مين هنا زعلان انه ماجابش الكليه الي هو عاوزاها ادخلووووووو

[احمدك يارب]

السلام عليكم
بصى يا ابنى انت وهى بداية دا قضاء ربنا وقدره ودا نصيبك وربنا كاتبهولك لان هو وحده اللى يعلم الخير ليك وليها فين وصدقونى رب الخير ما بيعملش غير الخير
ودايما ادعى الدعوة دى "اللهم اخترلى ولا تخيرنى " .



* ثانيا مين قال انك مهما اجتهدت السنة الجاية عمرك ما هتعدى ال 80 %
انا يا سيدى فى ثانية ثانوى كنت جايبة 75 فى المية لظروف ما يعلم بيها الا ربنا _سيحت لنفسى _
وثالثة لوحدها جبت اتنين وتسعين فى المية_ ووالله ما كنت بذاكر بس انا قدراتى العقلية كده _
والاتنين مع بعض مجموعى طلع 83 ونص فى المية .



* ثالثا لو كنت عملت زيكم كده كنت انتحرت فى ثانية ثانوى لان كان حلم حياتى ادخل اعلام
وبعد المجموع المنيل بتاعى الي هو مجموعي
وف سنة تالته بدأت احلم حلم تانى وهو السفر والشغل برة مصر وعشان كده دخلت تربية رياضية
وفى الاربع سنين بتوع الكليه الحمدلله كنت بطلع بتقدير عالى جدا وبكون فى الترتيب بتاع ال 20 الاوائل ع الكلية
ووانا بدرس حصلت ظروف الوفاة بتاعت والدى ووالدتى ومعدش ينفع اسافر واسيب اخواتى حمدت ربنا ورضيت بقضائه وكملت طريق احلامى .



* رابعا حلمت حلم جديد وهو التميز وحاليا بحضر ماجستير فى تخصص نادر فى مصر وفى موضوع محدش اشتغل فيه قبل كده فى مصر كلها
والحمدلله الدكاترة واللى حواليا مبهورين بالموضوع _ انت الوحيد اللى تقدر تحكم اذا كنت هتنجح فى المكان الفلانى او لا باجتهادك وارادتك _ .



* أما بقى خامسا ودى الاهم لسه عندى حلم جديد وكبيييييييييييير وهو انى اكون وزيرة الشباب والرياضة _ ادعولى _ بجانب احلام اخرى اصغر منه شوية
لو ربنا اراد واتحققت كان بها مش اتحققت هدور على أحلام غيرهم اسعى لتحقيقهم وعمرى ما هيأس من رحمة ربنا ولا همل من تدابيره وهفضل طول عمرى راضيه بقضاء ربنا وقدره .


فاحمدوا ربنا ع اللى انتم فيه لان فعلا محدش عارف الخير فين ومبروك النجاح .



{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

^____________________________________________^


موضوعى دا للطلبة والطالبات
وللاباء والامهات كمان اوعو تعقدو العيال وتكرهوهم فى عيشتهم عشان جابو مجموع مش ولابد
ده موضوه لشخص قريبي وحقيقي جدااااااااا فاياريت تعملو بيه احبيت اساعد بس الناس الي فقدت الامل خالص