''وزارة الكهرباء تتمني لكم صيفاً سعيداً''.. سخرية المصريين من ''قطّع النور''

[alqadhi]

''مصر هى البلد الوحيدة اللى الكهربا بتقطع فيها اكتر ما بتيجي ''.. بهذه الكلمات عبر المصريون عن تذمرهم من انقطاع التيار الكهربائى عن الكثير من المناطق لفترات طويلة من اليوم، خاصة وأننا فى فصل الصيف، والحياة تصعب فيه بدون ''المراوح أو المكيفات'' .

انقطاع الكهرباء أثار موجة كبيرة من السخرية على مواقع التواصل الاجتماعي ''فيس بوك'' وتويتر'':'' فى كل شارع فى بلادى.. الكهربا بتقطع يوماتى''، '' فى أوروبا والدول المتقدمة.. ساعات الكهربا بتقطع.. فى مصر ساعات الكهربا بتيجي''، ''إيدي النور يا بهية..عشان هيقطع كمان شوية''، ''وزارة الكهرباء تتمني لكم صيفا سعيداً''.

كما أثار الأمر إبداع بعض الموهوبين؛ فكتبت الشاعرة مروة جمال الدين: '' فينا اللى مكفينا يا حضرة..هم الدنيا فينا بحور.. يعنى لا ناقصة أسعارك.. ولا كات ناقصة قطع النور''.

وقامت صفحة ''كلنا خالد سعيد'' بعمل استطلاع رأى أوضح أن حوالى 90% من 19 ألف شخص قد شاركوا فى الاستطلاع وأكدوا انقطاع التيار الكهربائى عن منازلهم خلال الثلاث أيام الماضية .

وكانت من التعليقات المريرة على الانقطاع المتكرر للتيار الكهربائى: '' ياريت على الضلمة وبس.. طول ما الكهربا مقطوعة الموتور مش شغال.. وبناء عليه الميه مقطوعة.. ده غير الفرن اللى احنا بنتشوى فيه طول النهار '' .

مصدر الخبر :

http://www.masrawy.com/news/Egypt/Po...9/5196308.aspx

[عاشق البلانكو الابيض]

مشكلة كبيرة بجد
النور على طول كده شكلهم
واخدين سياسة الدور هنا شوية وهنا شوية
واحنا اللى بيطلع عينا فى الجو ده
شكررا على الخبرررر

[أبوبسملة ياسر خليفة الطحاوى]

يا جماعة دى فعلا مشكلة

طيب عندنا فى الارياف فى الصعيد عدد كبير من الناس ليس لديها المكيفات ولا المبردات

ومع ذلك النور بيقطع عن القرية كل محول ساعتين

وعن جميع البلد ساعة كمان

يصبح الاجمالى بالليل 3 ساعات

وسألت زميل لي مهندس فى شركة الكهرباء بالمنيا

قالى

معاكى على كده لآخر رمضان


ربنايستر

رمضان كريم وصيف جميل
ههههههههههههههه

[صوت العقل]

معاناة بجد .. بس واضح ان
المحافظات كلها بتعانى ..
ربنا يستر وتمر الايام دى بسلام ..
جزاكم الله خيرا

[eng.hamada]

عندنا بيقطع فترة صباحية من الساعة 8 للساعة 11 كده

والفترة المسائية من الساعة 7:30 للساعة 11:30

يعنى بمعدك 7 ساعات يومية

ده بالزمة حلال ولا حرام وده كمان فى الصيف

يعنى اجارك الله

[عزازى عبده محمود]

أرجو من الحكومة وخاصة وزارة الكهرباء والبترول الرحمة بالشعب المصرى ويبطلوا تمثيلية تخفيف الأحمال اللعبة مكشوفة وهو أن يكرهوا الناس فى أنفسهم وفى الثورة وفى البلد كلها اشمعنى قصة الانقطاع المتكرر والطويل للكهرباء بحجة نقص الغاز والمازوت مظهرتش الا هذه الأيام الحر هو هو والأجهزة عادى مازديتش كتير طيب هناك سؤال منطقى عندما كان يصدر الغاز لاسرائيل الكهرباء كانت معقولة وانقطاعها فى الريف عندنا نادر الآن الغاز ممنوع عن اسرائيل وقد وقف تصديره ومع ذلك سبحان الله هناك نقص رهيب فى الغاز كماتدعى الكهرباء والأغرب أن انقطاع الكهرباء فى الريف شئ عادى ولكن الكهرباء تقطع عندنا فى فاقوس والزقازيق بشكل متكرر وأوقات طويلة وكان هذا فى الماضى من المستحيلات أن تنقطع الكهرباء فى المدينة ولكن برافو المجلس العسكرى ومسئولى الكهرباء والبترول بصراحة عفارم كرهتم الناس فى نفسها وفى الثورة وفى البلد اللعبة انكشفت بلاش ضحك على الناس اتعظوا الموت قادم لا محالة الله يرحم السيد عمر سليمان

[خليل اسماعيل]

على فكرة قبل الثورة كانت الكهرباء تقطع عن الارياف فقط بالساعات يومياً واتذكر في رمضان الذي كان قبل الثورة كانت الكهرباء تقطع بشكل مستمر بالساعات ليلاً ومن المُلفتُ للنظر بعد الثورة مباشرةً اي العام الماضي لم تقطع الكهرباء بهذا الشكل ولكن هذا العام اصبحت الكهرباء تقطع عن جميع محافظات مصر لذلك سمعنا هذه الضجة الكبيرة فهل فعلاً يوجد قصد من قطع الكهرباء مع العلم ان في دول الخليج الحرارة اشد من هنا بكثير ولا تقطع الكهرباء نهائياً

[مروه]

بجد الحكاية زادت عن حدها جدا

وعمرها ما كانت بالشكل ده قبل كده