ياريت تساعدنى لو تعرف

[Yes We Can]

ازيكم كلــكم
عاملين ايه
ياريت الاخد اقتصاد و احصاء يقولى هل هى سهله و لا متوسطه و لا صعبه

و كام باب و ايه السهل
وهل هى طويله و ايه اخبار الاحصاء عامله ازاى
و مسائلها ازاى فيها رسومات و لا مسائل لفظيه
و هل طويله الحل او فيها افكار

اصل انا قدامى اختار فلسفه و لا اقتصاد و احصاء
ياريت تقولولى رايكم

مع العلم
هيكون معايا معاهم تاريخ و جيلوجيا اساسى مع العربى و الانجليزى مع فلسفه او اقتصاد و احصاء
ارجوووووووكم ساعدونى

[خالد مصطفـى]

والله آسآحبي مش آعرف

انآ وآخد جغرافيآ , گل النآس قالتلي دي سهلههْ ..

[نقاء القلوب]

بص انا كنت اخده علم نفس بس نصيحه بجد كل اصحابى الادبى كانوا اخدين جعرافيا وبيقولوا انها سهله وصغيره جدا اما الاحصا انا معرفش مكنش فيه غير واحده بس فى المدرسه كلها اللى اخداها بس ليه يعنى الاتنين دول بالذات

[Yes We Can]

لانى مش بحب الجغرافيا نهائى
و دول المواد الادبى المتاحه
فياريت الاخد اقتصاد و احصاء او فلسفه ينصحنى
و شكرا لردكم

[ahmed H capo]

مش عارف بس انا اسمع ان الجغرافيا مش لذيذه خالص

[yaryorah]

اللى انا اعرفه ان الفلسفه سهله ومنهجها صغير
جربى تسألى عنها وهتلاقيها افضل انشاء الله
ودايما امتحانتها سهله

[Єlkatkota Єmy]

فلسفة طبعاااااااا

كله بياخد فيها 50 بأقل مجهود

وتصحيحها بيكون سهل جدا


انما الاقتصاد والاحصا كالأتي

الاقتصاد عبارة عن جغرافيا
والاحصا عبارة عن رياضة

وتصحيحها بيكون دقيق شوية

توكلـ / ـي علي الله وخد/ي فلسفة

[Yes We Can]

يعنـى من رائيكم الفلسفـه حلوه
و لا اقتصاد و احصاء
اصل معايا
تاريخ و جيلوجيا و عربى و انجليزى
و مجموعى السنه دى مش هيبقى حلو اوى
ايه رايكم

[Islamic spirit]

انا كنت اقتصاد واحصاء هي والله كويسة الاقتصاد 6 ابواب والاحصاء خمسة بس اخر بابين صغيرين اوي هي كانت متوسطة يعني الاقتصاد حفظ و بيكلم عن المشكلة الاقتصادية والعمل والانتاج القومي ودور الدولة والعلاقات الدولية والنقود والبنوك هي حاجات كلها او معظمها حفظ والاحصاء بتتكلم عن الاحتمال(كنا واخدينه في اعدادي) وشوية قوانين وجداول بس هي كويسة وسهلة اوي بس عايزه حل ولو حليت السنوات السابقة هتبقي تمام فيها..