت مركز على المحافظة
ولا خدت اى حاجة انا جبت ليها كمبيوتر وكرمتها بنفسى وقالو انه احمد نظيف الى كان بيكرمهم من شركة ابنه والله اعلم

[طالبه للعلم]

المشاركة الأصلية كتبت بواسطة عادل مروان

الموضوع انتهي من عام دراسي 2008/2009 وكان بقرار من رئيس مجلس الوزراء احمد نظيف سابقا

تمام

[m_maher780]

انا دلوقتى فى 2 اعدادى و اطلعت الاول على مدرستى و قالوا هتاخد لابتوب و مخدتش حاجه

[samahabbass]

انا ابنى طلع الاول فى الابتدائية بمجموع 98% ولم ياخذ اللاب توب غير بعد امتحاناته فى ثانية اعدادى اى العام الماضى وعلى فكرة هى بتفرق من ادارة لاخرى .... عموما لا تفقدى الامل !!!!!!!!!! (ان الله لا يضيع اجر من احسن عملا).

[mostafa sayed10]

انا دلوقتي في تانية ثانوي وكنت طالع الاول علي مدرستي في سنة سنة بمجموع 98 % واخدت جهاز كمبيوتر عادي لكن والله شغال مش وحش وانا بهني بنت حضرتك وبقولها الف مبروك وبالنجاح ديما