من اجل الدفاع عن الابداع !!

T!to · #1 15-01-2012, 02:12 PM

السلام عليكم ورحمة الله ..
شاهدت مؤتمر عقده مجموعة من الممثلين عن جمعية او حركة تسمى نفسها (مدافعة عن حرية الراى والابداع)
وطبعا المؤتمر انعقد بسبب نتائج الانتخابات وتخوفهم من الاسلاميين .. بالرغم انهم لم يقولوا ذلك بشكل مباشر ..
او لم يقصدوا حد اوحزب بعينه ..
وعلى الجانب الاخر الاحزاب الاسلامية .ماشفتش تصريح ليهم ..باتجاه اى مؤسسة او افراد نهائى ..
يعنى مفيش حد اتكلم عن التانى .. ولا قال هعمل ولا هسوى ..
كده وضعنا الامور على طريقها السليم بدون لف او دوران ..

الغريب ..

ان اغلب من تكلموا لهم سجلات فى تاريخ مايسمونه هم فن وابداع ..
ملىء بالوقاحة والبجاحة ..

حاولت اجد عمل شفته لحد فيهم ..يمكن اكون استفدت شىء ..
لم اجد ..

حتى اسماء اعمالهم ..يتكسف البعض يقولها ..

حاولت اعرف اى ابداع يقصدون ؟!!
هل التعرى اصيح ابداع ؟؟

هل القصص الفاشلة المتكررة اصبحت ابداع ؟؟
الاعمال العربية بفروعها وتاريخها ..( نستثنى بعض الاعمال طبعا)
لم تفيد الناس ..
ولم تفيد ماتسمونه (فن) نفسه ..
انظروا الى ماذا وصل (الفن)
لا اعتقد ان اى احد ضد الفن ..
لكن عندما يكون (فن)..

..
هذه الاعمال كانت اداة لالهاء الشعب .. واشغاله عن الامور الاهم ..

وبث افكار فاسدة فى عقولنا..

..
انا لا اتحدث فى نقطة حلال او حرام ..
هناك علماء ومشايخ ومؤسسات اجدر منا بذلك ..
لكن اتكلم عن المادة نفسها ..
الجوهر الذى نراه ..

..
بصراحة ..
لما كل ممثل فيهم ياخد 9 ولا 10 مليون على فيلم !!
قصته لاتليق بعقل المشاهد ولاتدع عقله يفكر ..
بل تحضه على التفكير فى اشياء تافهة و ضد الاخلاق ..
يبقى حقهم يدافعوا عن مصالحهم ..

..
ياريت حتى يقلدوا الفيلم الاجنبى ..

على الاقل الفيلم الاجنبى وان ناقش قضية خيالية ..
وليست موجودة فى ارض الواقع ..
يكفى انه يدعك تفكر ويوسع رؤيتك للحياة ..
او يقدم لك مادة تستمع بها وتخرج مستفيدا ..
لكن قولى ..
استفاد ايه من واحدة اطلقت وطول القصة بتحكى فى حياتها !!

ولا اتنين اتجوزوا ويطلقوا كل شوية ..!!
ولا اتنين بيحبوا بعض ..وشايفة القمر ياليلى ..

وفى اخر الفيلم تطلع اخته ..

او ابوها مايرضاش جوزهاله عشان مستواهم الاجتماعى ..
ولا شارع الهرم ..!!
ولابوبوس ..

ده غير المشاهد الخارجة اللى مالهاش علاقة بالقصة !!
ولا ايه ولا ايه ..

لحد مابقيت سمعتنا بسببهم فى الطين ..

عمرك شفت فيلم بيتكلم عن اى نظرية علمية ولا اى فكرة عصرية ..
فين الفن ده
وفين الابداع ؟؟
اى حد دلوقتى معاه الف جنيه بيعملوا كليب على فضائية !!
..
اتفق مع البعض ان ده ممكن حاجة تضيع بها وقتك ..بدل ماتنزل وتشترى كيس لب

لكن هتقولى ابداع وفن ومية بطيخ

وتعمل مؤسسة
لا
اعترض ..

نفسى ترجع مصر زى ماكانت بتصدر فكر وعلوم ..
..
لكن ..
كل شىء بايد الشعب ..
احنا اللى عملنا هؤلاء ..
واحنا اللى المفروض نضعهم فى اماكنهم الطبيعية
وترجع الساحة للمفكرين واصحاب العلم
وترجع القدوة عالم وطبيب
بدل ماهى تيمو وكيمو ..

وتبقى الاستثمارات بدل ماهى انتاج الاف الافلام والمسلسلات ..الخ
تبقى انتاج مشروعات علمية ..
والمعلم ومربى الاجيال يبقى اولوياته قبل الفنان ..
ولو حتى مسلسلات وافلام تحترم المشاهد وتزيد رصيده الفكرى والادبى ..
بجد محتاجين ثورة على الحاجات ده ..
وساعتها نحس ان البلد بتتغر ..

BY:
Taher ahmed

منتظر ارائكم ..