تقوله يمين يقولك شمال !!!

[محمد مسعد شرابى]

اللهم أرنا الحق حقا وإرزقنا إتباعه
وأرنا الباطل باطلا وإرزقنا إجتنابه
_______________

واحد بيقول للتاني: إلحق!!! الواد سيد الكهربائي بيعاكس إختك فى الشارع
التاني: الواد سيد ده أصلاً مش كهربائي ولا عمره فهم حاجة فى الكهرباء..

ما سبق ليس نكتة،
ولكنه منطق السفهاء فى النقاش،
فهو يخرجك من صلب الموضوع الأساسي
الذي لا يستطيع مواجهته وتبريره
ويدخلك فى سخافات فرعية لا تنتهي

... ... تقول له لايجب تعرية وسحل النساء يقولك أبوها مربهاش
تقوله لأ دي طبيبة يقولك وإيه اللى وداها هناك
تقوله الجيش بيقتل المصريين يقولك طيب وحرب أكتوبر
تقوله الجيش بيتبول على المواطنين يقولك يستاهلوا دول بلطجية
تقوله الضرب إنتهاك لحقوق الإنسان يقولك أصل فيه مخطط لتقسيم مصر
تقوله عايزين ننقل الرئاسة لرئيس مدني، يقولك يعنى ندمر جيشنا؟
تقوله عايزين كرامة وحرية، يقولك البورصة خسرت عشرتاشر مليار

الناس دي لا يجب أن نضيع وقتنا معهم،
لأنهم مصممون مسبقاً على عدم الفهم
وفى أحيان كثيرة هم يفهمون كلامك
لكنهم أجبن من أن يدعموا الحق الصعب الوصول إليه وإختاروا الباطل السهل

ــــــــــــــــــــــــــــــــــــــــــــــــــ ــــــــــ
ألى متي سنظل صامتين
ــــــــــــــــــــــــــــــــــــــــــــــــــ ــــــــــ




يسقط حكم العسكر
No-SCAF


ملعون أبوك يا سكوت أنا حلمي مش هيموت
لو سلسلوا خطوتي أنا لسه فيا الصوت
لو كل يوم سحلوني وبظلمهم عروني
لو بالرصاص قتلوني مش هرضي ع السكوت
تلاتين سنة واكتر صابر ومستنظر
وبحايل الايام علشان في يوم أقدر
أقدر أقول الحق وأصرخ واقولها لأ
مسمار في نعشه أندق والشعب خط أحمر
قالوا لنا ياما زمان يا بخت اللي بات مظلوم
وقالوا اللي يعيش جبان هيموت كريم مستور

ملعون أبوك يا ذل لو كنت يوم الحل
ملعون أبوك يا خوف أنا لسة قادر أشوف
جايلك في ايدي الضي جايلك معايا ألوف
لو عيني صفوها وأحلامي حصروها
لو روحنا سرقوها واقفين لموتنا صفوف
أهين يا بلد العجب من ظلم حكامك
هو عليكي انكتب تشدي في حزامك
في أي شرع ودين دمي يسيل ع الارض
حبسوني في الزنازين هتكوا الحقوق والعرض
دوس علي الزناد نشن اضرب كمان واقتل
صدري اهو مفتوح لك ولسه أنا مكمل ولسه أنا مكمل

__________________________________________________ ________

هؤلاء هم الشهداء فأين البلطجية