شنطة حمزاوي تثير ردود أفعال متباينة

[Khaled Soliman]

شنطة حمزاوي تثير ردود أفعال متباينة بين النشطاء
http://www.elmokhalestv.com/index/details/id/32929
Date: 2012-07-05 14:45:18

أثارت دعوة النائب عمرو حمزاوي لجمع التبرعات لتوزيع شنط رمضان في حي مصر الجديدة ردود أفعال متباينة بين النشطاء السياسيين.

البعض أثنى على هذه الدعوة باعتبار أنها من أفعال الخير، والبعض الآخر قال إن هذه الأفعال كان يقوم بها الإخوان المسلمون منذ عشرات السنين لمساعدة الفقراء وتم اتهامهم بأنهم يوزعونها من أجل الانتخابات.

يقول "محمد الفقي" أحد النشطاء: "يا رب يجعله في ميزان حسناتك، بس بالله عليك ما تجيش إنت والنخبة والإعلاميين تقولوا إن الإخوان والسلفيين بينجحوا بشنط رمضان والزيت والسكر".

أما "محمد البحيري" فيقول: "اللي حضرتك بتبدأ فيه.. الإخوان بدءوه من عشرات السنين.. وقولتوا عليهم بتوع زيت وسكر".

فيما قال مصطفى عثمان: "مش خايف يا دكتور لما تيجي الانتخابات حد يقولك إنت بتعمل رشاوي انتخابية بالسكر والزيت، أنا مش بقول كده عشان متوزعش الحقيبة الرمضانية ده عمل كويس وجميل وربنا يجازيك بيه خير وحسب نيتك، لكن الإخوان برضو مكسبوش رضا الشعب بس عشان هما بيوزعو زيت وسكر وشاي وشنطة رمضان، لأ.. بيقفو جنب الناس في حاجات كتير وعلى قدر استطاعتهم، وأنا بشكرك باعترافك أنهم كانوا صائبون في فعل الخير وكلمة الحق وقول الحق في وجه سلطان جائر، وأن لا تقتصر في دعايتك على الحقيبة الرمضانية أنك تدور علي الناس المحتاجة فعلا للفلوس وتتصدق عليهم براتب شهري مثلا، ولكن تساهم في جمع تبرعات لمشاريع ذات قيمة في المجتمع خيرية كانت أو استثمارية المهم أن ينتفع به الناس وتكون سبب في تزويج شاب أو قدرة أسرة على إعالة نفسها بنفسها، وجزاك الله خيرًا علي ما تفعله".

كان حمزاوي قد دعا، المواطنين للمشاركة في تجهيز وتوزيع شنط رمضان للمحتاجين بدائرة مصر الجديدة وبالصعيد ومناطق أخرى برعاية فريق "معًا نصنع مصر الجديدة" و"مؤسسة نبني".

تكلفة الشنطة 65 جنيهًا، وتحتوي على كيلو بلح ناشف، و4 كيلوات أرز، و2 كيلو مكرونة، وكيلو لوبيا، وكيلو فاصوليا، و2 كيلو سكر، وكيلو سمنة، و750 ملي زيت، وعلبة صلصة 350 جراما، و400 جرام قمر الدين، و250 جرام شاي.