إوعى تصدقة !

[Ahmed Yousif Mohamed]

إوعى تصدق اللى بيعجزك ويفهمك إنك مش قادر الشخص دة يبقى شخص مبيفهمش
أنا الحمد لله خلصت تانية ثانوى وداخل تالتة
والحمد لله جبت 98.5 وعشان كدة حبيت أنفع الأخرين
1- اللغة العربية
اللغة العربية صراحة أنا إعتمدت على مذكرة الأستاذ لإنى مش شايف إنى فى كتاب يستحق
وإن كان كتاب الرسالة الافضل وأحسن حاجة إنك تذاكر الدرس وتجيب كتاب الإمتحان بتاع التدريبات الشهرية وتحل زى مانت عايز لانة مقسم فروع تعبير ونحو وقصة وبلاغة وأدب وقراءة وفية تدريبات كتيرة جداً وفية الأسئلة اللى جات ف السنين السابقة واسئلة الدليل
أنا عملت كدة وجبت 28.5
2- اللغة الاجنبية الأولى (الانجليزى)
أفضل كتاب شرح ومراجعة نهائية ف اللغة الإنجليزية كتاب thebest الكتاب دة فى تدريبات رائعة وممتازة جدا لوجبتة وحليتة كلة يبقى كدة تمام خصوصا كتاب المراجعة النهائية
3- اللغة الاجنبية الثانية (الفرنساوى)
انا ذاكرت من كتاب bravo وهو كتاب ممتاز صراحة وراجعت من كتاب genial وكتاب روعة ف المراجعة النهائية وفيه تدريبات متدرجة على كل جزئيات المنهج وكل اسئلة الامتحان سؤال سؤال
وف الاخر تجيب كتاب bravo م الاخر وتحلة كلة وتبقى انت كدة خلصت كل حاجة
وانا جبت 50 ف اللغة الفرنسية
4- الرياضيات
الرياضة فى كتب كتير المهم تحل مسائل وأفضل كتب الشرح كتاب لامى والمعاصر وتجيب كتاب المعاصر بتاع المسائل وتحل فية طول السنة لانة فية أسئلة كتيرة واسئلة التقويم وكتاب المدرسة
وف المراجعة تجيب كتاب المعاصر بتاع المراجعة وتحلة كله بامتحانات الثانوية العامة السابقة
أنا الحمد لله جبت 49.5 ف الرياضيات
5- الكيمياء
بصراحة الكيمياء بتحتاج كمية فهم وحفظ وأحسن كتب الشرح كتاب الوسام والمراجعة النهائية بتاعتة
بس عيبة إنة جايب حاجات برة المنهج بس حاجات قليلة
وتجيب كتاب الامتحان مراجعة برضة وتركز على أسئلة كتاب الوزارة ودليل التقويم
وعموماَ هو بيجيبلك قطة مجتش قبل كدة وساعات بيجيب حاجات غير متوقعة فاحيانا العملية عملية تفويق
أنا الحمد لله جبت 50 ف الكيمياء
أهم حاجة توفيق ربنا وتحل كتاب المدرسة ودليل تقويم الطالب

[Met3b Bk]

الف مبروك انا في تانيه و جايب 98 الفرق بيني وبينك الكيميا انا جايب 49 وجايب 50 رياضه