|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
|
|
أدوات الموضوع | انواع عرض الموضوع |
|
#1
24-12-2011, 12:59 PM
|
|||
|
|||
خبرة ترمين فى الاعدادية
السلام عليكم ورحمة الله وبركاته
اولا الفكرة منقولة من خبرة سنتين فى الثانويى أنا قلت بما اني خبرة ترمين فى الاعدادية اقلكم المشاكل اللي ممكن تواجهكم وكيفية حالها بصراحة هحاول اجمع اكبر قدر من المشاكل وان شاء الله ربنا يوفقكم وتدخلوا كلكم الثانوية العامة باعلى الدرجات اول حاجة لازم الطالب يعملها انه يكون صادق مع نفسه مفيش دلوقتي ولا بابا ولا ماما ولا حد هيقولك انت كان مفروض ويلومك لا انت هتقعد مع نفسك وتسأل نفسك: انت مقصر؟(الاجابة بصراحة) وكل واحد عارف نفسه كويس لو قلت: لا .. كويس كمل في طريق وان شاء الله ربنا معاك لو قلت : اه... كمل الموضوع وربنا معاك  الهدف فيه ناس كثير في الاعدادية مش عارفين يحددوا هدفهم ... مرة ثانوى عام مرة صنايع مرة مدرسة المتفوقين مش عارفين ...! لا طبعا لازم يكون عندك هدف انت دلوقتي مسلم (ة) دينك طبعا ليه حقوق عليك اكيد محتاج طبيب مسلم يرفع راية الاسلام محتاج مهندس مسلم مدرس مسلم يعلم أطفال العالم مش المسلمين بس يعني ايه اسلام يبقي هدفنا كلنا هي نصرة الاسلام التعبير عن الاسلام في صورة مشرفة في صورته الحقيقية الجميلة اللي هو دا طبيعته أصلا ايه هو هدف من المذاكرة والتفوق ان شوف ناس مسلمه متميزة دايما نسمع لما حد فيكم ان شاء الله يبقي من اوائل المحافظة ويسألوه :: كان ايه هدفك من المذاكرة يقول(بكل فخر كدا):: انا باحب ديني ونفسي امثله :::::::::::: أنا فاشل أانا فاشلة مش هلحق ومش هعمل !الترم خلاص هيخلص ناس كثيرة دلوقتي بتقول يالهوي 4 شهور(ترم) بس عشان كل الكتب ديه وتعيط انا فاشل(ة) هعمل ايه مش هقدر اجيب مجموع بكل بساطة المشوار ادامكم ومش تيأسوا بجد لو ذكرتكم من دلوقتي اضمن لكم اوائل المحافظة (ان شاء الله) الاول كمان  أيوة ياجماعة ركزوا بس وانا هقولكم ازاي؟! يجب متفقين ان مفيش يأس ولا حاجة يبقي عندنا أمل وعمر ومحمد ومريم  ::::::::::::::::: طيب بقي هنذاكر ازاي مش بقدر استغني عن التليفزيون والكمبيوترواللعب في الشارع(بالنسبة للأولاد) والكلام مع صاحباتي في التليفون والرغي(البنات)بصوا ياجماعة لازم تفهموا حاجة كويسة أوي الاعدادية دي مش مووت ولا اخر الدنيا دي زي اي سنة انا بقلكم يعني انها مش صعبة وفي نفس الوقت مش محتاجة كل التوتر والعصابية دي خدوا الامور ببساطة وذكروا وفي وقت فراغك اعمل اللي انت عايزه ان شاء الله تلعب بلية ودماغة العالية حتي والبنات بقي صاحبتك دي مش هتيجي تمتحن بدالك يعني مش ليها لازمة كل الرغي دا وركزي ياقلبي اتلقيها بدح من وراكي وتعمل الحركات النص كم دي ::::::::::::::: نيجي للمذاكرة دا كان تمهيدي من قبل اي درس يبقي فيه تمهيد  انا بقي عملت كدا المكان طبعا مش تيجي في الاوضة اللي فيها التليفزيون وتقول اصل انا باحب اذاكر هنا وتقعد لهم بالمرصاد صاحب بالين كذاب وصاحب ثلاثة منافق وصاحب 4 (دي من عندي ) عديم الدم يعني اللي بيركز في اكثر من حاجة بيبقي كدا يبقي اللي يذاكر يذاكر في اوضة بعيد عن الصوت والصورة طبعا فيه بردو ناس بتحب تذاكر علي السرير يبقي عندهم مكتب وعندهم هواية المذاكرة علي السرير مفيش مانع بس بشرط لو انت عارف انك لما تذاكر علي السرير مش هتنام ذاكر اصل فيه ناس عندها هواية النوم اثناء المذاكرة فبتريح نفسها وتروح علي السرير علي طول هههههههههههههه  الصلاة كلنا لازم ناكل لو مش أكلنا هموت جسمنا بردوا محتاج الصلاة عشان يجدد روحنا يبقي اللي مش بيصلي يصلي زي الشاطر كدا ازاي ربنا هيسعدك وانت اصلا بتعصيه ! لانهم امرك بالصلاة وحضرتك مش نفذت الامر لازم تكون علاقتك بربنا كويسة جدا ..وتصلي في مواعيد الصلاة ومش تقول الصلاة ممكن تعطلني عن المذاكرة لو انت بتذاكر والاذان بيأذن سيب المذاكرة ورح صلي وقبل لما تذاكر تصلي ركعتين لله عشان ربنا ييسرلك الامور بجد هتحس براحة نفسية عجيبة وطاقة اعجب ::::::::::::::::::: قبل ما تذكروا كدا اقروا قرآن عشان ربنا يفتح عليكم وتبقي بداية خير سورة..... زي ما انت عايز ....................... أحسن أوقات للمذاكرة احسن مذاكرة بعد صلاة الفجر مخك يكون فاضي وهيستقبل حاجات مفيدة جدا بس طبعا ميفعش تصحي الفجر وتحط الكتب كلها ادامك وتقول حادي بادي  لا طبعا ... انت قبلها بتكون محدد هتذاكر ايه وهتعمل ايه وتكون عامل لنفسك جدول مذاكرة .... :::::::::::::::::::::::::::: جدول المذاكرة شرط اساسي ان تكون عندك تنظيم في الوقت من العملية عندك عايمة لازم لازم يكون فيه تنظيم الجدول ياجماعة لازم لا يتعدي 3 مواد بس ويفضل مادتين بس اللي عايز يذاكر 3 وشايف ان ممكن ينجز مفيش مشاكل يبقي اهم حاجة مثلا جدول كدا السبت والثلاثاء:: علوم وانجليزي الأحد والاربعاء: عربي ورياضة الاثنين والخميس :: دراسات بصوا بقي انتم هتعملوا الجدول ازاي ؟! انتم لازم تذاكروا المادة قبل ما يومها يجي دلوقتي النهاردة الاحد واخذت درس العربي ورياضة زي الجدول اللي فوق دا ووراك بكرهدراسات يجب هتذاكر دراسات وهتحل رياضة وهتقرأ العربي اللي انت أخذته بحيث انك يوم لما يجي اليوم اللي هتذاكر فيه العربي تكون عندك فكره عنده دي كانت بس بعرفكم الجدول بيتعمل ازاي عشان فيه ناس مش بتعرف تعمله! :::::::::::: طيب مش عارف اي حاجة في المواد مقصر في مادة في اثنين في 3 مفيش مشاكل ياجماعة مش تقلقوا نفسكوا حتي لو مقصر ومش تعرف حاجة في المواد كلها لو ذكرت من اول دلوقتي هتتفوق وتبقي من الاوائل كمان ::::::::::::::: الاستاذ خلص كل المادة ومش عارفين نعمل ايه؟! أكيد طبعا االاستاذ خلص يبقي هيراجع ابدأ معه اي مادة يقول هنراجع الدرس دا ذاكر الدرس اللي الاستاذ قال عليها وهات معه درس من الدروس القديمة ولو عملت كدا ان شاء الله هتتفوق وتبقي متميز المهم امشي علي المنهج دا وباذن الله خير! :::::::::::::::::::::: اليأس والاحباط اياك اياك والياس! طيب ياجماعة بالعقل كدا لو قعدنا نعيط علي اللي راح واللي جه واللي مش عارفة ايه دا هيعوض حاجة ! لا طبعا... ما لا يدرك كله لا يترك كله زي ما بيقولوا نص العمي ولا العمي كله اكيد نص العمي حتي لو باقي علي الامتحان يوم واحد ذاكر فيه ومش تيأس سبحان الله في أمرك ! ما يمكن تيجي من اللي انت ذاكرته .. :::::::::::::::::::: انتم دلوقتي لو فاتت حاجات كثير مش ذاكرتها اكيد بعد لما تيجي من اي درس هتريح مخك كدا نصف ساعة بس طبعا مش تقعد تتفرج ع فيلم وتقول بريح مخي كدا بتشتته يعني تتمشي في الشقة او تقف تشم شوية هوا وبعد كدا تذاكر اللي اخذته في الدرس او المدرسة وتعمل الواجب بعد ما تذاكر طبعا وتجيب حاجة من الدروس القديمة اللي فاتتك وتذاكر منها ع اقد ما تقدر ومش تقول **لا** دي دروس كثير مش هلحق اخلصها خلي عندك امل ولو ذكرت كل يوم حاجة من القديمة صدقني هتلحقها بجدارة ... ::::::::::::::::::::::::::::::::: انا مش بفهم انا بحفظ بس بصوا مفيش حاجة اسمها انا بفهم بس او بحفظ بس كل انسان عنده قدرة علي الفهم وقدرة علي الحفظ هقول للي بيقولوا انا بفهم بس انت مش بتحفظ القرآن الي جانب فهمه بس فيه حفظ ولا لا؟ وهقول للي بيحفظوا اشمعني فيه قصة لحد دلوقتي بتقول او حكاية او خبر انت حفظته ولا دخل قلبك علي طول بالفهم! يبقي كل واحد عنده مقدرة من الفهم ومقدرة من الحفظ وكل حاجة لازم تتفهم الاول وبالفهم هتجابها :::::::::::: طب اازاي بقي بصوا ياجماعة لما تيجوا تذاكروا هتمسكوا الدرس اللي عايزين تذاكروا وتقرأوه اول مرة كدا قراءة عابرة مش هتفهموا حاجة عادي هتجيبوا بالقلم الأحمر وتحددوا العنوانيين الرئيسية في الدرس ماشي وتشوفوا العنوانيين الفرعية وتحفظوا العنوانيين بس وتدخلوا بيها الامتحان هههههههههههههههه بهزر طبعا لا انتم هتحفظوا العنوانيين كويس زي مثلا لو الدرس بيتكلم عن فلسطين عنوان رئيسي فلسطين عربية عنوان فرعي لان اصل كنعان والخ........ ماشي فهمتوا وبعد كدا تقرأوا الدرس خمس مرات وتحلوا الاسئلة عليه بلاش اسلوب الدح والحفظ هيتعب دماغكم وخلاص :::::::::::::::: الأصدقاء الاصحاب بصوا نصيحة بجد لما تصاحبوا لتصاحبوا ناس في مستواك لاعلي من مستواك اوعوا اوعوا تصاحبوا ناس اقل منكم وتقولوا عشان يبقوا شاطرين مش وقته تبقي مصلح اجتماعي لا .. هو اللي هيشدك لتحت اما اللي اعلي منك هيأخذ معاه وتبقي متميز وهيساعدك ويفيدك ولازم تصاحب ناس مش خبيثة يعني مش تصاحب واحد بيقول مش بذاكر انا عارفة ان نسبة الاولاد اللي بيقولوا مش بنذاكر اقل من البنات لكن البنات تلاقي البنت واصحاب ويخبوا علي بعض ياريت ياجماعة مش تبقوا كدا اي حد يسأل قولوا الحمدلله احسن من اي حاجة بلاش سهر يعني لما تيجيوا تناموا الساعة 10 عشان تصحي 4 الفجر تذاكروا ومش تسهر لوقت متأخر ... اليوم كله مش يبقي مذاكرة خصصوا ساعة او حتي ساعتين حسب وقتك وومواعيد دروس انك تقرأ فيهم قصص لو بتحب المووضع دا او تلعب كورة المهم مش تستحلي الموضوع وتخلي الموضوع كله لعب كورة لازم يكون فيه نام :::::::::::::::::::::::::::::::::: يتبع فكرة العضوةتسابيح النجوم مشرفة القسم العام واللى عايز حاجة يسال 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 02:52 PM.
