لو سمحتوا حد يرد عليا بسرعه بخصوص اخر قرار لنظام الثانويه العامه الجديد

[mrmr 2012]

لو سمحتوا ياجماعه
انا عاوزة اخررررر قرار بالنسبة لتطبيق نظام الثانويه العامه الجديد
هل سيطبق على طلاب الصف الاول حاليا يعنى من العام المقبل
ام على الملتحقين بالصف الاول اى تم تاجيله سنة
بجد لازم اعرف لانى دخلت مواقع كتير والاخبار مختلفه مش عارفه اصدق مين ولا مين
وده قرار مصيري والمفروض يبقي واضح ومعروف من دلوقتى

[mido.uwk07]

هيطبق ع اللى ف اولى ثانوى السنادى

[الملك العاشق]

لسه محدش متأكد من حاجه ومفيش اى مدرسة جالها نشرة رسمية بالقرار.. يعنى لحد دلوقتى على النظام القديم والسنة الجاية ثانوية عامه

[mrmr 2012]

امال الخبر ده معناه ايه
وده بتاريخ 30/4/2012 يعنى بعد جلسة مجلس الشعب الاخيره

الاثنين، 30 أبريل، 2012

النظام الجديد للثانوية العامة ..كل شيء يتعلق به

سنطرح هما كل المقالات والموضوعات التى تناولت النظام الجديد للثانوية العامة سواء كانت من سنوات مضت او ايام قليلة حتى نعطي رؤية شاملة لهذا النظام الجديد

أعتمدت لجنة التعليم بمجلس الشعب اليوم العمل بنظام السنة الواحدة فى الثانوية العامة من أول العام القادم 2012-2013
للطلاب الذين سيلتحقون بالمرحلة الثانوية بدءاً من العام القادم
اى على طلاب الصف الأول الثانوى من العام المقبل
وقالت اللجنة أن هذا القرار يأتى تخفيفا للعبء عن كاهل الأسرة المصرية وعن كاهل الطلاب
وهو نفس نظام الثانوية العامة القديمة وهو ان الثانوية العامة تصبح سنة واحدة فقط هى الصف الثالث الثانوى العام والصف الثانى الثانوى يعتبر سنة عادية بالمرحلة الثانوية
وتواصل لجنة التعليم مناقشة تعديل المناهج وتطويرها ومعالجة ظاهرة التسرب من المدارس، وضعف الأداء بها

المصدر
جريد الجمهوريه.

[H3SH4M]

يعني خلاص مش هتطبق علي أللي في أولي ثانوي !
طيب ليه كدة
وكمان ممكن لينك الخبر لو سمحت

+

هما قالوا إن هيقولوا القرار يوم الحد :/

+

علـفكرة جلسة مجلس الشعب الأخيرة أللي كانت 29/4 محدش ناقش فيها حاجة

والمجلس رفع جلسات المجلس لحد يوم 6 أبريل إعتراضاً علي حكومة الجنزوري عموماً بأنتظار خبر مؤكد

[بسمة العرب]

http://www.marsadmasr.com/viewarticle.php?id=7685

[H3SH4M]

مش عارف والله هما عملوا كدة ليه
يالا بقي كـ العادة حظنا وحش خيرها في غيرها
بس الواحد برضو مش شايف الخبر
علي اليوم السابع أو الأهرام أو حد طلع من الوزارة قال كدة
بس يالا خلاص مش مهم
الواحد كدة كدة عارف إنهم هيستنوا أما نلغي الدروس
أللي حجزناها ويرجعوا يقولنا مش هنطبقوا عليكم
طيب نفسي أعرف حاجة
ما دام كدة كدة هيطبقوا بنفس المناهج
مش هيطبقوا علينا ليه !!
إية أللي يمنع !

[mrmr 2012]

يعنى خلاص قرار نهااااائى انه مش هيطبق
بجد انا ذهقت من الموضوع ده وقرفت
من المفترض انه يبقي واضح جدا مش يقولوا هنطبق ويسيبوا الناس حايره
من المفروض يعنى ان لسه فى دروس هنحجزها للمواد الجديده اذا كان هايطبق
وكمان نعمل حسابنا ونرتب نفسنا للوضع الجديد
لكن مش يقولوا خلاص هنبطقوا من السنة اللى بعدها ونفاجئ فى بداية السنة بتطبيقه علينا

بس على فكره النظام القديم اللى هو السنتين افضل بكتيييييييييييير اوى بالنسبالى شخصيا

[Princess Rema]

والله فعلا دا حرااااام النظام القديم كان أحلي بكتيييييييير
يااااارب مايتغيرش ويفضل زي ما كان

[lolo ezzat]

انا من خلال مرورى على كل المواضيع المتعلقه بالنظام الجديد لقيت ان معظم الطلاااااب مش عاجبهم النظام الجديد لكن المعلميين او ايا كان ولى الامر مثلا هم اللى موافقين
وده لان احنا الطلاب اللى محطوطين ف الموقف نفسه وباصيين للموضوع من جوه مش من بره
واظن ان احنا صح احنا ادرى بمصلحتنا
المفروض ياخدو ر؟أينا مينفعش والله النظام الجديد ليه عيوووب كتييره بجد
وبعدين هم بيقولو تخفيفا لعبئ الاهالى والدروس وكده ماهم معذورين مش عارفين ان احنا ف تانيه سواء شهاده او مش شهاده هناخد دروس برضو بل بالعكس لو كنا الاول هناخد ف خمس مواد دلو قت هناخد ف 10 ف السنتيين
انا مش عارفه ايه ده وبصينلها من اى ناحيه بالظبط ولو كانو بيقولو عشان القلق يبقى ف سنه واحده خلاص احنا راضيين ان القلق يكون ف السنتيين بدل ميبقى كل القلق ف سنه واحده ده ممكن لو حد ضعييف مش قوى والله ممكن يجرالو حاجه

[hehiaschool]

نص القرار الوزاري لنظام الثانوية الجديد20 لسنة 2012

http://www.thanwya.com/vb/showthread.php?t=429599