مسلمة و اسراء

[بنت أزهرية]

اسراء : ازيك يامسلمة
مسلمه : الحمد لله بخير يا اسرء انتى ايه اخبارك ؟

اسراء : الحمد لله
مسلمة : الله يا اسراء البرفان بتاعك دا تحفه اوووووووى !
مسلمة : اسمه ايه ؟!

اسراء : دى علبته شوفيه كدا

"وطبعا مبسوطة عشان مسلمة اعجبت بالبرفيوم

مسلمة : هو انتى ياحبيبتى متعرفيش حكم وضع العطور ؟
قال رسول الله صلّ الله عليه وسلم
" أَيُّما امُرَأَةٍ اسْتَعْطَرَتْ ، فَمَرَّتْ بِقَوْمٍ لِيجِدُوا رِيحَها ، فهي زانِيةُ "


اسراء : لأ عارفه يامسلمة !!
مسلمة : عارفه !!!
" مسلمة اذهلها الرد بجد

اسراء : اصلى لسه حاطه حالا
مسلمة : طيب ياحبيبتى ليه تحطى ليه تاخدى ذنب واحد يشم ريحتك
وكمان انتى عارفه حكم من تخرج من بيتها مستعطرة ودى حجه عليكى يوم القيامة
انك عارفه الغلط وبتعمليه

اسراء : طيب وفيها ايه يعنى يا مسلمة ما كل البنات بتعمل كدا جت عليا يعنى
ولا عايزة تعملى عليا ست الشيخه ؟!

مسلمة : يا حبيبتى انا ولا شيخه ولا حاجة انا بحاول انصحك
احنا بنات زى بعض واخوه فى الدين
ومش عشان الاقى حد بيعمل الغلط اقلده تقليد اعمى
فين مخى اللى ربنا رزقنى بيه عشان اميز بين الصح والغلط ؟

عشان شويه برفان اخد ذنب الزنى
يااااااااااااااااه ما ابشعه ذنب
ربنا يطهرنا من كل ذنب ياااااااااااااااااااارب

انا مش هفول رد اسراء على كلام مسلمة

انا هسيب الرد ليكى انتى
ايوه انتى اللى عارفه الغلط فين وبتعمليه
اللى مش همك غير جمال زائل
وكلمة من صاحبه مش بتقولك فين الصح وفين الغلط

دى مش صاحبه تفتخرى بيها
نفسك ربنا يجمعكم تحت ظله يوم لا ظل فيه الا ظله

وكمان كلمه صغيره عايزة اقولها
مسلمة لما قالتلها البرفيوم عجبها مش معنى كدا انها موافقه

لا دى كانت بتحاول تتكلم بهدوء وتوصل نصيحتها

وهيا بتفتخر لما حد يقولها ست الشيخه

عشان بتحاول تنصح غيرها
تعالوا كلنا نعمل زى مسلمة

ولما نلقى الغلط نتكلم بهدوء وبطريقه تشجع اللى قدمنا على الالتزام :