|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
10-04-2008, 11:56 AM
|
||||
|
||||
خرافات بلدى(مصر) ...هى خرافات فعلا؟؟؟؟
السلام عليكم ورحمة الله وبركاتة انا جبت لكم بعض من المعتقدات الللى سمعتها مواقفها معى لا اخفى عليكم انى لاول مرة فى التاريخ اكون شجاعة بالطريقة دى ... انا كنت فى مرة قاعدة مع عمتو وماما وعمتو كانت بتحكى عن البلد وبيت جدو وتيتة .. وانا قاعدة مستمعة فى انصات وفرحانة .. واذا بماما تفجر مفاجأة اول مرة اسمها هى مش مفاجأة لماما وعمتو انما هى مفاجأة لى وهى بقول ماما (هو صحيح البيت اللى بتحرق لوحدة دى لسة بيتحرق) استوقفت ضاحكة بيت بيتحرق واندمجت فى الضحك :D واقول لية هو فية عفاريت واضحك ... ترد على عمتو قائلة اه فية عفاريت .... انظر لماما صحيح ماما فية عفاريت ؟؟ ......... رد ماما (انا اعرف هما اللى بيقولوا ان فى بلدكم بيت كدة ) .... انظر لعمتو انتى بتهزرى عمتو صح ...( لا والله بتكلم جد اصل البيت دة صاحبتة ضربت قطة والقطة ماتت ومن يومها والبيت بيتحرق لوحدة ويطفى النار لوحدها وتانى يوم البيت يكون زى ما هو كأن محصلش فية حريق) .... انظر بتعجب اية دة دى خرافات اكيد لكن صادف ان بابا بعدها بفترة رايح البلد وطلبت انى اروح معاه وروحت فعلا وكمان طلبت انى اشوف البيت دة وشوفتة ... كنت متوقعة انة مهجور وشكلة وحش وفية عناكب انا طبعا شوفتة من برة بقى وجدتة منزل عادى جدا ...والمفاجاة بقى واحد خرج من باب البيت دة وبيقول (السلام عليكم )واذا ب بابا بيقول( وعليكم السلام ورحمة الله وبركاتة ) ... وانا فى ذهول اية دة ميين الراجل دة بيعمل اية وانظر لبابا ... انت رديت على عفريت يا بابتى .... وكانت الاجابة عفريت مين ربنا يهديكى اركبى يالا خلينا نروح نشوف اللى ورانا ....امممممممم اومال اية حكاية الحريقة دى بابا (لالالا ابدا دى حكاية وراحت لحالها والناس كبرتها بكلامها  )......... بقى كدة طيب يا عمتو لن انسى لكى هذا الموقف ابدا ... وطبعا دة مثل صغير من المعتقدات الغريبة _____________________________________________ الجنيية : طبعا من الطبيعى لما بنروح اى مصيف بنختار شواطئ هادية مش زحمة واذا صادف اننا روحنا شاطئ زحمة بنكتفى باللعب على الشاطئ ومش بننزل البحر (دة احنا البنات انما الولاد بينزلوا) .. وفى احيان بنقعد لحد الليل فى الشاطئ وطبعا احنا بنكون عايزين ننزل فالليل الشاطئ يكاد يكون خالى تماما حتى البحر فبنقرر اننا ننزل بس هنكون فى اول البحر من هندخل جوة اوى يعنى وعندما قررنا ذلك واذا بحملة الاعتراضات ظهرت اية دة انتو رايحين فين ؟؟؟؟ ... هننزل شوية قبل ما نطلع فوق ... لالالالالا تعالى مفيش نزول بكرة ابقوا انزلوا ... لأ لية مش هندخل لجوة ادامكم اهو ... لالالابردو اطلعوا مفيش نزل اطلعوا يالا ... وكالعادة خضع لطلبهم ونطلع واحنا فوق بقى اسال خالتو انتو لية اعترضوا اننا ننزل المية ... وكانت الاجابة علشان اللهم احفظنا الجنية .... الجنية وهتعمل اية الست هانم دى .......خالتو قائلة : اللهم اجعل كلامنا خفيف عليهم انا معرفش بقى من زمان هما بيقولوا لنا كدة .... وانظر الى ابنة خالتى واقول انتى متاكدة انهم راحوا مدارس ... ترد هى انا اشك .. شهادات اية اللى خدتوها ولا مدارس اية ........ _________________________________________ اللعب بالكوتشينة : احيانا بالليل وهو وقت الراحة ومجتمع معظم العائلات بنحب نلعب مثلا ولعبتنا المفضلة بالكوتشينة هى (crazy 8) لكن بمجرد ما نبدأ اللعب نلاقى اعتراض احدهم والقول لالالالا بلاش كوتشينة بالليل .... لية يا ناس ؟؟؟ بتجيب الفقر ..... لا حول ولا قوة الا بالله الارزاق بتاعة ربنا __________________________________________________ _ الشوز: كتير جدا بتصادف لو شوز (حذاء ) مش فى مكانة ممكن جدا نلاقية مقلوب ... واول كلمة بتقال اعدلوا الشوز دة .. ممكن حد يسمع ومش يهتم ولا يعدل اى حاجة نلاقى الكلمة اتتكررت تانى .. اعدلوه ... طب لية يعنى ماهو فى حالة اهو ..دة بدل ما تقولوا حطوا الشوز (الحذاء) دة مكانة مع اخواتة ... بس اعدلوا .. لية يعنى ... اعدلوة علشان حرام يكون مقلوب كدة .... حرااااام جبتوها منين حرام دى مين اللى قال حرام هاتو لى الاثباتات________________________________________________ المقص: لو المقص مفتوح بقى بتحصل مشكلة الا وهى ..انك تلاقى حد يقولك متسيبش المقص مفتوح كدة .. طب لية ؟؟؟ .... الشيطان بيلعب بية ووكمان بيجيب الفقر .... __________________________________________________ _____________ الكوب لازم يخلص احيانا كتيرة تذهب زيارة لاحد ويقدم لك شراب .. وانت زوقيا مطالب انك تشرب .. وبالفعل انا قدم لى عصير لبن بالموز (ودة بالنسبة لى دمار يستحيل اشرب الكوب الكبير دة كلة) لكنى زوقيا شربت حبة وسيبت الباقى فى الكوب واذا بقول سيدة عجوز كانت قاعدة لالالا ..لازم تشربى الكوباية كلها خلصيها احنا عندنا بنات .. انا اضحك واقول اهى كلمة وبتتقال وهزار يعنى لكنى فوجئت انها بتتكلم جد ... لازم تشربى الكوباية خلصيها احنا عندنا بنات .. عايزاهم ميتجوزوش ... اشربى وشربت  وانا اقول فى بالى يعنى انا لو شربت العيلة كلها عندنا عصير وخلصوا الكوب كله يبقى انا هتجوز .. دة نصيب يا عالم ملهوش دخل بعصير ولا كوبايات ............. __________________________________________________ _________ لازم يبقوا 3 دة بقى اغرب واعجب حاجة سمعتها كنت مرة عند خالتو وواحدة جارة خالتو كانت بتقول فلان اتوفى انهاردة ربنا يرحمة ومن يومين واحدة بردو اتوفت من نفس الشارع .. ربنا يستر على التالت اصلهم لازم يبقوا 3 عزرائيل لما بيجى بياخد روح لازم تكون 3 اروح الله اعلم مين التالت اللى هيحصلهم فى نفس الاسبوع دة خالتو سمعت كدة وقالت استغفر الله العظيم استغفرى ربنا الاعمار بيد الرحمن .... وانا كنت عايزة اقول لها طنط روحى .. لاما اروح انا ........ اللهم اهدينا بس مقولتش كدة طبعا قمت دخلت ابعد روم فى المكان علشان مش اسمع حاجة _______________________________________________ البركة تقل: فى بعض الاجتماعات والعزومات العائلية بيكون العدد ما شاء الله كبير .. فبنكون الشباب والرجال فى مكان قاعدين ... والبنات بتكون مع الكبار فى المطبخ .. بنساعدهم واللى تلاقيها بتقطع لحمة بتقطع بصل بتنقى رز ........ والمكان زحمة ... وتصادف ان حد يقعد فى الارض على كراسى قصيرة .... واذا بواحدة مننا قامت علشان حد بينادى عليها من برة عايزينه ولازم تقوم لكن وهى قايمة عدت من فوق (الملوخية ) غصب عنها لكن اذا بواحدة من الكبار تقول لها اوعى تعملى كدة تانى .... نحن انتبهنا بقى مين اللى بيتزعق لها دى وعملت اية (مصايب احنا) .... المهم لاقينا انها بتزعق لها علشان متعديش من فوق الاكل تانى طب لية ؟؟؟ علشان بركتة متقلش ..... لا حول ولا قوة الا بالله طب هى تعدى ازاى تطير مثلا ...وثم احنا قولنا بسم الله الرحمن الرحيم .. يبقى خلاص بقى البركة لله .... ____________________________________________ القط بالليل: طبعا احنا عندنا قط اخى وانا مش بجى جنبة ولا بلمسة بس اوقات هو بيرخم ويجى ناحيتى ويقعد جنبى لا وكمان يسند راسة عليا وينام .. وانا اتجنن وازعق فية وامشية بايدى قوم انزل من هنا امشى ... واذا بمامتى حبيبتى تقول لى بنت بتعملى اية ؟؟؟؟..... نعم ماما ...بمشى الرخم دة من هنا مش عايز يقوم ... طيب براحة علية ومش تزعقى فية كدة ولا تضربية ..... اوماال امشية ازاى ..اقولة بعد اذن حضرتك قوم ... تضحك ماما وتقول للقط بيس بيس قوم من هنا يالا انزل وهو بقى علشان ناوى يجننى يسمع الكلام ويقوم ..... واسال ماما لية غلط ازعق لقط بالليل .... تجاوبنى بيقولوا غلط مش مستحب دة غير انة حرام (دخلت امراة النار علشان عذبت هرة) ..... ايوة بس انا مش عذبتة ولا حاجة انا كنت بزعق معاة ..... واخيرا ردت ماما وقالت معرفش بقى انا اسمع انة غلط _________________________________________ المرايا كثير ما يسمع البعض كلمة هتتجنى من كثرة الوقوف امام المرأ’ وناخد الجملة على محمل المزاح لكن بالفعل يوجد اناس تصدق تللك المقولة ...بل وتتجنب الوقوف امامها احيانا .... ______________________________________________ الضحك: نضحك كتير ا جدا ويكون يومنا ملئ بالبهجة والسرو ويكثر ضحكنا لكن ما يجعلك فى اسى وضيق هو ان يقول احد واحن مبسوطين كدة (خير اللهم اجعلة خير ...ياترى اية اللى هيحصل ... انا خايف من كترة الضحك دى لتقلب غم ... استر يارب ...اكيد فى حاجة وحشة هتحصل ) لا اله الا الله ...طب لية متوقلش ان ربنا كريم واكرم عليك بالسعادة لية ميكونش ف حسن نية بالله سبحانة وتعالى لية نعتقد ان الفرح بعده حزن ... لية التشاؤم دة _________________________________ انا طبعا جبت لكم بعض (اكيد فى كتير بس دة اللى شدنى شوية)من المعتقدات والافكار اللى انا من وجهة نظرى شايفة انها غلط انا مش ضد العادات والتقاليد بالعكس انا معها جدا وبتمنى اننا نتمسك بعاداتنا وتقاليدنا لكنى ضد المعتقدات الدخيلة دى واللى بعضها يحملنا جز ء من الذنوب ... انا لم اكن اتوقع ان فى اناس مازالوا يفكرون بتلك الطريقة مهما علت مراتبهم ومراكزهم مازلت بتسطير على الانسان معتقدات غريبة ...... مع ان فى اشياء اهم يجيب ان تسطير على فكر الانسان يكفى ان يسطير علية ما يحدث فى البلاد اعتقد ان هذا يجعلة فى غنى عن المعتقدات دى .... بس تفتكروا انا واجبى اية لما اسمع حاجة زى كدة ؟؟؟ اضحك واظل فى استعجاب ولا اصحح لهم واقول اية دة دى خرافات؟؟ ولو عملت كدة هل كلامى هيقابل بهجوم ولا هيقبل كلامى؟؟؟؟ آخر تعديل بواسطة فتاة الاسلام ، 10-04-2008 الساعة 12:48 PM |
|
#3
10-04-2008, 12:08 PM
|
||||
|
||||
|
اة فعلا حاجات تجنن نفسى افهم جابوها منين واية مقتنعين تماما وحرام كمان مين اللى دخل الافكار دى فى راسهم معرفش
انا بيحصل معايا حاجات زى الشوز والمقص والبركة تقل والقطط بليل (ربنا يجعل كلامن خفيف عليهم (سخرية طبعا ) والضحك مشكووووووورة على الموضوع بس عايزين حل ازاى نخرج الافكار دى من راسهم
__________________
مش مصدقه بجد ........ رايحه تالتة كلية ......... بسرعه كده  |
|
#4
10-04-2008, 12:17 PM
|
||||
|
||||
|
انا اول مرة اسمع عن حكاية اخر حبة دى
كنا معزومين عند ناس و قدمولنا عصير فانا مكنتش قادرة اكمله فلقيت طنط اللى قدمتلنا العصير بتقولى احنا عندنا بنات فرحت بصالها باستغراب كده و قلتلها و فيها ايه لمل يكون عندك بنات؟؟؟ فراحت ماما ردت عليها و قالت لها لا هى متعرفش الحاجات دى وبعد كده فهمت و لكنى م بؤمنش بالحاجات دى خالص وبرده حكاية تنضيف الشقة بالليل قال عشان منزعجهمش؟؟؟ هم مين دول اصلا اللى يتزعجوا!!!! شوية حاجات غريبة الناس مش عارفة بتصدقها ازاى  
|
|
#5
10-04-2008, 12:34 PM
|
||||
|
||||
|
والله جميله جدا القصه دى
__________________
ما كله انتهى وزمانك نهى المعاد الاخير يارتها النهايه واخر الحكايه ياعالم يا قصه ياما بكره لسه شايل كتير هنفضل نعانى نلف الموانى نقابل بشر ونعرف بشر ونحلم ساعات وننزف امانى ونعزف اغانى واخر الحكايه تبكى الصبايا ع الاغنيات |
|
#6
10-04-2008, 12:56 PM
|
||||
|
||||
|
اقتباس:
دا علي كدا الحلاق اصله شطان وفقري كمان بصي هو انتي مش هتعرفي تغيري المعتقدات لانك عشان تغيري المعتقدات دي يبقي لازم تتكلمي معاهم بالمنطق وعشان تتكلمي معاهم بالمنطق يبقي لازم يسمعوكي وعشان يسمعوكي يبقي في المشمش:D بس انتي خسرانه حاجه اسمعيلهم واضحكي اهو كلامهم مسلي برضو والله بس عجباني اوي فكرة انك تدخلي في الموضوع الانجليزي في العربي في العاميه فكره والله:D شكرا يا هدير علي الموضوع وربنا يهدينا ونبطل هجص
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#7
10-04-2008, 08:13 PM
|
||||
|
||||
|
شعوب الارض كلها بيكون لها موروثات ثقافية عجيبة مانعرفش جت منين ولا ايه اصلها ..؛ مثلا قريت ان فيه قرية مش فاكر اسمها لسه بتعتقد ان فيه نوع من السحرة لما حد بيموت بيروحوا يشفطوا روحه ويستحوذوا عليها !!! والحل الوحيد المضاد للسحر ده هو رش الملح قصاد البيت ..
مهما اتطور العلم هيفضل كل شعب له موروثاته اللى صعب اوى انه يتخلى عنها شكرا ع الموضوع
__________________
 |
|
#8
12-04-2008, 02:16 AM
|
||||
|
||||
|
ههههههههههه
ايه الفضايح دى يا بنتى لا حول ولا قوة إلا بالله دايما كده فضوحية سلميلى على العفريت عندكوا:D
__________________
الحمد لله على كل شئ |
|
#9
12-04-2008, 04:10 PM
|
||||
|
||||
|
هههههههههههههههههههه
تصدقى فى حاجات كتير عمرى ما سمعتها بس بتاعة الضحك دى فعلا عن تجربه (مش انا يعنى)حصلت قبل كده فى العيله عندى بس ما علينا يعنى شكراً يا تيتى |
|
#10
12-04-2008, 04:17 PM
|
||||
|
||||
|
اقتباس:
اقتباس:
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
|
#11
13-04-2008, 01:11 AM
|
||||
|
||||
|
بصى إحنا أحلا شعب يكذب الكذبه
وبعد كده نصدقها ونعيش فيها ونعي الناس معانا فيها :D بلد بتاعت شهادات صحيح
__________________
 Always remember two things Don’t' take any decision when you are Angry Don’t' make any promises when you are Happy |
|
#12
14-04-2008, 09:21 AM
|
||||
|
||||
|
اقتباس:
اقتباس:
نورتينى زيزى 
|
|
#13
14-04-2008, 09:23 AM
|
||||
|
||||
|
اقتباس:
اكيد طبعا فى ناس مش مقتنعة بالكلام دة فواجبها انها توجة الناس المقتنعة بالحاجات دى افتكر دة الحل الوحيد صحيح ممكن يكون حل مفعولة بطئ بس دة الحل ولو فى غيرة اكيد هيكون افضل نورتينى ملكة
|
|
#14
14-04-2008, 09:24 AM
|
||||
|
||||
|
اقتباس:
على كلا جزاك الله خيرا للمرور |
|
#15
14-04-2008, 09:33 AM
|
||||
|
||||
|
اقتباس:
نورتنى عادل
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:42 AM.
