شهادة رجل من 6 أبريل و ليس من أولاد أبو إسماعيل ( مقال يشيب الرأس )

[أبو إسراء A]

شهاده احمد جمال علي ماحدث:
شهادة حق قدام ربنا على اللى حصل من اول الاشتباكات :

انا كنت جاى فى مسيرة 6 ابريل اللى رفعت اعلام الشهيد ابو الحسن .. واول ما 6 ابريل وصل بدأت الاشتباكات والحجاره كان بتترمى الاول من داخل المدينه الجماعيه على الشرطه العسكريه .. وطبعا الشرطه العسكريه كانت بترد علينا برده بالحجاره ورش الميه .. لحد ما لاامور اتطورت وابتدى الجيش يضرب غاز ورصاص حى ..

الجيش فجاه اقتحم مكان الاعتصام عشان يمشينا كلنا . كان معايا محمد حسن وهيما .. واحنا بنجرى قنبله مسيله اترمت علينا خلتنا نجرى جوا الشوارع اللى فى العباسيه .. هيما اختفى وفضلتا انا ومحمد حسن .. فى الشوارع لقينا بلطجيه بيضربوا فى ناس ومغرقينهم دم .. مكانش قدامنا غير حلين يا اما نخش نتضرب زيهم يا اما نمشى فى الغاز

طبعا اختارنا اننا نمشى فى الغاز .. طلعنا دايخين . وهنا اتفرقنا محمد مشى فى ناحيه وانا فى ناحيه .. ومن سؤ حظى دخلت انا العباسيه نفسها ... طبعا عملت نفسى مش مع الثوار وعملت مش عارف اى حاجه .. وكنت مضطر انى لما اشوف اى حد بيتضرب اقف واتفرج عليه عشان محدش يحس انى عايز اهرب من حاجه ... فضلت ماشى فى العباسيه ناحية مسجد النور .. لقيت الجيش عامل كاردون على المسجد .. واللى بيخرج منه البلطجيه بيعذبوه . والجيش عليه يستلمهم غرقانين فى دمهم ..

مشيت على طول عايز اروح ناحية مترو عبده باشا .. لقيت شاب سلفى واكتر من 20 واحد نازلين فوقه بالسكاكين من غير رحمه وفى الاخر بيقولوا سلموه للجيش . بصيت قدامى لقيت اللجنه الشعبيه . مش هعرف اعدى ... عملت نفسى مع الناس اللى ماسكه الشاب السلفى ... قابلهم ظابط جيش عشان يستلمه .. وقالهم ايوه كده يا رجاله طلعوا دين امهم كلهم

وقفت تليفونى بيرن .. مرعوب وخايف ارد من الدم اللى انا شايفه .. رجعت تانى ناحية مسجد النور ... قلت يمكن الاقى مخرج .. لقيت اشكال غريبه وواقفه مع الجيش وبيقولوا الجيش والشعب ايد واحده وماسكين اسلحه فى ايديهم .. وقفت معاهم عشان محدش يشك فيا ...
ببص حواليا لقيت كل شارع جانبى بيخرج من مجموعه مسلحه بيبقوا ماسكين واحد او اتنين ونازلين ضرب فيه بغباء .. بدون رحمه .. منهم واحد اتسلم رغم انه دماغه مفتوحه العسكرى كمل عليه

اكتر حاجه كسرتنى مش انى مكنتش عارف اخرج من العباسيه ولا انى كنت هموت .. اكتر حاجه كسرتنى لما شفت البلطجيه ماسكين شيخ كبير ومتغرق دم .. وبيسلموه للجيش والعساكر بيكملوا عليه .. حسيت انى جبان لما لقيت الظابط بيبصلى .. قلتله " الله ينور يا باشا موتوهم " ... كان لازم اعمل كده .. !!!

قابلت واحد من اللى واقفين من المنطقه بتاع العباسيه . جاى عليا راح واقف جنبى .حسيت انه شك فيا .. رحت انا مكلمه بنفسى عشان وقلتله هو فى ايه يا نجم .. قاللى انت مش عايش فى البلد ولا ايه .. السلفيين بيدخلوا علينا برشاشات ويموتونا .. قلتله عشان كده كل شويه الاقى شيخ بيتضرب .. قاللى د احنا هنموتهم .. قلتله ربنا معاكم ..

مكانش قدامى حل تانى غير انى ارجع ناحية قسم العباسيه . وهناك اللجان الشعبيه مكثفه وكلها مسلحه .. قلت انا كده كده ميت .. وهعدى وزى ما تيجى .. ..

كنت كل ما اقابل مجموعه امشى معاها . واعمل نفسى معاهم .. فضلت ماشى عايز اروح مترو عبده باشا .. كل متر الاقى واحد غرقان فى دمه وبيخلصو عليه .. اغلب اللى بيتضربوا مربيين لحيتهم ..

قربت من قسم العباسيه .. لقيت كشك على اليمين . حسيت بالخطر لان دى اكتر حته فيها . خطر وقفت عند الكشك واشترين كانز .. وقعدت ع الكرسى عشان اللى يشوفنى يفتكر انى مع البياع .. فضلت مراقب قسم العباسيه .. كل شويه ناس تيجى غرقانه فى دمها ويسلموها فى القسم .. والعساكر اللى فى القسم شايفه الناس اللى بيتضرب بالسلاح وكانه شئ عادى ... فجاه لقيت مجموعه خارجه من الشارع اللى جنب القسم من الثوار حوالى 12 واحد وبيجروا . والبلطجيه بيجروا وراهم بالاسلحه .. واتمسكوا كلهم عند القسم . وكله غرق فى دمه .. استغليت انا الفوضى اللى حاصله قدام القسم وعديت بهدؤ ...

فضلت ماشى لحد ما وصلت مترو عبده باشا .. ركبت المترو .. وسايب اكتر من 1000 واحد فى الشوارع . مش عارفين يخرجوا ..

اقسم بالله انا ما غيرت كلمه من اللى حصل من اول ما اليوم بدأ

احمد جمال

[أبو إسراء A]

دكتور محمد على يوسف من قلب الأحداث

أتحامل على نفسى و أستجمع قواى التى خارت بعد هجمة لم أر مثلها حتى أيام حكم المخلوع و جبروته لعلها تكون شهادة حق و صدق فى لحظات ساد فيها الكذب و الافتراء كما يصلنى من بعض اخوانى الذين يتصلون للاطمئنان على
صدق أو لا تصدق لكن الحقيقة المرة التى سينكرها الكثيرون أن ما حدث لم يكن بسبب اشتباكات و لا جهاديين و لا يحزنون
الحقيقة ان الشرطة العسكرية كانت قد نجحت تماما فى فض الاعتصام و احراق الخيام و المستشفى الميدانى و حصرت المتظاهرين داخل الميدان و امام مسجد نور و لم تكن هناك الا هتافات سلمية عادية و متظاهرون لا يكادون يرون امامهم من الغاز المميت الذى اطلق عليهم و مسعفون ينجدونهم بالخل و الكربونات
و فجأة و دون سابق انذار هجمة تترية من جنود الشرطة العسكرية و دوى طلقات متباينة تماما و غاز رهيب و سحل بالهراوات لدرجة انهم كسحوا الميدان فى ثلاث دقائق ليس اكثر
تخل الاف المتظاهرين يخلوا فى ثلاث دقائق! !!
اى وحشية و شراسة عوملوا بها ليخلى الميدان بهذه السرعة
ثم جاء دور البلطجية ليكملوا حصار من فروا فى البيوت و الشوارع الجانبية
ما اسوأه من منظر حين ترى البلطجى المسلح إلى ذوى الباريهات الحمراء
مشهد مؤسف لا تتصور لن تراه فى بلد قامت فيها ثورة
او هكذا زعموا
حوصر بعض اخواننا فى مسجد نور و منهم شباب كانوا معنا اقسم انهم ما دخلوا الا ليصلوا هاتفنى احدهم و هم يدخلون المسجد ليعتقلوهم فدعواتكم لهم
المهم هذا ما شهدته و هذا ما أدين لله به و لم ار غيره و الله على ما أقول وكيل
دعواتكم لان الآلام النفسية اشد ألف مرة مما يشعربه البدن و مرارة الحزن فى الحلق تكوى أكثر من فعل قنابلهلم الكاوية

[أبو إسراء A]

الشيخ أحمد السيسي من ميدان العباسية:
ما أراه ماهو حرب قذرة على أناس لا جريمة لهم إلا أنهم من الضعفة الذبن لا حيلة لهم وتخلى القوى الثورية عنهم عار فى تاريخ أدعياء الثورية والمطالبين بالحرية ويوما ما ستكر الكرة على الجميع وستدفعون ثمن تخليكم عنهم اليوم.. تذكروا أنهزيمة هؤلاء ضوء أخضر للعساكر ضد الثورة برمتها

[hragaey]

دلوقتى بقت ستة ابريل رضى الله عنها
ماكانوا كفرة وكدابين
زمن الدين على الكيف
والقتوى حسب الظروف

[أبو إسراء A]

الحق مقبول من كل من أتى به والباطل مرود على من أتى به كائنا من كان ، و فى بعض المواقف
تجد فى 6 أبريل رجال فى زمن كثر فيه أشباه الرجال .

[Khaled Soliman]

(اللهم نشكو اليك ضعف قوتنا وقلة حيلتنا وهواننا على الناس . ياارحم الراحمين.
اللهم انت رب المستضعفين . . انت ربنا . . الى من تكلنا. . الى بعيدا يتجهمنا . . او عدو ملكته امرنا . . . ان لم يكن بك غضب علنا فلا نبالي . . .ولكن عافيتك اوسع لنا . . .اعوذ بنور وجهك الذي اشرقت له الظلمات . . .وصلح عليه امر الدنيا والاخرة. . . من ان ينزل بنا غضبك. . . او يحل علينا سخطك لك العتبى حتى ترضى . . .ولاحولة ولاقوة الابك .)

[أبو إسراء A]

المشاركة الأصلية كتبت بواسطة khaled soliman

(اللهم نشكو اليك ضعف قوتنا وقلة حيلتنا وهواننا على الناس . ياارحم الراحمين.
اللهم انت رب المستضعفين . . انت ربنا . . الى من تكلنا. . الى بعيدا يتجهمنا . . او عدو ملكته امرنا . . . ان لم يكن بك غضب علنا فلا نبالي . . .ولكن عافيتك اوسع لنا . . .اعوذ بنور وجهك الذي اشرقت له الظلمات . . .وصلح عليه امر الدنيا والاخرة. . . من ان ينزل بنا غضبك. . . او يحل علينا سخطك لك العتبى حتى ترضى . . .ولاحولة ولاقوة الابك .)

اللهم آمين
جزاك الله خيرا أخى الحبيب

[أبو إسراء A]

[Khaled Soliman]

{ وَلا تَحْسَبَنَّ اللَّهَ غَافِلا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ (42) }
سورة إبراهيم

[Khaled Soliman]

قال الله تعالى {إِنَّ فِرْعَوْنَ وَهَامَانَ وَجُنُودَهُمَا كَانُوا خَاطِئِينَ}
فسوَّى الله تعالى في الخطأ والإثم بين فرعون وهامان وهما القادة من ناحية والجنود من ناحية أخرى
ولم يشفع للجنود كونهم مأمورين أو أنهم لا حيلة لهم لاسيما ونحن لا نتكلم في صغير بل نتكلم عن مذابح وإراقة دماء وليس يُقبَل فيها من الجنود الإقدام عليها بطاعة عمياء ودون تفكر وتدبر مسبق

[أبو إسراء A]

حسبنا الله و نعم الوكيل

[ام رهف]

والله اللي حصل ده بالضبط حكته ليا واحدة زميلتي زوجها كان هناك هو وابن عمتها
زوجها رجع باعجوبة وابن عمتها مارجعش لحد دلوقتي ومايعرفوش اذا كان ميت ولا عايش
حقيقي اللي شاف اللي حصل واللي سمعه وقلبه مااتخلعش من مكانه حزنا وهلعا وخوفااا
يبقا مابيحسش
لان الدم والارواح ليهم حرمة مهما اختلفنا مع اللي قدامنا او اتفقنا في النهاية هو انسان له حرمته

[فارس الازهر]

نعلم جميعا بان المجلس العسكرى هو السبب الرئيسى فى كل ما يحدث ولكن الامر الغريب لى شخصيا ما سبب وجود هؤلاء الناس عند وزارة الدفاع بالرغم من توقع ما حدث؟؟؟؟؟؟؟؟؟؟؟؟؟

محدش يقولى تسليم السلطه

[جمال صابر ابوالمجد خليفة]

احنا كل مرة نجرى وراء المصائب والكوارث هنا وهناك ونتظاهر ونتجمهر ونعتصم ومليونيات ودعاوى الى الخروج وحق التظاهر والسب والشتم والقذف والقدح والهتافات وتحت مطالب هنا وهناك والشعب يريد والثورة تريد كل ذلك بتبجح وكثير منا لم يوكلهم بذلك ولم نرضى بذلك ونعطل مصالح الدولة ونهدم بنيان ماتبقى ونهزم الجيش والشرطة والقضاء فمن اين نمضى ونسير الى سحيق بعيد وراء عصابات مريضة وللاسف يحكمون بان هذا فى الجنة وهذا فى النار ومن ينتخب هذا فهو فى الجنة ومن اعترض انطرد ماهذا من ولاكم واوكل اليكم ان تتحدثو باسم الشعب وكل مرة فهل نهدا وننصت ونطيع ونصبر قليلا ولاداعى ابدا للخروج والمظاهرات والاعتصامات وخلق جو من الفتن والصراعات وعلينا ان ننتظر حتى تمر هذه المرحلة بسلام وياتى لنا رئيس جديد منتخب من الشعب

[usernamo]

ابسط رد .. مع ان للاسف ليس لى حق " الرأى " زز لكنى سأعطى لنفسى " البجاحة " و لو قليلاً

اين دليل كلامك استاذى .. اين دليل كلام كاتب المقال سيدى الفاضل .. ما رأيته عيناى .. و انا ادعو نفسى مناضل ثورى .. " لانى اصاباتى من الثورة دى .. اكتر من اصاباتى طول عمرى فى الكورة و الكاراتيه و حدثتين سيارة "! انا أستأرفت بمعنى الكلمة من كانوا فى العباسية .. لاننا بدأنا من التحرير بمسيرة للعباسية .. و عندما وصلنا " مع انى مكنتش راضى اروح " المهم وصلنا و شفنا منظر .. ! عيال بترمى طوب على الجيش و معاهم كتير بدقون و اعلام الجهاد الاسلامية .. و ملابس عجيبة زى شال اللى بيتلبس على الدماغ ده معرفش اسمه بتاع الخلايجة .. و حى الجهاد ! و بعض العساكر اقتربوا " لطحن " احد من يقول حى على الجهاد .. و كان المستهدفين من الجيش " الذقون " و ليس الشباب .. و السبب واضح و كلنا من فى العباسية كانوا موافقين عليه .. ببساطة هما حبة منهم تبع ابو اسماعيل و حبة ظواهرى .. المهم .. رحنا ربع ساعه و معظمنا رجع .. و بعديها بساعه او ساعه و نص عرفنا ان 6 ابريل مشيت .. و معظم القوى السياسية انسحبت .. و الاخوان مكانوش هناك ! يبقى مين اللى هناك .. ؟! فضلنا نقول يا جماعه نرجع ع التحرير .. نرجع ع التحرير .. محدش بيسمعلنا .. ناس هدفها الضرب .. و العجيب و الغريب و المريب انهم مش عايزين يقتحموا لا .. دول عايزين يضربوا ! و حبة تانيين عايزن يهربوا مش عارفين .. و حبة يعينى من طلبة عين شمس مش عارفين يخرجوا من المذبحة دى !

سيدى الفاضل .. ده مكانش اعتصام سلمى .. ده كان ستهبال من شوية عيال صغيرين .. و إذ لم ترى بعينك .. الحكم غير صحيح .. و إذا كنت ذهب و رأيت فحكمك خاطئ .. أما انه مجرد موضوع .. فهذا رأيك و اقتناعك الشخصى و لا غبار عليه .. و لك الحرية فيه ما قلته كان مجرد توضيح .. و ان اه فيه ناس اطحنوا و ماتوا .. بس لما كنا هناك كنا بنقول يستحقوا .. و من ضمن اللى كان فرحانين من الضرب ده .. شباب 6 ابريل و كانوا بيقولوا نفض اعتصام العباسية . انا مش بحب 6 ابريل بس كنت معهم فى كلامهم

قال الله تعالى {إِنَّ فِرْعَوْنَ وَهَامَانَ وَجُنُودَهُمَا كَانُوا خَاطِئِينَ}

استاذ خالد .. اولاً احترامى ليك الشديد , ثانياً ملحوظة : ليس كل شخصيات القران تصلح بالتشبيه .. فطنطاوى مهما طالت قذارته .. فهو ليس فرعون ما أدراك بقيمته عند الله و لا اعرف من هو هامان هذا العصر و جنود الجيش المصرى البواسل هم خير اجناد الارض و سيظلوا ابد الدهر و هم ليسوا جنود فرعون حتى فرعون لا نعلم حتى الان هل مات كافراً ام صار مؤمن ؟! و ربك ذكر انهم كانوا مخطئين و ليس كافرين او عاصيين . فابن ادم خطّاء . و خير الخطائين التوابون . فما ادراك .. يمكن تابوا

عمتاً هذا رأيك و شأنك و هذا كان مجرد مناقشة ليس اكثر .

شكراً لحسن قرائتكم