انا شكلى وحش وعمرى ما هيجلى عريس

[جمانة2]

السلام عليكم حبيباتى


الموضوع ده بخصوص بنتين صحابى لا دول مش صحابى دول اخواتى ويمكن اكتر ربنا يخليهم لى يارب

المهم البنتين دول اخلاق وتربيه وادب ودين وولاد ناس طيبين بدأوا حياتهم من تحت الصفر وربنا طبعا كريم

البنتين دول شكلهم الخارجى مش حلوين مع انى انا والله بشوفهم قمرات بس الصراحه هما مش حلوين

لكن الحمد لله بيحمدوا ربنا على خلقتهم وعندهم ثقه كبيره فى نفسهم وطبعا فى الله

[size="5"][color="Black"]بنات عماتهم (هما البنتين اخوات) كانوا دايما يعايروهم انى هما اتاخروا فى الزواج مع انهم مش كبار

بس هما عشان صعايده وبيتجوزوا بدرى ودول وصلوا لسن 24_25 سنه فبيعتبروهم كده عوانس

المهم بنات عماتهم دول متجوزين جوازات ما يعلم بيها الا ربنا وتعبانين فى حياتهم ومع ذلك كانوا برضه يذلوا فيهم وانتوا مين

هيبص لكم وفى مره واحده من بنات عماتها قالت لها عندنا ابن البواب بيدور على عروسه وانا قلت لى عندى اتنين بس مش قد

كده المهم انا قلت له هبقى اتفق معاهم واخليك تشوفهم وتختار

وطبعا طريقتها واسلوبها فى المعاييره كانت جرحاهم قوى وهما مش اقل منها عشان تكلمهم بالشكل ده بس برده

مردوش عليها وشالوا فى نفسهم وقعدوا يعيطوا بس هما عندهم ايمان بربنا وبقضاءه وقدره

وتمر فتره ويروحوا عشان ياخدوا كورس انجليزى فى احدى الجامعات ويتعرفوا بشابين اخوات برده كانوا رايحين

ياخدوا كورس وينشا بينهم قصه حب ويروحوا الشابين يتقدموا لخطوبتهم شوفوا بقى نعمه ربنا

الشابين لديهم شركه سياحه كبرى فى احدى البلاد الاوروبيه ولسه فاتحين فرع جديد هنا فى القاهره على قدر عالى

من الجمال ومستوى مادى عالى يعنى سافروا وشافوا بنات احلى منهم ميت مره لكن يشاء السميع العليم

انى هما ميحبوش غير البنتين دول وان شاء الله دخلتهم فى العيد الصغير وهيسافروا باريس يقضوا شهر العسل

هناك ويصفوا شغلهم اللى هناك ويجوا يقعدوا هنا فى القاهره

وفعلا ان الله كريم ويحب عباده الصالحين الصابرين اوعى تقولى انا وحشه ومش هيجى لى حد كويس اوعى تقولى فلانه احسن

منى خلى ثقتك بربنا كبيره لو الموضوع عجبك قيمى وهستنى ردودكم الحلوه اسال الله الخير لى ولكم..
منقوووووووووووووووووووووووووووووول
ادعولى ان اكون
من اهل الفردوس
الاعلى