اهو هدف والسلام

[الرهينه]

السلام عليكــم ورحمـة الله وبركاتــة ،،

هحكيلكوا حكاية اخين والديهم وافتهم المنيه " خلوا بالكوا اخين يعنى عايشين فى نفس الظروف الماديه والمعنويه وخلافه"

* الاول "س" مش عاجبه انه يعيش من غير هدف احساسه ده دفعه انه يعمل مشروع خاص بيه بدأ صغير ومن غير مساعدة حد بس عشان كان عنده اصرار وثقه بنفسه المشروع كبر واصبح من اكبر المشاريع فى بلده وما اكتفاش بالمشروع ده وكمان تواصل مع دار ايتام وبدأ يعتبر نفسه مسئول عن الاطفال وبيحاول يخفف عنهم الحرمان الاسرى اللى متعودين عليه ومن خلال مساعدته ليهم حس ان حياته ليها هدف وكل اللى يعرفه كان فخور بيه جدا

عاش من اجل هدف تعب جدا من اجل تحقيقه اجتاز صعوبات كتير جدا الصعوبات دى كانت بتحفزه وتشجعه اكتر على الاستمرار والعلاء بنفسه وبغيره


..............................................

* الثانى "ص" برده ماكنش عاجبه انه يعيش من غير هدف بس هو بقى اتجه اتجاه تانى خالص كانت وجهة نظره مادام انا عايش من غير هدف يبقى اموت من اجل هدف وقرر انه يسافر العراق ويحارب ويموت شهيد

مات من اجل هدف اختصر الطريق بدلا من مواجهة الصعاب من اجل تحقيق هدف يعيش من اجله خد الطريق من اخره وسافر ولم يعد




دلوقتى بقى من وجهة نظر كل واحد فيكوا ايهما افضل انك تعيش من اجل هدف ولا تموت من اجل هدف ؟؟