امتحان غريب

[أستاذ / ميلاد موريس]

امتحان غريب جدا ...
واضع الامتحان حب يتفلسف ويطلع بامتحان يتباهي بيه .... هربيت منه
مكنش امتحان كيمياء
1. ولا كيف تميز
2. ولا تحويلات وكيف تحصل
3. وأجزاء كتيره مجبش منها وركز علي موضوعات معينة بس
4. واسئلة احتار فيها المدرسين قبل الطلبة
5. سؤال البوتاسيوم الغريب مش واضح بس هو اكيد يقصد الاكسيد المثالي طالما ذكر النشادر

[Lyonenyo]

وأنا رايح الإمتحان الصبح

بقى راجعت المنهج كله وفرحان وحافظ كل أنواع المعادلات والصيغ والتمييزات والمسالئل الصعبة المدمرة الفتاكة اتدربت عليها كلها

وي الاخر يطلعلي حتى مسالة معوووووقة زي دي

ههههههههه

يلا الحمد لله اني حليت ال6 أسئلة

أعتقد هنقص نصف درجة فقط إن شاء الله

بعد كل هذه الكوسة

لاني عملت x- + e >>>>> x دلتا H -
هيا المفروض -x + e >>>>> x

وللا ممكن تمشي ؟

[أمورة بس مش مغرورة]

والله حرام هما بيعملوا معانا كده ليه طبعا الحمد لله على كل شئ بس من التوتر فى آخر سؤال بدل جهد تأين ثانى عملتها أول هى عليها درجة كاملة؟؟

غير كده فى المصطلح أول واحدة عملتها سحابة وأنا متأكدة إنها أوربيتال طول عمرى كنت بحلها صح أول مرة أنسى السؤال ده فى الإمتحان هل ممكن تتحسبلى صح ؟؟

[sheko ghost]

نمره خمسه ازاى اكسيد مثالى دا لو عملتها كده عمر مالمعادله هتتظبط زى المطلوب

[أمورة بس مش مغرورة]

المشاركة الأصلية كتبت بواسطة sheko ghost

نمره خمسه ازاى اكسيد مثالى دا لو عملتها كده عمر مالمعادله هتتظبط زى المطلوب

هى بصيغو السؤال (نشادر مسال) المفروض أكسيد مثالى وأنا عملتها كده وساعتها عمرها ما تطلع

أعتقد أن واضع الإمتحان كان يقصد السوبر أكسيد ولكنه أخطأ فى صيغة السؤال

[falcon2011]

انا هقول بس كلمتين
الحمد لله
ويارب يوفق الجميع ويدخل الكلية الى عايزها

[Steerforth]

المشاركة الأصلية كتبت بواسطة أستاذ / ميلاد موريس

امتحان غريب جدا ...
واضع الامتحان حب يتفلسف ويطلع بامتحان يتباهي بيه .... هربيت منه
مكنش امتحان كيمياء
1. ولا كيف تميز
2. ولا تحويلات وكيف تحصل
3. وأجزاء كتيره مجبش منها وركز علي موضوعات معينة بس
4. واسئلة احتار فيها المدرسين قبل الطلبة
5. سؤال البوتاسيوم الغريب مش واضح بس هو اكيد يقصد الاكسيد المثالي طالما ذكر النشادر

وهل يتفق هذا مع ارقام السؤال نفسه ؟؟

[الاستاذ محمد الطنطاوى]

المفروض السؤال كان يقول كم عدد مولات الاكسجين اللازم اضافتها الى مول من البوتاسيوم المذاب فى النشادر ويحذف الجزئية الاخيرةلتحصل على مول من الاكسيدساعتها حتكون الاجابة ربع مولاعتقد ان السؤال دة ممكن يتلغى ودرجتة تتوزع

[عاطف معوض]

طبعا امتحان غريب ولا يميز بين الطالب المجتهد والطالب المتوسط
مش عارف اللي بيحطوا الامتحان ويراجعوه كذا مرة ازااااااااااااااى يطلع بهذا المظهر السيء؟؟؟؟

[حسن الوليد]

التصحيح لابد ان يراعي الطالب يا مدرسين يالي بتروحوا تصحيح مراعاة الطالب
مراعاة الطالب
مراعاة الطالب في اربع نقاط في الامتحان
طبعا عدد مولات الاكسجين
السؤال الاول رقم 1 في اختر
السؤال الثاني رقم 1 المصطلح
السؤال السادس5 مول من الهيدروبروميك

[dodyman]

فعلاً ازاي امتحان كيمياء ميكونش فيه معادلات ولا تحويلات , حاجة غريبة واسئلة اول مرة الواحد يشوفها مألفها من دماغ , كان ممكن يعمل امتحان متوازن اكتر من كده لإن حرام فعلاً اكتر من 150 معادلة في المنهج مهمة ميجيش منهم غير خمسة ستة !!!!!!!!!! والـ organic عليه نسبة قليلة ولا انا متهيألي , .. بس هو امتحان خرج من مفهوم امتحان كيمياء لثانوية عامة

السؤال الوحيد اللي انا كطالب احترم اللي حط الامتحان فيه هو السؤال بتاع الخمس مولات بتوع HBr , غير كده مفيش واساساً انا قعدت احل المسألة بتاع البوتاسيوم اكتر من مرة ورياضياً المسألة غلط اصلا
كان ممكن الاجابة بتاع ربع مول تكون صح بس لو شال اخر جزء من المسألة وهو انه يطلع واحد مول من الاكسيد .. لأن واحد مول من البوتاسيوم وربع مول من الاوكسيجين مش هيطلعوا واحد مول من الاكسيد
حاجة غريبة