يلا هنكمل على النظام القديم ولا هنختار النظام الجديد

[annoccc]

السلام عليكم و رحمة الله وبركاته
أنا عملت الصفحة دى لكل الطلاب الموجودين فى الثانوية العامة سواء مرحلة أولى أو تانية ، وكمان سواء الذين سيدخلون لأول مرة أو الموجدين من السنة الماضية ، يعنى الكل له حق الاختيار هذا العام ، ودا كلام مش من فراغ أنا تأكدت بنفس من الجهات المختصة .
خلاصة لما توصلت اليه فى هذا الموضوع ، و بعد أن تابعت بعض الأخبار من الجرايد وخلافه وكذلك اتصلت هاتفياً بكنترول امتحانات الثانوية العامة فقالوا لى أن كل من هم موجودين فى المرحلة الأولى من الثانوية العامة سواء من الموجودين من العام الماضى أو الذين يدخلون لأول مرة لهم الحق فى أن يكملوا دراستهم بأى نظام يختاروه ، مع كتابة اقرار ممضى من ولى الأمر ليكمل الطالب بالنظام الذى يختاره .

و أنا لى وجهة نظر هنا وهى أن الذين يخافون من النظام الجديد لأنه كالمجهول و مواده كثيرة ، فهناك فرصة العمر و هى أن يختاروا ما بين الدراسة بالنظام القديم (السنتين) ، أو على النظام الجديد يعنى كتر المواد وتقلها .
دا أنا كمان كنت سامع ان طلاب سنة ثالثة ثانوى السنة دى لهم أيضا الحق فى أن يختاروا على أى نظام ممكن يدرسوا بيه.

أنا شايف ان هذه فرصة كبيرة وخدوا بالكم ان لما يبقى فيه نظامين ماشين مع بعض هيكون لكل واحد منهم امتحانات مخصوصة بيه ، وتختلف عن امتحانات النظام التانى ، يعنى فيه اختلاف فى درجة صعوبة الامتحانات فى كل منهم ، و أنا رأيى ممكن يخلوا الامتحانات سهلة فى النظام القديم عن النظام الجديد عشان يخلصوا من الناس الموجودة دى و بكدة ترتفع مجاميعهم عن الموجودين فى النظام الجديد [ما هو لسة بيجربوا فيهم هيروحوا منهم فين] ، و بكدة تتأثر المجاميع و كمان يتأثر التنسيق و بالتالى الكليات الى هندخلها باذن الله ، عشان كده أنا إن شاء الله هكمل بالنظام القديم لأنو نظام أنا فاهمه وعارفه كويس ، و كمان الأساتذه احترفوا النظام ده ، و عارفين من أين يؤكل الكتف ولا ايه .
لأجل ذلك فكروا فى الفرصة دى و ما ضيعوهاش من ايديكم لأنها ممكن ما تتكررش تانى و ساعتها نقول ياريت الى جرى ما كان ، والعلم عند الله .

و السلام عليكم ورحمة الله وبركاته

[annoccc]

يلا الكل يدخل و يعرفنا بنفسه الاسم والمحافظة والمرحلة و حابب يكمل على أى نظام و ياريت يقولنا تصوراته عن النظام الى عاوز يدرس بيه

[annoccc]

ايه يا جماعة مالكم مفيش أى آراء عندكم ،و لا انتوا أول مرة تسمعوا عن حاجة زى كدة ، دى حاجة مصيرية و تهمنا كلنا ، مأظنش ان فى واحد مننا مهموش مستقبله و أى كلية ممكن يدخلها .
و أظن كمان انى موضوع اختيار نظام معين دون الآخر هو أهم ما سيؤثر على درجاتنا و بالتالى الكليات التى يمكن اننا نروحها ، ولا ايه

عشان كدة أنا بطلب منكم اننا نكون راى حول ذلك الموضوع و منبخلش بآراءنا عشان نشوف الصور واضحة للجميع .
و بالتوفيق للجميع ، والسلام عليكم و رحمة الله وبركاته .

[annoccc]

يلا يا جماعة متتخازلوش

[asmaa232]

شوف ,, انا مقرأتش الموضوع لأنه طويل وكمان كنت قريت كلامك قبل كدا ف موضوع تانى
عايزة اقولك ان حضرتك فاهم غلط
الكلام اللى انتى بتقوله وموضوع الاختيارى دا واننا نختار بين النظامين دا للى هما راسبين ف سنة تانية السنادى من حقهم انهم يمشوا ع النظام القديم عادى او الجديد انما الدفعة الجديدة اللى داخلة تانية هيطبق عليها النظام الجديد

بالتوفيق

[طالبةُ التفوقِ]

المشاركة الأصلية كتبت بواسطة asmaa232

شوف ,, انا مقرأتش الموضوع لأنه طويل وكمان كنت قريت كلامك قبل كدا ف موضوع تانى
عايزة اقولك ان حضرتك فاهم غلط
الكلام اللى انتى بتقوله وموضوع الاختيارى دا واننا نختار بين النظامين دا للى هما راسبين ف سنة تانية السنادى من حقهم انهم يمشوا ع النظام القديم عادى او الجديد انما الدفعة الجديدة اللى داخلة تانية هيطبق عليها النظام الجديد

بالتوفيق

ايوة يا سمسمة كلامك صح الاختيار ده للى كان فى تانية السنة دى لكن ايلى داخلين تانية على النظام الجيد

[annoccc]

المشاركة الأصلية كتبت بواسطة asmaa232

شوف ,, انا مقرأتش الموضوع لأنه طويل وكمان كنت قريت كلامك قبل كدا ف موضوع تانى
عايزة اقولك ان حضرتك فاهم غلط
الكلام اللى انتى بتقوله وموضوع الاختيارى دا واننا نختار بين النظامين دا للى هما راسبين ف سنة تانية السنادى من حقهم انهم يمشوا ع النظام القديم عادى او الجديد انما الدفعة الجديدة اللى داخلة تانية هيطبق عليها النظام الجديد

بالتوفيق

المشاركة الأصلية كتبت بواسطة طالبةُ التفوقِ

ايوة يا سمسمة كلامك صح الاختيار ده للى كان فى تانية السنة دى لكن ايلى داخلين تانية على النظام الجيد

أولا السلام عليكم ورحمة الله وبركاته
ثانيا أنا أشكركم على آرائكم ، و لكننى دائما ما تعودت ألا أخوض فى موضوع الا عندما ادرس كافة جوانبه ، و أتأكد منه تماما و خصوصاً هذا الموضوع الهام والحيوى و الذى يحدد مصير كل واحد منا فهو يلامس مستقبلنا من دون شك و يؤثر على الجو العام لتنسيق الذى سنمر به كلنا بمعنى كيف يمكن المساواة فى التسيق بين من يمتحنون امتحانات بالنظام القديم وفى نفس الوقت بين من يمتحنون بالنظام الجديد ، مع العلم أنه بالتأكيد هناك مستويات مختلفة من الصعوبة بينهما .
و انا عاتب عليكما عندما قالت الأولى منكن أنها لم تقرأ موضوعى كله مما يعطيها هى فهماً خاطئاً من دون شك ، أمال هتعملى ايه فى مذاكرة المواد دى كلها دا مئات الصفحات ولا احنا مش فالحين غير فى الهزار وبس ، أما الأخت الأخرى وهى باسم [طالبة التفوق] ، فأيضاً أكدت على كلامها [و بسخرية] بدون ما تتأكد وهذا خطأ فلقد ظلمت و أسأل الله لها و لنا العافية .

المهم بدون اطالة على الجميع لدى كافة الأدلة الحاسمة على ما أقول ومن قلب هذا المنتدى الجميل الذى يوفر لنا دائما ما نحتاج اليه من معلومات ، وكذلك يوفر لنا ساحة لابداء الآراء والتواصل البناء ، واليكم أولا الرابط من منتدنا العظيم والذى به نص قانون الثانوية العامة الجديد

http://www.thanwya.com/vb/showthread.php?t=429599
و خدوا بالكم من المادة السادسة فى نص القانون الخاص بطلاب الصف الثانى الثانوى ، و دا الرابط لنفس الموضوع مع توضيح المادة المذكورة [باللون الأحمر] :-
http://www.thanwya.com/vb/showthread...02#post4671202
و مش كدة و بس انا كمان عندى مقالات كتيرة جداً حول هذا الموضوع ممكن أجمعها لكم فى رابط واحد لاحقا ، ولو أنكم قرأتم الموضوع بشكل أحسن دون سخرية أو تلاعب منكما لكنتم علمتم أننى اتصلت بجهات مسئولة واستوضحت منهم ، وأكدوا لى صدق ما أقول .
و فى النهاية أود أن أوجه لكما نصيحة من أخ ناصح لكما ، لا تظنان يوماً أنكما أعلم البشر ، لأن الغرور عواقبه وخيمة ، ممكن تحرق كل شئ جميل فى حياتكم ، حتى مستقبلكم ، أتمنى أن تكون الصورة وصلت وبالتوفيق لنا جميعا ً .

[!! Dark Man !!]

االاختيار ده للساقطين السنادي في 2 ث او 3 ث وممكن يخيروهم بين النظامين
اما احنا النظام الجديد علينا اجباري )
وتحياتي لاسماء والاء

[!! Dark Man !!]

علي فكرة انا محمل القرار من وزارة التربية والتعليم
ومفهاش اي حاجة عن الكلام ده خالص حتي اللي يخص الراسيبن

[annoccc]

المشاركة الأصلية كتبت بواسطة !! Dark man !!

علي فكرة انا محمل القرار من وزارة التربية والتعليم
ومفهاش اي حاجة عن الكلام ده خالص حتي اللي يخص الراسيبن

طب لو كان كدة ممكن تقولنا من فين جبت معلوماتك ، وماهو الرابط بالضبط ، لأنى زى ما قلت أنا متايع الموضوع من أول ماظهر ، وسألت فى أكتر من جهة مسؤولة ، وعلى فكرة أنا ما يعنينيش الى مش عاوز يصدق ،لأن دى مصلحته فى النهاية ،طب لو كان فرضا الذى أخبركم به صح مش أحسن ان يبقى عندك فرصة تختار بين حاجتين ولا تبقى مجبر على حاجة واحدة فقط ، و أنا فى النهايه مش مستنى حد لا يكدبنى ولا يصدقنى أنا كل ما فى الأمر عاوز أوضح للناس الموجدين معانا فى نفس الظروف كل المعلومات الى عندى لعل وعسى أنى حد يستفاد منها بدل ميدخل على عماه و يقولك دا نظام اجبارى و مش عارف ايه ، و يكون هو شايف النظام القديم أحسن ، عموما فى النهاية الواحد ممكن يتاكد بألف طريقة ، و انتوا أحرار .
و على فكرة مش انتا المحامى الذى وكلك أسماء وصاحبتها ، لكي تشكر فيهما ، أرجو ألا نتكلم فيما ليس لنا به علم لكى تعم الفائدة على الجميع والبينة على من ادعى .
و بالتوفيق للجميع ، والسلام عليكم ورحمة الله وبركاته

[annoccc]

يلا خلينا ايجاببين ولو مرة وخلينا نكون رأى واضح ونحدد الطريقة التى بها نكون مستقبلنا ، قل رأيك و ماتخفش أن سيد قرارك

[sad nono]

والله الموضوغ مش كدا ... موضوع الاختيار دا للطلبة الراسبين على ما اعتقد ..

[annoccc]

المشاركة الأصلية كتبت بواسطة sad nono

والله الموضوغ مش كدا ... موضوع الاختيار دا للطلبة الراسبين على ما اعتقد ..

طيب انتى مشوفتيش الرابط الموجود فى الموضوع ، عموما ممكن تتصلى بالادارة العامة للامتحانات أو الكنترول الخاص بالقطاع الموجود به مدرستك ، و أنا ممكن أجيبلك المقالات الموجودة فى الصحافة وغيرها التى تتكلم عن هذا الموضوع .
أنا مش بقرر حاجة قد ما أنا عاوز أقول لكل الطلاب أن لهم حق الاختيار بين النظامين عشان يستغلوا الفرصة لصالحهم ولا ايه .
و عموماً أدينا مستيين الى هيحصل ، والمية تكدب الغطاس ،المهم احنا نقول رأينا وفقاً لما هو متاح لينا من معلومات ، وبالتوفيق لنا جميعا وكل سنة وانتوا طيبين .

[نهى شاهين]

طب انا مش فاهمه حاجه الراسبين هيختارو ازاي يعني لو هيعيدوا الامتحان في مواد الرسوب الاعاده هتبقي امتى وهيعيدو عليها السنه ولا هتبقا الاعاده زي الدور التاني كده وبالدرجات الفعليه
وفي رايي النظام القديم احسن عشان الجديد ده امتحاناته هتبقا صعبه وانتو اللي هتبقو كبش الفدى هيجربو فيكم

[annoccc]

المشاركة الأصلية كتبت بواسطة نهى شاهين

طب انا مش فاهمه حاجه الراسبين هيختارو ازاي يعني لو هيعيدوا الامتحان في مواد الرسوب الاعاده هتبقي امتى وهيعيدو عليها السنه ولا هتبقا الاعاده زي الدور التاني كده وبالدرجات الفعليه
وفي رايي النظام القديم احسن عشان الجديد ده امتحاناته هتبقا صعبه وانتو اللي هتبقو كبش الفدى هيجربو فيكم

يا نهى كل الطلاب لهم حق الاختيار بين النظامين