ادخل وشارك

[نسمة الدنيا]

السلام عليكم ورحمة الله وبركاته

في البداية أحب ارحب بالزملاء اللي في المنتدي

لاني غبت فترة طويلة عن المنتدي ومكنتش بدخل...

هتقولوا اني من كتر المذاكرة مبدخلش بس ياريت.. انا كنت مقضياها نوم

لغاية ماصحيت ولقيت نفسي في أواخر 12 وكلها اسبوع ويبتدي واحد والحال ما هو عليه

حاسة بالكسل والخمول وسبحان الله افتح الكتاب ويحصلي تنويم مغناطيسي زي ما يكون حد داعي عليا

والله ما انا عارفة دي شوطة صابت الكل في ثانوي ولا ايه؟

أجي اكلم حد عن المذاكرة واللي بيحصلي بيقولي نفس النظام

ويوم ورا يوم وشهر ورا شهر يعدوا في الهوا وفي الاخر نلاقي نفسنا في زنقة ما يعلم بيها الا ربنا....الامتحاااااااانات

بس خلااااااااااااص يا جماعة كفاية كده لازم نذاكر وانا عارفة اننا لو لحقنا نفسنا دلوقتي ان شاء الله هنجيب المجموع اللي عوزينه

بس انا عاوزة استفسر عالسريع من ذوي الخبرات اللي هنا مثلا عندنا مادة زي الانجلش والفرنساوي طبعا القواعد سهلة وحفظ الكلمات كمان لكن بعد مانحل في الملخص عن كل وحدة ودرس لما نيجي نراجع من اول المادة نراجعها ازاي وكمان انا عاوزة اسال عن احسن ملخص في الانجلش لاني من الصعب الواحد يعتمد علي المدرس بتاعه بس عشان يحصل علي الدرجة النهائية انا عندي سربرايز وتوب ستيودنت

نيجي بعدين للرياضة انا المدرس عندي فيه فكر في المسائل مش بيجبهالنا وبيقول دي مش مسائل امتحانات واغلب المدرسين عندنا كده بس في نفس الوقت خايفة تيجي مسالة منهم فالافضل اني احل في اي ملخص؟ انا عندي المعاصر بس المشكلة فيه مسائل للطلبة الفائقين كلها معقدة هل المسائل دي ممكن تيجي في الامتحانات ولا لا؟ لان المدرس عندنا مش بيدربنا عليها نهائيا

ودلوقتي جينا لختام موضوعنا...وبدل ما قريت الموضوع الموضوع كامل يبقي الافضل انك تشارك ولاهههه

والسلام عليكم