|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
01-12-2011, 05:03 PM
|
||||
|
||||
هذة الموضوع منقول على لسان زوجت ظابط ايوة انا مرات ظابط شرطه وبنت ظابط شرطه
ايوة انا مرات ظابط شرطه وبنت ظابط شرطه
ايوه انا مرات ظابط شرطه ايوه انا جوزى ظابط ايوه انا اللى جوزى بتقولو بياكلنى حرام وهوه المصلى الصائم الذاكر لله كثيرا ايوه انا اللى جوزى بتقولو هرب وساب البلد للبلطجيه و انا يوم 25 و 26 و 27 و 28 ولا شوفته و لما كان الموبايل يجمع مره كنت اسمع صوت رصاص حوليه وهوه بيصرخ ويقولى انا لوحدى محدش بيرد عليا مش عارف اروح فين انا اللى جوزى من يوم 28 لحد انهرده و هوه جواه حاجه مكسوره وحاسس انه مش قادر يعمل اللى عليه وهوه اللى كان بيحلفلى ايام الخطوبه انه دخل شرطه عشان نفسه يحمى الضعيف والمظلوم ايوه انا اللى لما بحكى لجوزى عن اللى بشوفه و ان الشرطه سيبه البلطجيه يقولى طيب مهو لو ضربه ممكن يقولو عليه قتل شهيد ولو سابه هيقولو انفلات وبسمع حماتى تقوله ملكش دعوه بحد اوعى تضرب نار على حد اوعى يبعتوك كمين وتروح !!!! واعد بسأل نفسى امال مين اللى يروح؟؟ بذمتكو انتو لو مكانى ولا مكان حماتى مين اللى يروح؟؟؟؟ طب اقولكو على حاجه انا بشترى لجوزى هدوم عشان مش فاضى فبسأل البياع هوه فى مقاس كذه قاللى لأ بس ده كويس طيب هاتى جوزك يقيسو قولتلو مش فاضى قاللى وليه بيشتغل ايه قولتو ظابط قاللى شرطه ولا جيش قولتلو شرطه قالى : شرطه دول لسه ياما هيشوفو ايام سوده وايامهم لسه جايه وراح ضاحك انا بقيت اقوله ليه بس كده لا حول ولا قوه الا بالله ايوه انا ابويا ظابط شرطه ومتجوزتش ظابط عشان الظباط بيتجوزو بعض والكلام الهبل اللى مش عارفه جاى منين ده ( مامته شافتنى وكلمتنى وعرفت ان بابا ظابط بعد كده) انا اللى ديما يتقال عليا بدخل اى محل و امد ايدى اخد اللى عايزاه و مدفعش عشان انا بنت الباشا الظابط مع ان الباشا الظابط لسه لحد دلوقتى ساكن فى ايجار و ايجار جديد كمان و عربيته لادا بقالها 20 سنه. ايوه انا اللى كنت بشوف العيال البشوات ولاد البشوات الظباط اصحاب بابا بيلبسو زى لبس عادى و مش كتير و فى ولاد بشوات تانين عندهم 100 طقم ولما كنت اسال بابا كان يقولى عشان باباكى شريف دول بيلبسوا حرام وبيكلو حرام مش زى بابا و عيب تقولى باباهم ظابط زى بابا ايوه انا اللى كنت بسمع شتيمة الظباط طول عمرى وانا مديه ضهرى للناس و اما اديهم وشى يتمحلسولى عشان عيزين كارت من بابا الباشا ايوه انا اللى كنت بركب عربية الشغل بتاعة بابا الباشا لما بقى عنده عربيه بتاعه الشغل وهوه عميد مش وهوه ملازم و كانت بتوصلنى اى مشوار بس بصراحه مش كل يوم و كنت كمان بركب عربيه الشغل بتاعة بابا نهى صحبتى الدكتور و مدير فى الصحه و عربية بابا مروه صحبتى التانيه اللى باباها مهندس فى المحافظه و عربية الشغل بتاعة بابا منى كمان اللى باباها بقى كان مهندس رى و عربية الشغل بتاعته بتبقى عربية بيجبها مقاول ماسك عملية و العربيه مكتوبه فى العقد بند رسمى للمهندس بس مش لعيلة المهندس و بنته و صاحبتها بس كنت بركب و كتر خيرهم بيوصلونى. ايوه انا اللى مبشوفش بابايا الباشا عشان بينزل الساعه 8 ويرجع 4 ينام وينزل تانى 8 ويرجع الساعه 1 بليل ده لو مكنش عنده حمله ولا كمين ولا اى بلوى من البلاوى الزرقه ايوه والله والله كنت بطلب اى طلب وكنت بسمع عادى زى اى اب لما بيقول استنو الشهر الجاى سبحان الله الباشا بيقول استنو الشهر الجاى انا اللى باكل و بشرب و بعيا وبتعالج وبدفع تمن كل ده من الرساله القومية والواجب الوطنى اصل العادلى كان بيطلع يقول انا مش عايز زياده مرتبات عشان شغلنا ده رساله و واجب وطنى ايوه انا اللى بموت من القلق على الباشا ايام الإرهاب و كل الفصل بينام فى حضن ابوه ايوه انا مع قانون الطوارئ تخيلوا بقى عشان انا علاقتى بيه ان ده القانون اللى بيصلح العجز فى قانون الشرطه تخيلو !!!! طب ميصلحو قانون الشرطه و يولعو فى قانون الزفت الطوارئ بس ازاى لازم قانون الشرطه يبقى مايل و معوج عشان الظباط تصرخ وتقول خلو قانون الطوارئ ( المواطن لو ضرب ظابط عادى جدا يبقى اعتداء على موظف حتى لو المواطن ده تاجر سلاح ولا مخدرات و الظابط بيقبض عليه فى حين لو المواطن ضرب وكيل نيابه يتعرض على النيابه وياخد حبس فى استمرار و يتلع عين امه حتى لو المواطن سواق تاكسى ووكيل النيابه مش عجباه الأجره المطلوبه ) انا اللى بابايا بيقف بره لجنه الإنتخابات و لو مسمحش بالتزوير بره يجيبولو بلطجيه تهجم و القيادات تبهدله و مره والله والله خد الصندوق فى حضنه وينادى على مديرية الأمن فى جهاز اللاسلكى ولا حد بيعبره انا اللى سألت بابا هوه ليه بتقولو لبعض يا باشا ضحك وقالى انا عارف اهم الدكاتره بيقولو يا دكتور والمهندسين يا باشمهندس والمدرسين يا استاذ واحنا بيقولو عندنا يا باشا هيه الناس بتقولنا كده يظهر ده لقب انا اللى بسمع دلوقتى ان العداله جناحين القاضى والمحامى ونسوا ان العداله عشان تتنفذ عايزه ظابط ايوه انا اللى بسمع الدعاء على الظباط ربنا ينتقم منهم وانهم ناس ..... كلهم و مفيش استثناء انا اللى نفسى ربنا يرزقنى بعيل بس هجيبو منين ربنا عرفوه بالعقل وجوزى طول الشهر خدمات ومأموريات انا اللى بشوف اصحابى على الفيس بوك بيتريقو على الضباط و بيدعو عليهم وعلى عيالهم و اسمع نكت من نوع سألو العيسوى ايه رأيك فى رجال الشرطه اللى بيضربو المتظهرين قال كدب مفيش فى الشرطه رجاله لأ فيه رجاله ورجاله اوى بس صوتهم ضايع فيكى يا مصر حسبنا الله ونعم الوكيل انا مش عارفه هيه الناس بقت عامله كده ليه ادخولو هاجمونى يالا مش هتبقى جديده انا بس تعبانه اوووى اوووى وقلت اتكلم وافضفض ما انا قاعده من غير جوزى اللى واقف قدام المركز بقاله 3 ايام ومبقتش حاجه جديده خلاص مش طالبه من حد انه يتعاطف مع الظباط مثلا لان انا عارفه ان فى منهم ناس بجد ربنا ينتقم منهم بس نفسى اصحى الاقى مصر جديده بناس بتفكر صح و مش بتاخد حد بذنب حد كده والسلام منقول http://forums.fatakat.com/thread2242130
__________________
|
|
#2
01-12-2011, 06:03 PM
|
||||
|
||||
ياجماعة انا عايز الكل يقول رأيو فى الموضوع والتفاعل بعد اذنكو فى الموضوع المنقول دة
__________________
|
|
#3
01-12-2011, 06:07 PM
|
|||
|
|||
|
أختى كل مهنة فيها الشريف وفيها الحرامى الصادق والكاذب
الذى يخاف الله والذى لا يخاف احدا وفيه ناس كتير محترمين هى البلد فوضى الان وربنا يسترها ان شاء الله والبلد من غير الششرطة خراب وبلطجة ان شاء الله مصر هتعدى من المحنة دى اشد واقوى
|
|
#4
01-12-2011, 06:16 PM
|
||||
|
||||
|
اقتباس:
__________________
|
|
#5
02-12-2011, 08:57 AM
|
||||
|
||||
|
للاسف النزاهه والشرف في الداخلية نقطه بيضاء في محيط اسود
|
|
#6
02-12-2011, 03:07 PM
|
||||
|
||||
|
مش كل رجال الشرطة خونة و ميستحقوش الحياة.........
بس فى رجال شرطة شرفاء.......يتشالوا فوق الراس.....
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#7
02-12-2011, 05:12 PM
|
||||
|
||||
|
بص يا سيدى كل شى فيه الشريف والمخلص والحرامى
ومش كل جهاز الشرطة فاسد بالعكس فى ناس شرفاء يستحقوا كل الشكر والتقدير بس معظم اللى قابلتهم من الشرطة فاسدين ويستحقوا العقاب وطبعا كلنا شفنا شباب الثورة والضرب اللى حصلهم فمش معقول انو الشرطة كلها صالحة ولا كلها فاسدة وشكرا لك وده رايى الشخصى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:47 AM.
