استفسار بسيط ...

[المشتاقة إلى الجنة]

الســلام عليكم ورحمة الله وبركاته ....

بداية انا بشكر كل الاساتذة الموجودين معانا ع المنتدى ..جزاكم الله كل خير

بالنسبة لى انا طالبة علمى ومعايا علم نفس
والحمد لله خلصت مراجعة المنهج وحاليا بحل امتحانات لكن عندى خلل شوية فى موضوع الشخصية فبحاول دلوقتى اجمعه وربنا يسهل


طبعا الوقت ده وقت الطالب فبحاول انى اقلل من الخروج للدروس واذاكر انا فى البيت
بس طبعا فيه مواد معينة لازم استمر فيه مع استاذ زى الفيزياء مثلا

فدلوقتى انا ناوية ماروحش درس علم النفس واهى ساعة هاتوفر لى ساعة قبلها وبعدها كمان

لكن خايفة لو قعدت فى البيت الفترة دى ماذاكرش علم نفس ويبقى كده اثرت على مادة لأنى طبعا مش هاذاكر بقى غير فيزياء وكيمياء فهاجى قووى على علم النفس

فانا بستفسر من حضراتكم هل فكرة انى ماروحش الدرس فى المراجعة واراجع انا دى صح ولا غلط
ولو فيه نظام معين اتبعه فى علم النفس بحيث المادة ماتوهش منى او انساها

وشكرا جزيلا