دعوة معلمين الغربية لوقفة احتجاجية واعتصام فى مديرية التربية والتعليم بمحافظة الغربية

[s.skr79]

قررت محافظة الغربية من خلال ورقة معلقة على باب الماهيات خصم 150 جنية شهريا من مرتبات المعينين 1/3/2011 وذلك على النحو التالي

1- خصم 29 جنية من علاوة 2008 حيث كانت 43.20 بواقع 30%على اساسي وقتها 144جنية عام 2008وبإعادة حساب العلاوة على مربوط الدرجة الثالثة وهو 48 جنيه بإعتبار اننا لم نكن موجودون بالخدمة تكون ال30% = 14 جنيه اذن 43تصبح 14 ويخصم 29 جنيه0


2-خصم 10.08 جنية من علاوة 2009 حيث كانت 14.88 بواقع 10%على اساسي وقتها وهو148.80 جنية عام 2008وبإعادة حساب العلاوة على مربوط الدرجة الثالثة وهو 48 جنيه بإعتبار اننا لم نكن موجودون بالخدمة تكون ال10% = 14.88جنيه اذن 14.88تصبح 4.80 ويخصم 10.08 جنيه


3-خصم 10.56جنية من علاوة 2010حيث كانت 15.36 بواقع 10%على اساسي وقتها وهو153.60جنية عام 2010وبإعادة حساب العلاوة على مربوط الدرجة الثالثة وهو 48 جنيه بإعتبار اننا لم نكن موجودون بالخدمة تكون ال10% = 4.80جنيه اذن 15.36تصبح 4.80 ويخصم 10.56جنيه

3-مجموع الخصومات 29+10.08+10.56=49.65جنيه يجب ان تخصم من تاريخ التثبيت الذى مر علية سنة ونصف وبالتالي كنا بنقبض مرتب زيادة عما نستحقة طوال هذة المدة فيخصم بأثر رجعي بواقع 150 جنية شهريا لمدة سنة ونصف ثم يصبح الخصم محو 73 الى الابد

[martinhobby]

أحلى خبر سمعتة فى حياتى

[راضى كريم]

طيب تاريخ اول تعاقد ليكم امتى وانا هشوف الموضوع

[flower scent*]

استاذ راضى حضرتك مدرس ولا مسئول ؟؟
عموما احنا اغلبنا تعاقد 2005

[هشام الضبع]

هو انتم فى الغربية بتقبضوا فى الشهر كام ؟ يمكن بتاخدوا أكثر احنا فى البحيرة بنقبض 588 جنيه

[s.skr79]

ادعو كل المثبتين تعيين 1/3/2001 لوقفة احتجاجية واعتصام يو الخميس القادم12/7/2012 لان الماهيات سوف ترجع الخصم مرة اخرى وهى 150 جنية من المرتب الناس كلها حتزيد 15فى المية واحنا الوحدين فى الدولة حيتخصم منا هذا المبلغ الكبير وطبعا كل واحد فينا وراة كم من المسئوليات ومش كدة وبس لازم نطالب بضم السنين السابقة لاننا لو ضمناها مش كل شوية حيخصموا منا لاننا المحافظة الوحيدة الى حيتخصم منها يا رجالة ويا معلمات لابد الوقفة وبعدد كبير من كل المراكز واحنا مركز كفر الزيات سوف يذهب وبكثافة ونحن نناشد اهل المحلة وسمنود وقطور وبسيون وطنطا وزفتى وجميع من اتعين فى 1/3/2011 ان ياتى لاننا معظمنا اصحاب عيال ومنا من يريد الزواج واحنا كنا دائما يد واحدة من اول ما اتعينا ولابد اخواتى ان نكمل مسيرتنا من اجل حقوقنا وحقوق اولادنا

[haby_dody]

تعيين 1/3 بس ولا معه تعيين1/7

[مروة مشمش]

يا جماعة لازم نتحرك في الدراسه كنا بتحجج بشغلنا إحنا دلوقت في إجازة ولازم كل واحد يكلم اي حد يعرفه تلفونيا ويأكد علي الميعاد يوم الخميس القادم المرات الي فاتت كان عددنا قليل والمنظر كان 00000 وأقترح عدم العودة من الشباب والمبيت بمكان الاعتصام والضغط بكل قوة

[A7waly]

احنا فى الغربية بنقبض 488 جنية والحوافز 146 جنية

[حازم دهب]

الناس دى بتجيب الفلوس دى منين

[جهادمم]

يا جدعان مش حينفع لازم بجد كلنا نقف علشان الكلام دى مينفعش مش كل شوية يجى مسئول حمار ويلعب بنا

[سامح غريب]

أنا إن شاء الله معاكوا و شوفوا لو عايزين تعملوا بانرات و تكتبوا عليها كلام انا برضو معاكوا انا من طنطا و تحت الخدمة

[وليد غربية]

الأخ الفاضل : s.skr79 برجاء رفع صورة من الفاكس الذى تم نشرة فى ادارتكم وذلك حتى يراه الجميع ويعلم مدى مصداقيه الكلام .

المشاركة الأصلية كتبت بواسطة s.skr79

ادعو كل المثبتين تعيين 1/3/2001 لوقفة احتجاجية واعتصام يو الخميس القادم12/7/2012 لان الماهيات سوف ترجع الخصم مرة اخرى وهى 150 جنية من المرتب الناس كلها حتزيد 15فى المية واحنا الوحدين فى الدولة حيتخصم منا هذا المبلغ الكبير وطبعا كل واحد فينا وراة كم من المسئوليات ومش كدة وبس لازم نطالب بضم السنين السابقة لاننا لو ضمناها مش كل شوية حيخصموا منا لاننا المحافظة الوحيدة الى حيتخصم منها يا رجالة ويا معلمات لابد الوقفة وبعدد كبير من كل المراكز واحنا مركز كفر الزيات سوف يذهب وبكثافة ونحن نناشد اهل المحلة وسمنود وقطور وبسيون وطنطا وزفتى وجميع من اتعين فى 1/3/2011 ان ياتى لاننا معظمنا اصحاب عيال ومنا من يريد الزواج واحنا كنا دائما يد واحدة من اول ما اتعينا ولابد اخواتى ان نكمل مسيرتنا من اجل حقوقنا وحقوق اولادنا

إن شاء الله يوم الخميس اتمنى ان تكون واقفه صادقة من القلب مثل واقفة التعين كلنا ايد واحدة واتنمى أن يتم حشد الزملاء من الأن لهذه الواقفة مطلبنا هو

- ضم المدة التى كنا متعاقدين عليها ودة حقنا .

[ابراهيم قنديل11]

ان شاء الله نجيب حقنا ولاز نكمل ونقف مع بعض احنا فى اجازة مش عاوزين كسل ولا تخاذل وناس تعتمد على غيرها انا كنت النهارده فى الادارة بس فيه ناس لسه مكبرة وان شاء الله حنروح يوم الخميس ادارة كفر الزيات مدرسة بنوفر للتعليم الاساسى

[memmy]

المشكله ان ادارة شرق راحوا سالوا فيها الماهيات قالولهم انتوا جيبتوا الكلام ده منين ، مرتبات 7 اتعملت زي ماهي ، وبعدين انتوا مرتبكم فيه كام 150 جنيه عشان تتخصم ، والحكومه بتقول انها هتزود المرتبات يبقى ازاي هتخصم منكم ؟
وبناء عليه في ناس طبعا لما بنقولهم في وقفه بيقولوا احنا سالنا وبيقولوا مافيش حاجه
وطبعا احنا عارفين انها مسالة وقت على ماالقرار يوصل كل الادارات ، بس في ناس قمة السلبيه