|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
07-10-2011, 11:20 PM
|
|||
|
|||
~__~ مشكلة الفرنساوى ~__~
ازيكوا عاملين ايييييييه
بقولكوا ايه انا طبعا من النوع المهمل جداااااااا فى المذاكرة يعنى كنت متعود انى العب طول السنه وااجى فى الاخر اخلص المواد والموضوع كان بيعدى والحمد لله يعنى بس الوضع هنا يختلف يعنى الثانوية محتاجه مذاكرة على طوووووول ومستحيل الواحد يمشى بالنظام ده طبعا حتى الان عدى شهر وزياده فى الدروس وانا مكنتش لسه اتعود على انى اذاكر اول بأول المهم لقيت نفسى بضيع وقت كتييييييير وقلت مش هينفع كده فقلت لازم اعمل جدول اعمله وتانى يوم اقطعه واقول ابقى اذاكر اول بأول احسن ويبقى الحال كما هو عليه بس طبعا عملت لنفسى جدول وهمشى عليه من السبت او الاحد ان شاء الله المهم بقى ايه رأيكوا امشى على جدول ولالا علما انى عملت جدول لو مشيت عليه هبقى راضى عن نفسى وهكون بذاكر بضمير بجد يعنى فى اليوم مريح سااعتين غير الراحه بتاعه الدروس وطبعا انا مش بروح المدرسة خااااالص فهذاكر واراجع الماده كذا مرة فى الاسبوع وهيدينى وقت اذاكر النحو وكلمات الانجليزى الجديدة وكده المشكله بقى هى ماده الفرنساوى بنساها بسرعه اولا معايا كتاب جينيال ومذكرة استاذ وبرافو وميرسى قواعد وبرافو مراجعه ومع ذلك مستوايا فيه وحش جداااااا وماده تقيله على قلبى جااااااااامد ومع ذلك فيه طلااااااب كتييييييير مستواهم عااااااادى وبيجيبوا 50 انا بقى مش عارف احضر الحصه بتاعه المستر وبع كده اذاكر من جينيال واحل مع نفسى......واطنش المستر ولا اذاكر وراه فى المذكرة واحفظها صم زى ما غيرى عملوا وبيعملوا وبيجيبوا درجااات عاااااليه ؟؟؟؟؟ بس انا مش بحب المذكرات ؟؟؟ اعمل اييه قولولى امشى فيها ايييييه؟؟؟؟؟ سؤالى بقى لبتوع 2 ثانوى وصلتوا لغايه فين فى المناهج لانى حااااااسس اننا متأخرين جااااااامد وشكراااااا |
|
#3
08-10-2011, 01:57 AM
|
|||
|
|||
مش عارف أية المشكلة بردك
الفرنساوى كل الى فيه حفظ كلمات الدروس و الأفعال الشاذة غير كدة القواعد تافهة جداً ( مادام حافظ الشاذ ) الى يديهولك الأستاذ فى الحصة تذاكره و قفل على كدة و ارمى جينيال و برافو و كل الكلام دةخ ليك مع الأستاذ و بس لا تحضير ولا تسبق المدرس ولا حاجة المدرس عارف بيديلك أية فى الحصة الواحدة بحيث أنك تقدر تستوعبه واحدة واحدة محدش بيجرى وراك خد وقتك فى كل مواد و أهم حاجةتحفظ الفرنساوى كتابةي عنى الكلمة ماتتحفظش شفوى .. لا بورقة و قلم و كل يوم تسمع كلمات الدرس بحيث تضع ورقة فاضية على الكلام الفرنساوى و تسيب الترجمة العربية واضحة و سمع بقى و بعدها شوف الاخطاء فى أية و عيد حفظهم تانى و على العموم أنا 2 ثانوى و مخلص لحد دلوقتى أول نصين فى العربى و أول درس قراءة و أول درس نحو و معظم المحسنات البديعية و الإطناب و أول فصلين فى القصة رياضة 1 أول واحد فى التفاضل + أول درس فى الوحدة الثانية الفرنساوى أول وحدتين و معظم الوحدة الثالثة الإنجليزى 5 وحدات و 3 فصول فى القصة الأحياء أول 3 فصول و برضة لتانى مرة خد وقتك عادى جداً كدة كدة المناهج هاتخلص و الله أياً كان المعاد الى بدأت فيه ماتقلقش يعنى |
|
#4
08-10-2011, 08:08 AM
|
||||
|
||||
|
بص هو انا مكنتش زيك كده فى الاول........انا كنت داخلة بقى متحمسة و افوت فى الحديد و كده
بس مع الوقت....ابتديت اتخنق من الضغط بتاع الدروس عشان انا طول عمرى معتمدة على نفسى ... بس كله اقنعنى ان مفيش ثانوية عامة من غير دروس وانا والله كنت بعمل زيك كده طول عمرى حتى الثانوية العمة(محدش يعمل زى... دى قدرات) كنت طول السنة كمبيوتر ونت وتليفزيون بس اخر شهرين.........كنت بنسى الكمبيوتر ده بيتفتح ازاى...... يعنى انا كنت بعرف الم نفسى كويس.دى قدراااات..دا اولا ثانيا.........انا مكنتش بعمل جدول للمذاكرة بصراحة لان ساعات بتيجى اولويات مذاكرة لبعض المواد...فيها امتحان.... درس غلس مش فاهماه يطول معايا...وانا الحفظ.....انا بحفظ كويس جدا جدا الحمد لله ومش بنسى بسرعة بس باخد وقت ماهووووووووووول عشان احفظ..... فا حسب الجزء اللى انا بذاكره طويل ولا قصير ....بس انت بتقول ان ده هيريحك لو عملت جدول....فا الانسب ليك اعمله.....لان زى ما قولت دى قدراااااااات ثالثا....مشكلة الفرنساوى انا بقول مشكلة الفرنساوى او اى مادة لغة تانية يعانى منها طالب فى 2 ثانوى........هى مشكلة مدرس اولى ثانوى لانه مش اسس الطالب صح....اداله اللى عنده فى المنهج وخلاص....وقال فى 2 ثانوى هبقى اديله الباقى....لا بس انا كنت بحب الفرنساوى واللغات عموما المهم......انا اسفة كلام حضرتك غلط فى حكاية انك تسيب الاستاذ بتاعك عايزة اقولك حاجة....امتحان الفرنساوى امتحان تقليدى جدا جدا....كل المدرسين بيبقوا عارفين نظام الامتحان ازاى انا استاذ الفرنساوى بتاعى كنت كل حصة بتخانق معاه واقوله يا مستر اصحابى بياخدوا حاجات احنا ماخدنهاش ..مسابقينا فى المنهج..يا مستر يا مستر ......اصحابى اصحابى اصحابى.......... بس انا كنت غبية.....وعرفت فى الاخر ان الاستاذ بتاعى كان بيدينى المختصر المفيد اللى يخلينى متفوقة فى المادة ومحتجش لكتب خارجية...مع انى كان عندى برافو.....والله ما كنت بفتحه الا فين وفين ولما الاستاذ يقول كمان....رغم انى كنت لسه بقول اصحابى بياخدوا حاجات مكنتش باخدها يعنى المفروض افتحه من نفسى بس لا.....لانها بتزود حاجاااااات كتيييير احنا مش محتاجنها ولا بتيجى فى الامتحان فا كنت باللى الاستاذ بيديهولى وخلاص....وكنت كذا مرة عايزة اغيره وكنا متاخرين فى المنهج والدنيا بايظة....بس فى الاخر لمنا كويس جدا جدا وحلينا معاه اصعب الامتحانات ووالله ما لقيت حرف مش موجود عندنا..... وانا عن نفسى والله العظيم وعلى استعداد تام اكتبلك مذكرة الفرنساوى بتاعتى كلها هنا........وانا واثقة 10000000% ان الامتحان مش هيخرج منها باذن الله بس اكبر غلط انك تسيب المدرس بتاعك ومعلش اعمل زى اصحابك دول اللى بيصموا المذكرات عشان هى المادة 70% حفظ و 30% فهم وعايزة تركيز كمان شد حيلك فى الاول عشان الفرنساوى للاسف بيتعقد فى الاخر..........اللى فى الاول مرتبط بالاخر الفرنساوى حله بيتم بالخطوات وبالتوفيق ان شاء الله |
|
#5
08-10-2011, 10:51 AM
|
|||
|
|||
|
اقتباس:
بس ايه شكلنا متأخرين جااااااامد فى الانجليزى احنا لسه فى الوحده التانية وفصلين قصه |
|
#6
08-10-2011, 10:53 AM
|
|||
|
|||
|
اقتباس:
شكرا جـــــــــــــــــدا لحضرتك وربنا يوفقك |
|
#8
10-10-2011, 01:20 AM
|
||||
|
||||
|
فرنساوى فرنساوى فرنساوى فرنساوى فرنساوى فرنساوى فرنساوى فرنساوى فرنساوى ............. اهئ اهئ اهئ اهئ اهئ اهئ اهئ اهئ اهئ
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
|
#10
11-10-2011, 12:29 AM
|
||||
|
||||
|
بالنسبة للمنهج فاحنا مش متقدمين اوى يعنى و عامة متقلقش كل المدرسين بيخلصوا منهجهم بدرى
بالنسبة للفرنساوى فبرضه عندى نفس المشكلة بس انا بقة نفسى اذاكر فرنساوى بس محتار اذاكره منين و المه ازاى بحيث مخليش اى معلومة مهمة تفيدنى و المشكلة ان الاستاذ بتاعى بيدى حاجات صغيرة اوى و مختصرة جدا جدا جدا و بيسيب حاجات كتير اوى بتكون موجودة فى الكتب الخارجية و ميشرحهاش انا فى الاول عملتها تحدى و قلت اذاكر انا من الكتب الخارجية و اريح نفسى بس لقيتها محتاجة مجهود جامد مع العلم انى عندى ميرسى و برافو و المعاصر فحاليا قررت اغير المدرس و اشوف غيره لانى بحب الفرنساوى جدا و مش مستعد اننا اجيب فيه درجة وحشة باذن الله ربنا يوفقك و تحل مشاكلك فى اقرب وقت |
|
#11
11-10-2011, 01:11 AM
|
|||
|
|||
|
اقتباس:
بالنسبة للفرنساوى هات ورق وامسك قلمك واكتب كل كلمة وعلى صوتك وانتا بتنطق الكلمة انا عارف انه صعب بس حاول واكتب كتير وكله بالكتابة بيثبت
__________________
لو كانت الثانوية رجلا ً لقتلته
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:41 PM.
