تجمع المعلم المساعد فى محافظة البحيرة ( اللى مش معترفين بية كمعلم مساعد )

[versailles2006]

المشكلة باختصار

فى شهر مارس 2011 صدر القرار الوزارى رقم 75 الذى ينص على تثبيت المعلمين المتعاقدين و المعلمين بالحصة ممن مضى عليهم ثلاث سنوات او اكثر

كل المحافظات ثبتت على وظيفة معلم مساعد ماعدا البحيرة فقد اعتبرت المثبت بالقرار الوزارى رقم 75 ليس معلم مساعد
الا اذا كان تعاقد معلم مساعد قبل التثبيت
طبعا فينا اللى كان متعاقد قبل 2007 قبل قانون الكادر يعنى مكانش فية حاجة اسمها معلم مساعد وقتها
و فية مننا اللى كان بالحصة

و ترتب على دة

الحرمان من حافز الاداء الـ 125 %

صدر قرار بصرف 83.5 % للادارين و العمال و الذين لم يشملهم الكادر ( اللى هما احنا زى ما اعتبرونا )
اخدنا 6 شهور مجمعة
جم بعد ايام قالو لأ انتم اخدتوهم بالخطأ و يتخصمو من مكافئة الامتحانات يعنى حاخد مكافئة الامتحانات 700 جنية

الاداريين عملو مظاهرات و احنا محسوبين عليهم رغم اننا مدرسين بس كنا بناخد كل حاجة زيهم
راح طالع رئيس الوزراء عشان يهدى الناس و صدر قرار 50 % للاداريين فقط
بعد ما كان القرار السابق 83.5 للادارين و العمال و الذين لم يشملهم الكادر ( اللى هما احنا زى ما اعتبرونا )

ترتب على دة فى الاخر
ان كل الموظفين فى الدولة بياخدو حوافز 200 % و احنا 75 % ( 25 % حوافز + 50 % بدل معلم )
مش كدة و بس حيتخصم مننا 825 جنية من مكافئة الامتحانات

النكتة بقى : اللى متعين معايا فى نفس اليوم مؤهل متوسط بقى مرتبة ازيد منى بـ 50 % حتى التعاقد بقى ازيد منى ب 85 % و المشكلة كمان حتزيد لما يتطبق قانون الكادر الجديد اللى زينا فى اى محافظة تانية حيبقى مرتبة 1500 جنية و احنا 430 جنية

حدث فى البحيرة
مؤهل عالى : 430 جنية
مؤهل متوسط : 520 جنية
تعاقد : 620 جنية


احنا 16000 محتاجين نتجمع عشان يكون لنا صوت
ممكن نعمل شكاوى جماعية
او نقابل و كيل الوزارة أو المحافظ
او نبعت فاكسات جماعية للوزير

ياريت الموضوع يثبت و يستمر لنهاية فبراير