|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
18-12-2011, 09:35 PM
|
|||
|
|||
مشكلة
ياجماعة انا عندى مشكلة جامدة اوى ومحتاجة حد يساعدنى بجد لو سمحتم انا فى تانية ثانوى علمى علوم يعنى دايما امتحانات واسئلة وكدة يعنى بس لما بحل اى امتحان فى اى مادة من الامتحانات اللى المدرسين بيعملوها لو نقصت لو حتى نص درجة بيجيلى حالة احباط جامدة اوووووووووى وببقى حاسة انى مش هنفع احقق حلمى ومش هدخل الكلية اللى انا عايزاهه وبفضل على الحالى دة مدة بعد كدة ومش بيبقى عندى نفس حتى انى اذاكر مش المادة اللى انا نقصت فيها لا دة كل المواد وببقى مستسلمة جامد اوووى وبيجيلى حالة كسل رهيبة وكمان انا حماسى للمذكرة قل جدا من بداية السنة يعنى انا الول مابدأت كنت مقضياها دح فى كل المواد دلوقتى حماسى قل جدا ياريت ياجماعة بجد تساعدونى لانى بجد تعبانة اوووى من المشكلة دى 
|
|
#2
19-12-2011, 12:15 AM
|
|||
|
|||
ع فكره كلو بيتكلم ف موضوع ان الحماس قل ووكده وانا من الناس دى طبعا وحالتى النفسيه زى الزفت لانى حاسس انى مقصر بس ابتديت احس انو عادى يعنى عشان نص السنه وكده بس لما نخلص المناهج هنبتدى نذاكر كويس بقا وبالنسبه للامتحانات اصلا طالب ثانويه عامه (المفروض) ميقفلش اى ماده ف عادى تتعدل ف الامتحان الجاى
|
|
#3
19-12-2011, 12:38 PM
|
|||
|
|||
|
لالا الكلام ده مش هينفع خالص انتى كده هضيعى السنه ومش هينفع كده المدرسين عادة بيجيبو اسئله صعبه وجديده عليكى فى االامتحانات دى اومال الامتحانات دى لازمتها ايه ماهى بتتعمل عشان كده ودى حاجه كويسه ومفيده جدا ومش مهم انك تغلطى فى حاجه دلوقت المهم اخر السنه وبعدين انتى لما تغلطى فى حاجه وخصوصا فى الامتحانات دى مش بتنسيها وكل واحد بيجى عليه فتره ويحس كده بس شويه وبيرجع تانى ما كان ويمكن احسن كمان وفعلا لما المناهج تخلص وتراجعوها هتبقى حاجه جميله خالص وبتبقى حاجه جميله بالنسبالك وبتحسى بمتعه بجد
الامتحانات دى بتعرفك على انواع من الاسئله او الاسئله بصيغ مختلفه وكمان تتعودى شويه على جو الامتحان وبتعرفك الاجزاء اللى محتاجه مذاكره اكتر منك وتخليكى تركزى عليها انتى طبعا عارفه الكلام ده فحاولى تخلى ثقتك بنفسك جامده شويه ووالله اللى انتى فيه حصل مع ناس كتير وضرهم ومنفعهمش فى حاجه فلازم يبقى عندك قوة تحمل شويه والثانويه دى عايزه قوة تحمل وصبر واهم حاجه اللا مبالاه انك متخديش كل حاجه على اعصابك الثانويه دى عايزه ناس بارده من الاخر يعنى المهم حاولى تخرجى من الحاله دى بالصلاه وقراءة القران كتير وكمان محتاجه حد يشجعك كل فتره ويديكى امل وربنا معاكى وخلى دايما فى اعتبارك ان الله لا يضيع اجر من احسن عملا فانتى اعملى اللى عليكى والباقى سيبيه على ربنا وانك تنقصى ده طبيعى المهم اخر السنه يا ستى وربنا يوفقك ان شاء الله وتجيبى المجموع اللى تتمنيه وتدخلى الكليه اللى نفسك فيها ان شاء الله وربنا معانا كلنا ويوفق الجميع ان شاء الله
|
|
#4
19-12-2011, 01:56 PM
|
||||
|
||||
|
اقتباس:
وكمان بتثبتلك المعلومة اكتر واكتر يعني من الاخر كدة لما تدخلي اي امتحان في اي مادة دلوقتي وتغلطي فيه وتتعلمي من غلطك احسن من انك تغلطي اخر سنة ....... وحاولي تتخلصي من حالة الاحباط دي وطلعي الافكار دي من دماغك طيب بالعكس انتي لما تغلطي دلوقتي احسن زي ما اقلتلك وحاولي انك تجمعي الامتحانات دي في كشكول ( كل مادة كشكول ) وجنب كل امتحان تكتبي الفكرة بتعته او السؤال الي حليته غلط ورجعيها من فترة لفترة عشان متغلطيش في الجزئية دي تاني....... وربنا يوفقك
__________________
 اللى انت شايف ..ان عمره ما يتعمل قوم اعمله و اللى انت فاكر .. انه عمره ما ينصفك .. ولا يكتمِل .. قوم كمّله نقّى الأمل .. من بين وشوش الناس .. فى أول السنة و اجمع بواقى الصبر فيك .. بعيون تكون متطمنة و انده على الأحلام هنا انسى اللى كان خد فرصتك .. و ابدأ بداية تحدفك ..أبعد مكان ! و ارمى الحمول على ربنا  و ادعيه ينور سكتك ..
|
|
#5
19-12-2011, 05:19 PM
|
||||
|
||||
|
اقتباس:
__________________
 احب الاجتهاديا رب اجعلنى من المتفوقات دائما
|
|
#6
19-12-2011, 08:09 PM
|
||||
|
||||
|
حاولي تجددي طريقة مذاكرتك
جربي تذاكري بشكل تاني يعني جربي تضيفي رسومات في ورق خارجي لكل حاجة بتذاكريها يعني جربي تستمتعي بالمذاكرة بطريقة او بأخري و حطي في دماغك ان امتحانات الدروس ملهاش دعوة بأمتحان اخر السنة ...ياما ناس تفوقت في الدروس و فشلت اخر السنة و برضه ياما ناس فشلت في الدروس و تفوقت اخر السنة .... حاولي تكسبي الاتنين في سبيل الاطمئنان علي مستقبلك و ربنا يوفقك
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:42 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
