|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
21-03-2012, 11:02 PM
|
||||
|
||||
سلسلة نجحنى شكرا... ملل المذاكرة
ايـــــــــــــــــــــــــه؟؟
ازيكوا؟؟ عاملين ايــــــــــــــه؟؟ كله تمام ولا مش تمام؟؟  انا عارفة ان كله قلقان من الثانوية العامة لانها هى اللى هتحدد مستقبل كل واحد و يبقى مكانته فى المجتمه و مش المجتمع والاسطوانة اللى كل شوية تسمعوها  وودانكوا اتخرمت منها و نفسكوا تولعوا فى اللى بيقولها  انا كانت اكتر حاجة تضايقنى ان ماما كانت كل شوية قومى ذاكرى...قومى افتحيلك كتاب.. والله ما انتى نافعة.. اخرتك معهد سنتين..من السرير للتليفزيون للكمبيوتر... هتشمتى الناس فينا...ربنا يحرق الكمبيوتر على التليفزيون... هو ده اللى انت فالحة فيه , النوم... واكتر كلمة كنت بسمعها.. اقفلى الزفت و قومى شوفى اللى وراكى  نفسى اعرف ايه شوفى اللى وراكى دى ومين اللى اخترعها...عايزة اشكره  ياااااااااااااااه كانت فضحانى مع المدرسين  انهاردة عيد الام.... هلم نفسى شوية  المهم بقى انا قولت عشان الامتحانات قربت للاسف  ربنا معاكوا يا رب كلكوا قولت افيدكوا بشوية معلومات من راى انا اكيد كله قرب يخلص مناهج و هيبدا يراجع وكل مدرس هيحطله 80 درس يذاكره فى اليوم والمدرس اللى وراه و كده بس اول نصيحة للناس اللى بتنسى كتير  يا اما تفكك من المراجعة و تعتمد على نفسك مذاكرة و حل امتحانات وتاخد مراجعات المدرسين و تحلها مع نفسك و تسال فيها عشان المراجعات هترهقك على الفاضى و فى الاخر هتتعب و مش هتقدر تذاكر تانى  انا عن نفسى كنت بعمل كده  او تروح المراجعات لو شايف انك ممكن تقصر لو بقيت لوحدك  عشان تبعد عن ملل المذاكرة بقى شوية نصايح كنت انا بعملها و بجد ارتحت فيها 1_ اوعى تفضل طول اليوم تذاكر فى مادة واحدة ..على الاقل مادتين تلاتة .  ....... 2_كل يوم ذاكر فى مكان غير اليوم الى قبله ..يعنى انهاردة فى اوضتك بكرة فى الصالة ...عشان ميجلكش شلل  ........... 3_متذاكرش لوحدك ابدا ... عشان متسرحش ومتذاكرش مع ناس كتيير عشان افكارك متتشتتش ولو مش بتعرف تركز و فى حد جنبك..زى حلاتى بردو... يبقى انت فل كده و تركيزك عالى اوى ........ 4_بعد ما تحفظ وتذاكر لازم تحل اسئلة على الى ذاكرته عشان بتثبت فى القفل اللى فوق ده....قصدى دماغك ويا سلام لو تلاقى حد يسمعلك اللى انت ذاكرته .......... 5_ذاكر المواد الى بتسترخمها فى اول اليوم وسيب المواد الى بتحبها فى الاخر عشان مش هتقربلها انا عارفة الشعب المصرى انا عارفاه  .......... 6_ اهتم بالكم والكيف  ......ايه مش فاهم ...هبسطهاااااالك يا نصة يعنى يبقى عدد ساعات مذاكرتك قليل وميقلش ولا يكتر عن 3 ساعات ولكن تكون المدة دى مركزة يعنى التركيز فيها يبقى عاااالى عشان تخلص بقى ومش تقعد طول اليوم بتذاكر فى صفحة ........... 7_وطبعا بقى لازم النية تكون موجودة ..يعنى تكون عارف انت بتذاكر ليه وعشان توصل لايه  ................ 9_ كل شوية تقوم تاكل حاجة فيها سكر و اشربلك عصير عشان تعمل ريفريش لدماغك عشان متقفش...عشان كده كله بيطلع من الثانوى 100 كيلو  فى الكلية يبقى 10 بس.............. 10_ المواعيد اللى بتذاكر فيها دى تعتمد على حالتك النفسية و انت متعود على ايه... فى ناس تقولك انا بحب اذاكر الفجر او اذاكر بليل...شوف انت مرتاح فى ايه عشان متتعبش و متلعبش فى برمجة مخك....  10_ نصيحة من ندمان....ابعد عن الشئ اللى اسمه كمبيوتر ده خالص...و ياريت لو تقطع النت عندك لو من النوع المدمن...عشان الكمبيوتر بيضعف التركيز جدااا و الذاكرة كمان للاسف لانه بياثر على المخ  ...................... 8- واهم حاجة بقى من كل دووووووول ولو معملتهاش يبقى مش نافعلك مذاكرة ولا بتاع وهى انك تلتزم بالصلاة والدعا عشان ربنا يوفقك ويباركلك  ملحوظة رفيعة... لو ماخدتش بالك من ترتيب الارقام ادخل نام احسنلك بالتوفييييييييييييييييييييق يا رب ليكوا كلكوا و تدخلوا الكلية اللى نفسكوا فيها و تفرحوا اهلكوا بيكوا و يعينكوا على الثانوية النفيخة دى و اوعى محدش يجيبلى حلاوة نجاحه استغلال بقى  تابعونى فى سلسلة نجحنى شكرا فى رعاية الله 
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
آخر تعديل بواسطة أ/محمد ابراهيم ، 22-03-2012 الساعة 12:23 AM 
|
|
#2
21-03-2012, 11:13 PM
|
||||
|
||||
موضوع جميل يا دكتوره ...
بس للاسف انا معنديش مشاكل فى المذاكره ذات نفسها يعنى الحمد لله بدات مذاكره كويس بس للاسف فى شهر 3 انا لقيت نفسى مضيع اسبوع كامل من غير ما اذاكر وبعدين فقت لنفسى فذاكرت يومين ورا بعض كل يوم 8 ساعات بس لغايه دلوقتى عمال افكر فى الاسبوع اللى ضاع ده ومن كتر ما بفكر فى ازاى اعوضه ضيعت كمان 3 ايام من غير مذاكره يعنى انا ضيعت فى شهر 3 .... 10 ايام  مش عارف اعمل ايه
__________________
|
|
#3
21-03-2012, 11:18 PM
|
||||
|
||||
|
لا خلاص كفاية تفكير فيهم
اديك ريحت دماغك شوية من المذاكرة ولما رجعت تذاكر انجزت 8 ساعات لكل يوم يعنى مضيعتش وقت ولا حاجة انت ريحت و شديت شوية عوضت اللى ضاع ابدا تانى ذاكر و كل يوم 3 او 4 ساعات
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#4
21-03-2012, 11:24 PM
|
||||
|
||||
|
المشكله انى طول اليوم فاضى يعنى 24 ساعه فاضيه .. غير انى كنت بذاكر اول السنه اقل حاجه 6 ساعات
بس والله العظيم اليومين دول حاسس بملل فظيع وعندى احساس انى خلاص هسقط انا بذاكر حاليا 4 ساعات فى اليوم بس مش بعتبرهم مذاكره لانى زى ما قلتلك 24 ساعه فاضى يعنى بضيع 20 ساعه
__________________
|
|
#5
21-03-2012, 11:26 PM
|
||||
|
||||
|
الهدف ثم الهدف ثم الهدف دا الى بيدى دافع للمذاكرة صح؟؟؟؟؟
طيب والى معندوش هدف؟؟؟؟؟
__________________
سبحان الله وبحمده سبحان الله العظيم
|
|
#6
21-03-2012, 11:26 PM
|
||||
|
||||
|
ربنا يجزيك كل خير يا دكتورة على النصائح الجميلة دى
وان شاء الله ااسمع كلامك ودعوااااتك بظهر الغيب
__________________
يا قوم كفانا خذلانا سيروا فى ركب الرحمن عودوا للحق ولا تهنوا فالنصر لأهل القرآن
|
|
#7
21-03-2012, 11:43 PM
|
||||
|
||||
|
اقتباس:
حاول نهدى نفسك على الاخر انت مشكلتك انه مجهد و دماغك مش قادرة تستوعب معلومات اكتر الفترة دى ذاكر حبة صغيرين على قد متقدر وكل يوم زود شوية واتحدى نفسك انك تقدر تعمل اكتر من كده واسمعلك قران كل يوم انا كنت بحب اسمع للشيخ احمد العجمى والله كنت بحس انى فعلا عايزة اقوم اذاكر من نفسى و حابة المذاكرة اوى اعمل اللى عليك و احنا معاك لحد الاخر ان شاء الله و مش هنسيبك اقتباس:
انا ما كان عندى هدف فى الثانوى الا انى اجيب اكبر مجموع اقدر عليه وبعدين افكر هدخل انه كلية اقتباس:
و يااااااااااااااارب تحققوا احلامكوا كلكوا وربنا يعينكوا على المذاكرة و توصلوا لاعلى الكليات يا رب
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#8
22-03-2012, 01:50 AM
|
||||
|
||||
|
موضوعك رااااااااااااااااااائع يا دكتوره كعادتك
اولا/بالنسبه لبقايا قلب موضوع انك ضيعت اسبوع وكده وزعلان عليه فده غلط جداااااااااااااااااا والله (مش عارفه هتصدقني واللا لا؟ ) انا كنت بضيع وقت كتيرررررررررررررررر جداااااااااااااااااااااااااااااا بس كنت اهم حاجه عندي اني احس ان ضميري مستريح لاني بالفطره لما بقصر ضميري بيتعبني فانت انسى اللي فات مش مشكله هيتعوض المهم اللي جاي (واياااااااااك طول ما انت ماشي تلتفت ولو للحظه لوراك) اللي عدى اتعلم منه وخلليك في النهرده انا بقه مش عارفه اقول نصايح (اصلي هقول ايه واللا ايه؟ اكيد اللي هقوله كان بيتقللي ) بس طبعا مكونتش بسمع كلام حد (هو صوت عقلي وبس ) طبعا ده غلط بس انا هقول نصايح وتغريد و............الخ انت/انتي بقه شوفوا اللي يناسبكم ونفذوه يعني مثلا انا مكونتش اعرف اذاكر خاصه وانا مضغوطه غير وماما جنبي متتحركشي لو اتقلبت (ههههههههههه اطلع زي عفررريت العلبه انتي رايحه فييييييييييييييين؟) دي حاجه عشان لما اسرح كانت تقوللي هاااااااااااااااه كملي وكذا 2/لما ازهق من ضغط المذاكره (الحفظ يعني ) كنت احل (اي ماده بحبها وغالبا كانت رياضه ) عشان وانا بحللها اكون مشغله الراديو وبصووووووووووووووووووووووووووووت عااااااااااااااااااااااااااااااااااااااااااااااااا اااااالي (كان شغل جنان عارفه بس انا بقوللكم هي مساله تعود) طبعا مكونتش بشغل اغاني ولا قران الصراحه(كنت بشغل خطبه عشان احس ان حد معايا بيتكلم ويزعق ويعاني زيي) ايه كمااااااان ايه كماااااان؟ اه 3/بالنسبه لموضوع انكوا تسيبوا المراااااجعه وتعتمدوا على نفسكوا في البيت (بصراحه يا تغريد انا مختلفه معاكي تماما في النقطه دي ) المراجعه اهم من الشرح انتي ممكن متروحيش الشرح لكن اهم اهم اهم حاااااجه المراجعه ومهما كنتي بتعتمدي على نفسك اوعي تحت اي ظرف من الظروف تضيعي درس(اسال مجرب ) لما افتكر حاجه تاني بقه هبقى اقولكم ان شاء الله بالتوفيق ليكم جميعا
__________________
لا داعى للخوف من صوت الرصاص .. فالرصاصة التى تقتلك لن تسمع صوتها 
|
|
#9
22-03-2012, 02:13 AM
|
||||
|
||||
|
واللي ف الكلية يا تغريد الواحد هيعيط
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#10
22-03-2012, 04:00 AM
|
||||
|
||||
|
اقتباس:
من ذاكر وارتاح اتاه النجاحهى الثانويه سحبت منك كل الطاقه وبقيت ع الزيرو ولا ايه يابشمهندس شد حيلك دا انت الى المفروض تشجعنا طلاب تانيه ثانوى السنادى مفيصين على الاخير الطب السنه الجايه فى تنسيقنا هيبقى 70% وهندسه 61%
__________________
|
|
#11
22-03-2012, 04:08 AM
|
||||
|
||||
|
اقتباس:
لو دخلت تجاره انجلش هجيبلك نص مشوى اكتر من كدا موعدكش مش قاعد على بنك انا طب وبالى بيذاكر مع قناه بانوراما اكشن ؟؟ يعمل ايه متعود على كدا امسك الكتاب واقعد قدام التليفزيون واحفط الصفحه فى ساعتين  ثانيا بقى مشكله تانيه وانتى خبيره فيها من كتر النصايح الى نصحنهالك هع هع هع انا بنام كتييييير اعمل ايه بقى علشان نومى ميزدش عن 4 ساعات خلوا بالكم فى الصحاب ولاد الــ واحد جايبلى شريط ترمادول وبيقولى خدلك ربع حبايه كل يوم هيخليك تذاكر حصان !! هههههههههههه شفت فيديو احمد مكى قطر الحياه نزلت اجرى وراه بالالكتريك 100 كيلو يالهوى !! اتارينى بوزن نفسى كل يوم بلاقينى ازيد ربع كيلو  مع انى مباكلش ف اليوم الا حوالى عشر مرات بس معهد سنتين يااااااااااااااااه امى بقى بتقولى مش هتحصل معهد وابويا ارحم شويه بيقولى هتدخل معهد صرف صحى بمذاكرتك دى !! 
__________________
|
|
#12
22-03-2012, 10:11 AM
|
|||
|
|||
|
ايه رأيكوا يا دكاترة الاحسن
اللى بيدح م اول السنه بيقدر يكمل للاخر ولا اللى واخدها بسيط وييجى من دلوقت يشد على الاخر
|
|
#14
24-03-2012, 12:11 PM
|
||||||
|
||||||
|
اقتباس:
انت بتقولى متعرفيش تذاكرى و انتى مضغوطة هههههههههههههههههههههه انا مبذاكرش الا و انا مضغوطة قبل الامتحان بيوم ولا حاجة اخش ادح و منمش لحد ما الامتحان يخلص و بالنسبة لموضوع الزهق من ضغط الحفظ ففعلا الحل هو انسب طريقة للهروب من ضغط الحفظ و تعب الاعصاب بس انا بردو مكنتش احب اذاكر و فى همس حتى جنبيا لانه بيعصبنى اوى و مش بقدر اركز بعديها خالص احب الهدوء و الراحة عشان اذاكر بمزاااااااااااج و بالنسبة للمراجعة يا ريم انا قولت راى من ناحية هو ان المدرسين بيدوا دروس كتير جدا جدا تتذاكر فى مهلة صغيرة اوى وكمان المواعيد فى المراجعات بتتغير و بتكون 3 او 4 حصص فى الاسبوع وده للمادة الواحدة طبعا...واحنا عندنا 5 يعنى دمار شامل و تعب اعصاب و ارهاق ومحدش يقولى انه بيقدر يذاكر الكم ده كله و لو مش بينام وطبعا مش هيحقق افادة كبيرة زى ما لما يكون براحته و بيذاكر و يحل مع نفسه دى وجه نظرى من اللى انا شفته اقتباس:
طب عدوا معايا و قولولى انا اعمل ايه 1- الاربع اللى فات كان عندى شفوى 2- يوم الاتنين عندى شفوى معاه ميد عملى الكيميا 3-يوم الجمعة عندى ميد عملى مادة اسمها تاكسونومى و سيستماتيك 4- يوم السبت عندى عملى ميد الفيزيا 5- يوم الاتنين بعد اللى جاى عندى ميد عملى مادة اسمها زوولوجى 6- يوم 4/4 عندى ميد زوولزجى 7- يوم 6/4 عندى ميد فيزيا سمعت حد قال حاجة هاااا.....؟؟ اقتباس:
بجد عندك حق 100% الثانوية العامة طيرت اعصاب الواحد ومبقناش قادرين نشد فى مذاكرة اكتر من كده طب هيبقى من 70 و هندسة من 61؟؟؟؟ طيب!!! اقتباس:
حلوييييييييييييييييييييييييييييييين اقتباس:
هى ممكن مذاكرة خفيفة كده مراجعة على القديم او تحل هشان ميبقاش اسمك ضيعت وقت اقتباس:
وايانا و اياكم ...وربنا معانا جميعا
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:07 PM.
