الشهداء؟..خلاص بقى الحي ابقى من الميت

[محمد.فوكس]

سلام عليكم ..
الناس الي استفادت من الثورة و هي عمرها ما كانت مؤمنة بيها منطقها دلوقتي بعد الافلات الواضح لقتلة الشهداء هو ان الحي ابقى من الميت و ان الشهداء دول ماتو وخلاص هنعملهم ايه.
نعاقب الداخلية اللي هتحمي حكمنا عشان نرضي ناس ميتين؟
انما برضه لازم شوية كلام غزل في الشهداء عشان منبقاش فاقعين.
و كمان نقول على كل اللي بيدافع عن حق الشهداء انه بيتاجر بالشهداء.
حتى اهاليهم اللي قلوبهم محروقة عليهم ممكن نقول عليهم بيتاجرو بأبنائهم.
خلاص هم ان شاء الله ربنا يجازيهم خير عشان وصلونا للحكم و كله يهون في سبيلنا.
____________
احنا بقى مش هيهدالنا بال الا لما يتحقق اللي الشهداء دول استشهدو عشانه و مش بس يتعاقب اللي قتلوهم كمان يتعاقب الي قال عليهم بلطجية.
سلام عليكم..